mánadagur 11. juli 2016síða 18

Mánadagur 11. juli 2016 · Nr. 79 Jóannes Hansen Tað vendi nógv øðrvísi á vestan­stevnu, enn tað hevur gjørt higartil í hesum kapp­ róðrar­árinum. Favorittarnir fullu sum flugur. Teistin vann kappingina millum 5-mannafør við kvinnum fyri fyrstu ferð síðani á norðoya­stevnu, Hvessingur vann kappingina millum 6-mannafør við monnum, sum Smyril annars hevði vunnið fult stigatal í, Tjaldrið vann kappingina millum 5-mannafør við dreingjum, sum Fípan Fagra vann á jóansøku í Vági, og Argja­báturin hótti leingi Nevið Reyða, sum tó vísti seg at vera suverenan í enda­ spurtinum. Og so var tað stóra finalan í kappingini millum 10-manna­førini. Í onkrum av undan­farnu róðrun­um hevur tað kenst vera upp­ takt til, at onkur kundi fara at hótta Eystur­oying. Bæði Havnar­báturin og Orm­urin Langi hava ligið fram­við, uttan at sigurin er vorðin til veru­leika. Í Sørvági var tað Drekin Reyði, ið var fyrstur á mál í so spennandi, skiftandi og fjøltáttaðari kapping millum fýra 10-mannafør, sum tað sjáldan ella ongantíð er sætt áður. Síðani kappróðurin leygar­dagin hava fleiri í sosialu miðlunum víst á, at tað royndist best hjá bátun­ um, ið vóru nærri sunnara land­in­um. Orsøkin var eyð­ sýnd. Fríska lotið lá út eftir fjørð­in­um, og harvið var lívdin størri hjá teimum syðru á, meðan teir nærri Bíggjar­land­in­um vóru meiri í and­glettin­um, har sjógvurin fyrra partin av teininum var óslættari, enn hann var hjá hinum. Kann brúkast í Vestmanna Manningar hjá Argja Róðrar­ felag stóðu seg betri leygar­ dagin, enn tær hava gjørt fyrr í ár. Kvinnur­nar um­ borð á Teistanum endur­ tóku sigurin, sum tær vunnu á norðoya­stevnu. Inntil leygar­dag­in var hetta einasti sigurin í FM kappingini, sum bát­ur av Argjum hevði vunnið higartil í ár. Tí var tað einki at siga til, at tað var fagnaður á Argjum og í neystinum, tá ið bátar og manningar um nátturðatíð vóru aftur á Argjum. Argjabáturin hevur altíð verið flaggskipið hjá argja­ monnum, og Argja­bát­urin hevur vunnið nógv. Tað hevur kenst sum dyggur smeitur, at tað hevur gingið so striltið hjá 8-manna­ farinum higartil í ár. Leygar­ dagin fegnaðust tey á Argjum um, at tað á Sør­vági eydnaðist Argja­bát­in­um at vera við til at seta dám á róð­urin og leingi at liggja á odda. Vónir eru um, at tað eisini hjá Argja­bátin­um skal vignast betri í Vest­manna og á ólavsøku, enn tað higar­til hevur gjørt. Óla Hendrik á Fløtum er formaður í Argja Róðrar­ felag, og hann er báts­ formaður á Drek­an­um Reyða. Honum líkar væl, at tað verður tosað nógv og skrivað um, at um­støður­ nar ikki vóru tær somu hjá øllum at rógva á Sørvági, og at líkindini áttu stóran lut í, hvørjir bátar struku avstað við sigrunum: – Fyri okkum var hetta sera kær­komin sigur. Vit hava arbeitt nógv, og hóast vit á jóansøku endaðu á fjórða plássi, og sjálv­andi vóru sera vón­brotnir um úrs­ litið, so vóru vit nøgdir við av­rikið, og vit hildu okkum hava grundaða vón um, at tað kundi eydnast á Sørvági, sigur Óla Hendrik av Fløtum, og hann heldur fram: – Vit kunnu ikki renna undan, at náttúran spælir inn og hevur ávirkan í kapp­ róðri, og at tað ber ymsar fyritreytir við sær. Men eg eri fullvísur í, at tá ið tað nú er so stórt fokus á, at tað vóru um­støður­nar og lík­ind­ini, ið vóru orsøk til, at vit vunnu, so fer hetta at bera við sær, at okkara manning verður upp­aftur meiri upp­sett nú leygar­dagin í Vestmanna, og fer at leggja uppaftur meiri í fyri­reiking­ arnar fyri at vísa, at tað ikki bara er tilvildin, sum er or­ søk til, at vit vóru við aftur í kappingini um fremsta plássið. – Tá ið vít fóru um málið høvdu vit kenslu av, at vit vóru væl við. Vit hoyrdu stýri­mannin á Orminum Langa rópa á sínar menn, at teir høvdu vunnið. Henda løtan, meðan tað verður bíðað, er ógvuliga spenn­ andi. Vit skiltu á lagnum, at úrslitið var greitt eina løtu, áðrenn at vit fingu greiðu á, at vit høvdu vunnið, og sjálv­ andi kendist fagnaðurin og lættin at vera øgiliga stórur. Jannie hevur lagt lag á Teir umborð á Drekanum Reyða eru rættiliga royndir rógvarar, og teir hava vunnið nógv. Teir flestu hava róð saman síðani 2010, og teir hava vunnið FM við Lómi í 2012, Argjabátinum í 2013 og við Drekanum Reyða í 2014, og í fjør vóru teir við í FM kappingini inntil síðsta takið í ólavsøkuróðrinum. Óla Hendrik av Fløtum heldur seg vita, hví tað ikki hevur gingið so væl í ár: – Tað snýr seg um svongd­ DREKIN REYÐI FANN AFTUR TIL RÓTINA 18 Sosialurin Hugskot og viðmerkingar – send sms til 225000 KAPPRÓÐUR Bátsformaðurin vónar, at tað verður sagt og skrivað nógv um, at tað vóru umstøðurnar, ið bóru sigurin á Sørvági við sær, tí tað roknar hann við fer at øsa hansara menn at vísa nýtt vinnaraavrik í Vestmanna VESTANSTEVNURÓÐUR