mánadagur 11. juli 2016síða 44

VIKA 28 • 11. JULI 2016 20 ÓKEYPIS LÝSINGARBLAÐ TEMA Eysturkommuna Opið er í Gallarí Glæmuni í Tróndargøtu 18 í Norðragøtu gerandisdagar frá klokkan 08 til 16 Vilmund Jacobsen S einnapartin mikudagin hin 6. juli var fernisering í Gallarí Glæmuni, sum er latið upp í bygninginum, har El-Talvuvirkið í Norðragøtu húsast í Tróndargøtu 18. Tað var her, at handilin Glæman áður helt til, og nú eru hølini umbygd og sett í stand, soleiðis at høvi verð­ ur hjá listafólki at sýna fram list í summar­frítíðini. Hildigunn Tausen er listarkvinnan, sum sýnir fram, og framsýningin hjá henni kemur at hanga uppi fram til 1. september í ár. Opið verður í Gallarí Glæmuni í Tróndargøtu 18 gerandisdagar frá klokkan 08 til 16, og annars verður opið eftir avtalu. Føroyskur íblástur Hildigunn Tausen er uppvaksin í Hovi og er búsitandi í Danmark, har hon starvast sum pedagogur og psyko­ terapeutur. Hon hevur fingist við at mála í nógv ár, og myndirnar hjá henni hava íblástur úr føroysku náttúruni. Sagt verður, at Hildigunn Tausen er nógv umbiðin til framsýningar í Dan­ mark, og hon hevur eisini fram­sýn­ ingar í Føroyum. Eftir 1. september, tá framsýningin í Gallarí Glæmuni letur aftur, fer Hildi­ gunn Tausen at sýna fram málningar í Smiðjuni í Lítluvík. Nýggjur klædnahandil við Gøtugjógv Síðst í apríl í ár læt nýggi og forvitnisligi klædnahandilin HEMMAS upp við Gøtugjógv. Tað er 26 ára gamla, Harda Emma Skoradal úr Norðragøtu, sum eigur og rekur handilin, ið selur klæðir til bæði kvinnur og menn Vilmund Jacobsen E ftir at Harda varð liðug á FHS, fór hon í læru í klædnahandli í Havn og gjørdist søluatstøðingur við sergrein í klæðum trý ár seinni. Í lestrartíðini var hon tilsamans sjey ferðir í skúla í Danmark, og hetta var skúli, sum sonevnda Bestseller- ketan stendur aftanfyri. Seinni hevur Harda Emma Skoradal eisini tikið útbúgving sum stylistur innan klæðir. – Jú, mær dámar hetta ógvuliga væl, og eg gleði meg at taka klæðir heim, sum míni viðskiftafólk vilja hava. Eg royni at selja merki og klæðir, sum aðrir handlar ikki hava. Í mínum vøru­útboði havi eg bæði bílig klæði og klæði, sum eru eitt sindur dýrari. Fólk fáa tað, tey vilja hava. Ymisk klædnamerki Handilskvinnan sigur, at hon fegin brúkar tíð upp á tey viðskiftafólk, sum vilja brúka tíð í handlinum, meðan onnur, sum koma á gátt, hyggja seg um og leita eftir tí, tey vilja hava. – Viðskiftafólk hava ymisk ynski, og eg eri til tænastu hjá teimum øll­ um. Klædnamerkini, sum Harda Emma Skoradal hevur til kvinnur, eru eitt nú av merkjunum Nümph, Denim Hunter, Cheap Monday, Miss Baron og Intown. Hon hevur eisini Adia til tær størru kvinnurnar, eins og hon fer at fáa merkið Ciso, sum eisini er ætlað størri kvinnum. Til menninar hevur hon eitt nú merkini, Suit og Roberto Jeans, og klædna­merkið Kashmir er eisini áveg­ is. – Onkur klædnamerki, sum eg havi, eru bæði til kvinnur og menn, leggur hon aftrat. Føroysk troyggja Umframt útlendsku klædnamerkini, selur HEMMAS eisini føroyskar festi­ val­troyggjur, sum hon rópar tær, húgv­ur og vøttir, sum Sirri framleiðir. – Vit hava designað troyggjuna sjálvi, og tað er Sirri, sum framleiðir fyri okkum. Mynstrið hevur sína søgu. Tað var mamma mín, sum í sínari tíð bant hesa troyggju til pápa. Mamma fann sjálv upp á hetta mynstrið, men vit hava designað troyggjuna og havt valt litirnar. Í Hemmas hevur Harda Emma Skoradal eisini eitt ávíst úrval av task­ um, reimum, slipsum, hálsketum og øðrum nipstingum. Nýggi handilin er opin frá mána­ degi til og við hósdag frá klokk­an 10-17.30, fríggjadag frá 10-18, og leygardag er opið frá klokkan 10-14. – Hava fólk spurningar, eru tey hjartaliga vælkomin at ringja á tlf. 201000, sigur Harda Emma Skoradal. Hildigunn í Gallarí Glæmuni Tað er 26 ára gamla, Harda Emma Skoradal, sum eigur og rekur HEMMAS við Gøtugjógv Listarkvinnan, Hildigunn Tausen, sýnir fram list í Gallarí Glæmuni í Norðragøtu