mánadagur 11. juli 2016síða 46

VIKA 28 • 11. JULI 2016 22 ÓKEYPIS LÝSINGARBLAÐ TEMA Eysturkommuna Sp/f Nýgerð, sum Adrian Stauss í Leirvík eigur og rekur, hevur gjørt eitt sera snøgt laðingar-og steinsetingararbeiði niðri við Mataránna í Leirvík. Hetta er áin, sum rennur oman millum gomlu neystini í bygdini Vilmund Jacobsen M ataráin kemur oman, har sand­ur áður er vippaður oman í fjøruna - til gleði og gagns fyri bæði stór og smá. Laðað er uppundir vestursíðuna á niðasta parti av ánni og einar 40 metr­ar niðan eftir ánni. Blómubed er gjørt í sjálvum skrá­ anum, og nakrir hagasteinar eru lagdir til prýðis í moldina og millum veksandi blómurnar. Vestan fyri skráan er eisini gras­ plena og ein størri steinseting, sum skal ímynda eitt gamalt fiskapláss, har klippfiskur í sínari tíð varð turkað­ ur úti í sólini. Entreprenørurin, Poul Joensen í Fuglafirði hevur tikið sær av planering og koyring. Eitt eftirgjørt gangispæl, sum er bygt eftir gamlari fyrimynd, skal eisini setast upp á økinum. Beint vestan fyri fyri Mataránna og líka sum ímillum gomlu neystini er fyri fáum árum síðan eisini bygdur ein krokk-vøllur, sum eisini hevur verið til mikla gleði fyri mong. Tað sermerkta í hesum umhvørvi í Leirvík er, at tað serliga eru privat­ persónar, sum eru primusmotorar og standa aftan fyri hesar verkætlanir, sum prýða og fjálga so væl um bygda­ umhvørvið. Persónurin, ið gongur aftur sum privatur íleggjari, er í fyrsta lagi Jógv­ an Elias Joensen, sum í nógv ár hev­ur verið nevndarformaður í gull­laksa­ virkinum, Tavuni. Ein annar persónur, sum eisini var við til at fáa nýggjan sand oman í gomlu fjøruna, er Osmund Justinus­ sen, reiðari. Nú vóna leirvíkingar, at kommun­ an fer at taka sær av eystara áarbakk­ anum í Mataránni, sum er í ringum standi og rapar í støðum. Sum Vikublaðið skilir, hevur Eyst­ ur­kommuna tikið hetta mál upp og ætlar at stuðlað undir, at eystari áar­ bakki í Mataránni eisini verður laðaður. Í Leirvík siga tey, at síðan privatir fóru í holt við at hugna og fríðka um økið niðri við gomlu neystini í bygdini, eru fólk, sum eiga hesi neyst, eisini farin at hampa um hjá sær. Tað eru eisini tey, sum hava bygt sær neystini um til summarhús. Rokoko í Norðragøtu klæðir alla familjuna Rokoko er á tremur við nýggjasta summarmótanum, og handilin selur klæðir til øll, bæði vaksin og børn Vilmund Jacobsen N ú G! Festivalurin nærkast, lata tey, sum eiga og reka klædna­ handilin Rokoko í Norðragøtu, væl at søluni, sum gongur javnt og væl, sum tey taka til. – Vit hava havt eitt størri útboð av klæðum til kvinnur enn menn, men nú er úrvalið til menn eisini ment og vorðið meira fjølbroytt. Tað sigur Kristianna Ennigarð. Eitt, sum tey í Rokoko hava lagt til merkis seinnu árini, er, at fleiri og fleiri, sum fara uttanlands at ferðast um summarið, keypa klæðir við sær, áðrenn tey fara. Hetta eru gjarna løtt klæði, stuttar buksur og lættar t-shirts ella blusur. – Hetta hava vit serliga sæð, síðan føroyingar eru farnir at flúgva beinleiðis millum Føroyar og ferða­ málini í øðrum londum. Fólk, sum fara suður eftir at ferðast, vita eftirhondini, at útboðið av klæðum, har tey koma, ofta er lítið og einstáttað. Er talan um ferðabýir sunnan fyri, sært tú ofta somu klæðir í fleiri handlum, og oftast er talan um eitt lutfalsliga lítið úrval. Alt tað nýggjasta Rokoko er á tremur við nýggjasta summarmótanum, og handilin selur klæðir til øll, bæði vaksin og børn. Klædnamerkini til hennara eru eitt nú Sisters-point, Jacqueline de Yong, Noisy May, Masai, Cat & Co., Marc Lauge, One Two og Mongul. Handilin hevur eisini eitt stórt úr­ val av støddunum, 42 - 56 frá Zhenzi og Juna Rose. Klædnamerkini til menn eru eitt nú Shine, Lindberg, Jack´s og Bison, og vit hava nú eisini lekra merkið Garcia. Til børnini hevur Rokoko eitt nú Kids up, D-xel og Fixoni. – Umframt klæðir til alla familj­ una, hava vit eisini eitt rímiliga gott úr­val av skógvum til kvinnur – og eisini eitt ávíst úrval til menninar, sigur Kristianna Ennigarð, sum vegna Roko­ko ynskir øllum, bæði nær og fjar, ein góðan G! Festival. Rokoko, sum eisini er á Facebook, hevur dugnaligar kvinnur í starvi, og handilin hevur viðskiftafólk úr øllum landinum. Handilin fær nýggj klæðir heim hvørja viku – alt árið. Jóna Jacobsen og Kristianna Ennigarð í handlinum Rokoko í Norðragøtu Mynd: Vilmund Jacobsen Ein vakur blettur í Leirvík Tað er Birgir W. Høgnesen, sum hevur tikið myndir av snøggu laðingini í Leirvík