mánadagur 11. juli 2016síða 48

VIKA 28 • 11. JULI 2016 24 ÓKEYPIS LÝSINGARBLAÐ TEMA Eysturkommuna Ektaður gøtu­tónleikur úr New Orleans The Hot 8 Brass Band koma á G! Festival við ektaðum New Orleans gøtutónleiki - sum er andborin av eitt nú legendunum Louis Armstrong og Fats Domino T he Hot 8 Brass Band spæla og marsjera við einum villum, men snøggum vavstri av jazzi, funk og hip hop. Teir spæla og marsjera, tí tað er tað, sum lívið bað teir um. Søgan um The Hot 8 er ein klassisk søga, har sorgarleikurin og kærleikin til heimbýin, grannalagið og vinirnar vinnur á ósigandi mótgongd. Ikki færri enn tríggir úr orkestri­ num eru myrdir, meðan tann fjórði - trompetleikarin Terrell “Burger” Batiste - misti beinið í eini ferðslu­ vanlukku. Saknurin, tapini og mót­ gong­din hava hótt bólkin, men stóra katastrofan Hurricane Katrina hevði við sær at bólkurin helt áfram. Tí, tá støðan var ringast í New Orleans var tónleikurin savningar­ megin, sum eggjaði The Hot 8 Brass Band og íbúgvunum at byggja sam- felagið og býin uppaftur. Við tónleikinum og marsjinum heiðra The Hot 8 Brass Band falnu vinunum, meðan teir saman við hin­ um í New Orleans ferðast inn í eina bjart­ari framtíð. G! Festivalurin Leinkjur: 10 min. dokumentarur um The Hot 8 - https://www.youtube.com/ watch?v=1I4oYkETD6E “Ghost Town” - Hurricane Katrina - https://www.youtube.com/ watch?v=nsyK9_iaCoA “Sexual Healing” - https:// www.youtube.com/ watch?v=ZsDUXo5TcZY “Incendiary” – 4 STARS - THE OBSERVER / “Irresistible” – 4 STARS – MOJO “This is awesome!” - GUY GARVEY (BBC 6MUSIC/ELBOW) / “Undiluted nourishment for the soul” – THE BIG ISSUE / “One of the years finest albums” - 5 STARS - SONGLINES Trygdin í hásæti G! Festivalurin hevur í ár gjørt sær ómak, so pallurin stendur tryggur, tá umræður hvussu sjógvur og flóð ávirka, so av hesi orøk verða ongar avlýsingar í ár Dagfinn Olsen Tað er komið fyri, at veður og vindur hava gjørt sítt til, at framførslur á stóra pallinum hava verið seinkaðar, fluttar ella avlýstar. Men í ár er lagt væl undir pallin, og stabbar eru stoyptir í sandin, so at pallurin stendur sera tryggur. Vatn og flóð til dømis skuldu ikki verið orsøk til avlýsingar, men G! fyrireikarararnir kunnu tó onki gera við mjørka og og líknandi, ið kann órógva flogferðsluna. - Men av vatni og flóð verður ongin avlýsing, og faktiskt vænta vit onga avlýsing í ár, frættist av G! skrivstovuni. Stríðast við flugubein Tá spurt verður, hvussu tey á G! skrivstovuni meta um fyrireikingarnar, og hvussu vónirnar eru, so siga tey við løttum tóna, at á talvuni á vegginum eru eini 1000 flugubein, ið skulu setast, men av teimum eru longu eini 900 komin á pláss. -Vit stríðast við flugubein, men vit eru væl nøgd, og hava góðar vónir. Vit eru sera spent, siga G! Fyrireikararnir. Phlake – danska stjørnuskotið G! Festivalurin fegnast um at vísa føroyingum Phlake - danska stjørnuskotið, sum við risafetum leggur Danmark undir seg F yrsta plátan hjá Phlake varð slept í farnu viku, teir skaptu kaos á Roskilde, tá túsundatals fólk streymaðu til konsertina á Rising pallinum og nú geva lokkandi løgini um kærleika og funky tónin endurljóð í donsku miðlunum. Tað er ikki mongum bólki unt, at næsta staklagið vinnur platin. Konsertferðin hjá donsku Phlake varð útseld uppá fáar tímar og nú ríða teir á tónleikaligu alduni - og beint heim á G! Phlake spæla hóskvøldið á G!, sum fer at vera eitt rimmar gildi. Saman við lekru tónunum hjá Phlake, verða millum onnur eisini SBRC aka The Bloody Beetroots, Punjab, Zion Train og Konni Kass á palli hóskvøldið.