mánadagur 11. juli 2016síða 22

Mánadagur 11. juli 2016 · Nr. 79 22 Sosialurin Hugskot og viðmerkingar – send sms til 225000 Christian F. Andreasen, forseti í FSF, tú hevur verið til EM finaluna. Hvussu var? Tað var ein ótrúligur stemningur, men tað merkist at fólk hava verið óttafull fyri yvirgangi, tí tað vóru nógv trygdartiltøk sett í verk. Annað enn tað var tað fantastiskt. Helt tú við Portugal, nú tá teir koma til Føroyar? Ja, eg helt við Portugal í finaluni, men tað ikki bara tí teir koma á Tórsvøll seinni í ár, men eisini tí Portugal er tað lítla landi í finaluni Hvørjum helt tú annars við? Íslandi. Tað sigur seg sjálvt, at vit halda við Íslandi, men annars haldi eg við Onglandi. Til dystin teirra millum helt eg tó við Íslandi Tú og aðalskrivarðin, Virgar Hvidbro sótu væl fyri. Hvussu ber tað til? UEFA bjóðar øllum forsetum til finaluna. Vit sótu allir har. Eg havi ein mistanka um, at tað var eisini fyri at skapa eitt lítið trygarpláss frá eitt nú franska forsetanum til áskoðararnar. Tit hava myndir av Sir Alex Ferguson saman við Cristiano Ronaldo og steypinum. Hvat hendi? Sir Alex Ferguson stóð hinumegin trappuna og heilsaði upp á fleiri av spælarunum. Teirra millum Patrice Evra og Nani, sum báðir hava spælt í Manchester United. Størsta klemmið fekk Cristiano Ronaldo. Teir hava eisini eina for­ tíð saman í Manchester United, og teir sóu út til at hava eitt serligt samband. Vikan ið fór Portugal vinnur EM. Teir vinna 1-0 í longdari leiktíð, eftir at Cristiano Ronaldo fer skaddur av vøllinum í fyrra hálvleiki. Avgerandi málið skorar innksifti Éder. B36, HB, Víkingur og NSÍ tapa øll samanlagt í Evropa. Annað árið á rað kemur einki føroyskt lið víðari, hóast mótstøðan er til at tosa við. Drekin Reyði vinnur ein tann mest spennandi róðurin hjá 10-mannaførum í longri tíð. Eysturoyingur er tó risa favorittur at vinna FM heitið. B36 skipar fyri Summar Cup í Gundadali. Í góðveðrinum luttóku áleið 100 lið í kappingini, sum er eitt árligt afturvendandi tiltak hjá B36. Andy Murrey og Serena Williams vinna søguríku Grand Slam kappingina, Wimbledon. Fyri Andy Murrey er talan um annan sigurin á bretska heimavøllinum. Lionel Messi verður dømdur sekur í skattasviki fyri um 40 milliónir krónur Revsingin er 21 mánaðar treyta fongsulsrevsing. Hann skal ikki inn at sita, so leingi revsingin er undir tvey ár. ...við ítróttinum 5 SKJÓTIR So er EM endaspælið í Fraklandi komið at enda. Portugal stendur eftir sum vinnari, eftir eina finalu, ið lýsti hetta endaspælið rímiliga væl. Heilt stóru stjørnurnar leveraðu ikki eftir ætlan, meðan tað var ein ”underdog” í Éder og Portugal, sum við styrki og eini væl tilrættislagdari ætlan stóð eftir við sigrinum og EM steypinum. Í stóran mun hevur EM 2016 endaspælið verið fyri nógvum kritikki, tí spælið hevur verið lítið áhugavert fyri tey, ið ynskja sær álopskendan fótbólt. Hinvegin, so hava vit fingið fleiri góð liðavrik. Millum annað hava íslendingar givið okkum avrik, ið øll kunnu kenna seg aftur í. Ein sterkur liðandi, har ongin spælari er størri enn síðumaðurin. Somuleiðis fer sigurin á Onglandi í søguna sum tann størsta sensatiónin í EM søguni. Stóri kritikkurin er, at tað eru ov nógv lið við, og at av teimum 24 verða bara átta soldaði frá í bólkaspælinum. Orsøkin til, at eg gevi EM 2016 tríggjar stjørnur er, at fyriskipanin hjá Fraklandi hevur verið framúr – eins og í 1998. Leikvøllirnir hava verið framúr, dómaraavrikini góð og áskoðararnir gjørt sítt. Kenda røddin hjá BBC John Motson segði tað so væl. EM 2016 hevur havt stórar løtur, men ikki stórar dystir. TAÐ GÓÐA: Áskoðararnir hjá Norðurírlandi og Íslandi. Við sanginum »Will Grigg’s on fire« og íslendska »Huh« TAÐ RINGA: Ensku og russisku áskoðararnir, sum bara komu fyri at berjast. Bæði blivu send heim við halanum millum beinini TAÐ MINNILIGA: Navnið Éder er nýggi trivial spurningurin, eftir at hann heldur óvænta bleiv hetjan hjá Portugal í finaluni HVAT SIGUR TÚ? Samdur í kritikkinum av, at ov fá verða soldaði frá í bólkaspælinum, men tað er ringt sum føroyingurin ikki at virðismeta góð liðavrik, sum hjá Íslandi og Wales. Eitt miðal endaspæl trondur@sosialurin.fo Í hesum táttinum umrøða vit ítróttarbøkur. Hetta eru bøkur, sum vit hava lisið og meiningarnar eru allar okkara egnu... ★★★★★★ FAKTA Portugal er tíggjunda landið, ið vinnur EM steypið. Teir vóru í finaluni í 2004 á heimavølli, men máttu tá lúta fyri Grikkalandi. Cristiano Ronaldo, eftir at Portugal í gjár vann EM Fernando Santos, venjari hjá Portugal, um taklingina, tá Cristiano Ronaldo bleiv skaddur – Í dag upplivdi eg bæði sorg og gleði. Hetta er ein av teimum bestu løtunum í mínum lívi. Eg græt. – Eg helt at dómarin kundi givið honum eitt kort. Hann bríkslaði ikki ein gongd fyri frísparki Fimm skjótir spurningar til føroysk ítróttarfólk... Navn: Christian F. Andreasen Starv: Forseti í FSF Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvørjum liði spælir portugisiska hetjan frá í gjár, Éder, við? 2 Hvør dømdi EM finaluna í gjár? 3 Hvør átti taklingina, sum gjørdi at Cristiano Ronaldo bleiv skaddur? 4 Hvørjum knæið bleiv Cristiano Ronaldo skaddur í? 5 Hvussu nógvar landsdystir hevur Cristiano Ronaldo spælt fyri Portugal? 6 Hvussu eitur venjari hjá Portugal? 7 Hvør bleiv skiftur inn fyri Cristiano Ronaldo? 8 Hvør er maðurin, ið fekk liðskiparabandið frá Cristiano Ronaldo? ? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1: Lille (Fraklandi) 2: Mark Clattenburg 3: Dimitri Payet 4: Høgra 5: 133 6: Fernando Santos 7: Ricardo Quaresma 8: Nani EM 2016 ÍTRÓTTAR UMMÆLI