mánadagur 11. juli 2016síða 23

23 Mánadagur 6. januar 2014 · Nr. 2 Sosialurin Mánadagur 11. juli 2016 · Nr. 79 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Føroyskur fótbóltur er annað árið á rað úti av Evropa í fyrsta umfari. Tað er óvanligt, at føroysk feløg møta sterkari mótstøðu í Evropa, men seinnu árini er seedingssystemið broytt, so vit oftari møta mótstøðu, ið vit eiga at kunna takast við. Tað setur eisini nakrar tankar í gongd, tá føroyskur toppfótbóltur tapur fyri maltesiskum og lettiskum fótbólti. Ikki tí vit absolut skulu og eiga at vinna á slíkar mótstøðu hvørja ferð, men vilja vit vera við og vilja vit meiri, so mugu vit eisini gjalda prísin í gerandisdegnum. Føroyskur fótbóltur hevur framúr umstøður, tá talan er um vøllir, felagshús og líknandi. Hinvegin, so er gerandisdagurin hjá einum fotbóltsspælara, sum hevur fulltíðar arbeiði og eitt nú familju ikki optimalur ítróttarliga. Vit eggja heldur ikki eitt nú ungum á miðnámi at gera nógv við ítróttin. Ella har finst so ongin ítróttarlinja, har hædd verður tikið fyri ítróttinum. Tilboðið við fótbóltsskúlanum á Fløtum til næmingar í 8. og 9. flokki er vegurin fram. Hetta skuldi sjálvandi verið galdandi fyri miðnámsnæmingar – og gjarna til fleiri ítróttargreinar. Avrikið hjá Íslandi í EM endaspælinum vísur eisini, at tað ber til at kom langt hóast umstøðurnar ikki eru optimalar, so er tað viljin, ið er alt avgerandi. Ikki bara viljin hjá spælarunum at venja hart, men eisini viljin at skapa umstøður at venja í. Viljin hjá feløgunum at skapa eitt umhvørvi, har tað verður kravt nógv at spælarunum. Og ikki minst viljin hjá venjarnum at blíva betri fakliga. Føroysk feløg hava til eitt vist lært, at tað gagnar teimum ikki at yvirbjóða upp á spælarar hjá hvørjum øðrum, tí so standa tey bara eftir við eini hægri rokning. Um feløgini nú semjast um, at krevja meiri av spælarunum og sær sjálvum, so er tað eitt stig á rættari leið. Eg plagi at taka til, at tað nyttar ikki at vilja tað frá tí tjóðsangurin byrjar til hann endar, men vit mugu vilja tað frá tí tjóðsangurin endar, til hann byrjar aftur. Tað er har vit flyta okkum! P.S. Pínadoy tað er deiligt fyri mítt fótbóltshjartað, at síggja Cristiano Ronaldo standa á síðulinjuni og hálvgun verða hjálparvenjari hjá Portugal í EM finaluni. Tað mær dámdi best var, at ensku dómararnir ikki fylgju tápuligu reglugerðini um, at bara ein kann standa í senn og líknandi tvætli, tí hetta er tað fótbóltur snýr seg um. Kenslur og viljin at vinna. Og ikki um ein fjórða dómara, sum absolut skal blanda seg upp í alt. Tummil upp til Mark Clattenburg og hansara menn fyri at leiða dystin – tí í dag tosar ongin um dómaran. Bara um dystin – og tað er frískligt! trondur@sosialurin.fo Úti av Evropa KLUMMAN Hilmar Jan sigur sína hugsan... Tróndur Arge Christian F. Andreasen, FSF forseti, var saman við aðal­ skriv­aran­um, Virgari Hvid­ bro, til EM finaluna í París í gjár. Oddin í øllum fót­bólts­ sam­bond­un­um var samlaður til finaluna, sum Portugal vann 1-0 á verts­tjóðini Fraklandi. Fyri ein stóran part var talan um góðan stemning, men FSF forsetin sigur eisini, at tað merkist at tað var ein ótti fyri yvirgangi. Tað merkist væl her, at tey í Fraklandi eru glað fyri, at tað gekk so væl fyri seg í samband við finaluna. Tú hevur merkt ein ótta á fólki fyri yvirgangi. Millum annað vóru fleiri trygdartiltøk áveg til finaluna, men tíbetur spældi alt væl av, sigur Christian F. Andreasen. UEFA fegnast um EM Tað hevur verið nakað av kritikki av EM, tí fleiri halda at tað hava verið ovn ógv lond við. Tað skal so hava gjørt, at dygdin á spælinum er nakað verri enn vanligt. Soleiðis sær UEFA tað ikki. Tað tykist sum tað hevur verið stór nøgd við EM. Inntøkurnar eru góðar frá sjónvarpsrættindunum og tað hevur gingið væl at selja atgongumerki til dystirnar. Tað hava tey verið eitt sindur stúrin um, men tað eru bara tey heilt dýru pakka- atgongumerkini, ið hava verið trupul at selja, sigur FSF forsetin. Í septembur verður UEFA forsetaval. Enn er ógreitt hvør stillar upp. David Gil, fyrrverandi Manchester United, Michael van Praag, sum FSF fyrr hevur stuðla til FIFA forseta og virkandi UEFA forsetin, Ángel María Villar Llona eru millum teirra, ið væntast at stilla upp. Tað hevur sjálvandi verið tosað í krókunum um hvør man fara at stilla upp. Norðurlondini standa saman, tá talan er um forsetaval, so vit hava eisini tosa okkara millum, sigur Christian F. Andreasen, ið av góðum orsøkum ikki kann siga hvønn FSF ætlar at stuðla, tí tað er ikki greitt hvør stillar upp enn. trondur@sosialurin.fo Yvirgangsótti, UEFA forsetaval og góður stemningur setti sín dám á finaluna í EM endaspælinum fyri forsetan og aðalskrivaran, ið báðir sótu á fyrstu rekkju til steypahandana UEFA LETUR VÆL AT EM