mánadagur 11. juli 2016síða 36

VIKA 28 • 11. JULI 2016 12 ÓKEYPIS LÝSINGARBLAÐ TEMA Eysturkommuna Eysturkommuna liggur inni við fleiri umsóknum um grundstykki, bæði í Syðrugøtu, Norðragøtu og Leirvík. Tað kemur tí væl við, at útstykkingin í Syðrugøtu, sum fevnir um tilsamans 26 grundstykki, nú er liðug. Næsta takið er Leirvík Vilmund Jacobsen B orgarstjórin í Eysturkommunu, Jóhan Christiansen, gleðir seg altíð til G! Festivalin, og hann hevur verið á øllum teimum undan­ farnu – við undantaki av tí eina árin­ um, tá hann ikki var heima. – Heilt síðan byrjan havi eg annars saman við familjuni verið á G!, og hetta er eitt tiltak, sum okkum øllum dámar væl. Hann vísir á, at G! ikki minst er eitt familjutiltak, og tí plaga hann, konan og børnini at vera saman, meðan dagur er. Tá so kvøldið kemur, plaga børn­ini at vera heima, og tá plaga konan og hann at fara ein túr út aftr­ at. Jóhan Christiansen heldur, at G! Festivalurin er eitt frálíkt høvi hjá fólk­inum, sum býr í økinum, at vísa blíð­skap og vísa fram bygdina og komm­ununa. – G! Festivalurin er eitt sera væl vitjað tiltak, sum hópur av fólki á ymiskan hátt stendur aftan fyri og er partur av. Vit fegnast um at hava fólk í økinum, sum ár um ár taka tøk, soleiðis at hetta tiltak kann reisast á føtur. Vegna Eysturkommunu ynskir Jó­ han Christiansen soleiðis at bjóða øll­ um hjartaliga vælkomnum á G! Festi­ valin. – Eg gleði meg altíð til G!, og tað gera mong við mær. Hetta er eitt frálíkt høvi hjá okkum at leggja gerandisdagin frá okkum eina løtu, sigur borgarstjórin. Útstykkingin liðug Jóhan Christiansen sigur, at nú Syðru­ gøta enn einaferð verður karmur nú G! Festivalin, eru eisini vegirnir til ta útstykking og íbindingar til nýggju grundstykkini, sum arbeitt hevur verið við í bygdini, liðug. – Í nýggju ætlanini hava vit 26 nýggj grundstykki, sum í hesum døg­ um verða handað kommununi. Tað er entreprenørfelagið Kreton, sum hevur gjørt hetta arbeiði, ið hevur gingið rættiliga væl, og sum nú er liðugt. Borgarstjórin vísir á, at nógv fólk hava staðið á bíðilista til grundstykki í Syðrugøtu. Talan er bæði um fólk við tilknýti til kommununa, men eisini um fólk, sum ikki hava tilknýti, men sum kortini ynskja at seta búgv her. – Vit hava havt eini 70 fólk á bíði­ lista til grundstykki í Syðrugøtu, og nú útstykkingini er undir landi, sendu vit í fyrsta umfari brøv út til tey fyrstu 26, sum hava staðið longst á bíðilista. Fyribils hava eini 12-14 av hesum tikið av. Onkur, sum lesur uttanlands, hev­ur takkað nei, tí tey eru ikki komin heimaftur enn. Seinni fáa so eisini onnur, sum standa á bíðilista, bræv frá kommununi um, at nú eru grundstykkini í Syðrugøtu klár at selja. Sjálvur ivast borgarstjórin onga løtu í, at kommunan fer at sleppa av við øll grundstykkini í Syðrugøtu heilt skjótt. – Tað er populert at búgva í Syðru­ gøtu. Her er gott at vera, og tað er ser­liga her, at tørvur hevur verið á grund­stykkjum. Eisini í Leirvík Áðrenn vit sleppa Gøtu, sigur Jóhan Christiansen, at kommunan hevur eini 20 fólk á bíðilista, sum ynskja at byggja í Norðragøtu, og her varð seinasta grundstykkið selt fyrr í ár. – Í Leirvík hava vit eisini eini 30 fólk á bíðilista. Her hava grundstykki verið, men nú er einki eftir. Vit arbeiða við eini útstykkingarætlan í Leirvík, og her er full ferð á, men tað hevur drigið nakað út at keypa jørð til endamálið. Ætlanin var at gera eina útstykking í Leirvík í tveimum, men eg trúgvi, at nú hetta hevur drigið nakað út, verður alt gjørt í einum. Jóhan Christiansen sigur ivamál vera um, hvørt grundstykki í nýggju ætlanin í Leirvík kunnu seljast í ár, men hann vónar, at tað fer at eydnast. Undir Gøtueiði Undir Gøtueiði, sum eisini er partur av Eysturkommunu, og sum kunnugt vendir út móti Skálafjørðinum, eru nøkur grundstykki tøk, sum eru klár at selja, men borgarstjórin ásannar, at fólk í kommununi helst vilja búgva í Leirvík, Norðragøtu og Syðrugøtu. – Øll eru hjartaliga vælkomin at biðja um grundstykki Undir Gøtueiði, har alt er klárt við vegi og íbindingum. Í Eysturkommunu er byggifelagið KBH annars í holt við at tekja nýggju býráðshúsini niðri við ánna og ósan, og Jóhan Christiansen heldur, at hóast ymiskar meiningar hava verið um hesa verkætlan, eru fólk spent, nú tað byrjar at síggjast, hvussu nýggju býráðs­húsini, sum kendi arkitekturin, Ósbjørn Jacobsen hevur teknað, fara at taka seg út. Nógv vilja byggja í Eysturkommunu Jóhan Christiansen, borgarstjóri í Eysturkommunu Arkitekturin Ósbjørn Jacobsen hevur teknað nýggju býráðshúsini, sum byggifelagið KBH er í holt við at tekja