týsdagur 12. juli 2016síða 14

Mikudagur 13. juli 2016 · Nr. 80 14 Sosialurin Hugskot og viðmerkingar – send sms til 225000 FJARÐASTEVNA Vælkomin á fjarðastevnu í Vestmanna Borgarstjórin í Vestmanna kommunu, Pauli T. Petersen, fegnast um, at bygdin eigur fólk, sum leggja nógva orku í ítróttarliga partin, og hann fegnast ikki minst um góðu gongdina innan hondbólt, kappróður og badminton Vilmund Jacobsen Fjarðastevna, sum skiftir millum Skála, Strendur og Vestmanna, er annaðhvørt ár í Vestmanna, og í ár eru tað vestmenningar, sum skipa fyri. Stevnan verður í Vestmanna komandi vikuskifti, og tað verð­ur borgarstjórin, Pauli T. Peter-sen, sum fer at seta stevnuna fríggja- kvøldið. – Okkara lutur sum kommuna er at skapa góðar karmar um stevn­ una, og alt okkara arbeiðsfólk er í løtuni í gongd. Her verður ruddað og snøggað, og eitt nú skulu flagg­ stengur og perur setast upp, sigur hann. Uppgangandi kappróður Borgarstjórin sigur, at tað altíð er hugaligt at halda røðu um tey positivu tingini, sum eru í komm­ ununi, og hann ætlar sær serliga at røða um ítróttin, kappróðurin, hondbóltin og badminton, sum eru ítróttargreinar, ið mest verður gjørt burtur úr í Vestmanna. – Kappróðurin í Vestmanna er uppgangandi í løtuni, og einir fimm bátar eru mannaðir. Vit hava tvær barnamanningar, harav dreingirnir í Havfrúnni gjørdust fremstir á jóansøku í Vági. Genturnar í sama báti eru eisini við væl. Hann vísir á, at vestmenningar eisini hava fingið eina nýggja Fortunu, ið er seksmannafar, sum í ár er mannað við bæði kvinnum og monn­um. – Vestmenningur er ikki mann­aður í ár, og tað er greitt, at tað krevur nógv at manna eitt tíggjumannafar. Men, tá vit hava børn og ung, sum rógva, og fólk eru at halda teimum til, er vón fyri, at kappróðurin, sum nú er upp­gangandi, fer at mennast enn meira. Tað vóru tíðir, tá Vestmenningur lá í oddinum í føroyskum kappróðri. Hondbóltur og badminton Pauli T. Petersen fegnast ikki minst um hondbóltin, sum gjøgnum fleiri ár líka sum hevur verið ímyndin av Vestmanna. – Aftur í ár megnaðu okkara hond­bóltsleikarar, yngri sum til­ komnir, at røkka góðum úrslitum, harav besta liðið gjørdist FM- vinn­ari. Kvinnurnar klára seg væl, og tað gera tey yngru og børnini eisini. Tað hevur góða ávirkan á hond­bóltin, at VÍF eisini hevur ung- dómsvenjara knýttan at felagnum. Borgarstjórin sigur, at ein onnur ítróttargrein, sum eisini hevur góðan gróðrarbotn í Vestmanna, er badminton, og bygdin eigur fleiri góðar badmintonleikarar. Men, hvat fer borgarstjórin í Vest­manna kommunu so at siga, tá hann fer at røða og seta fjarða­ stevnu fríggjakvøldið. – Eg fari serliga at hugleiða um stevnuna og ítróttin, og eg fari at fegnast um góðu og positivu gongdina í okkara kommunu. Men, eg fari slett ikki at røða um politikk, sigur Pauli T. Petersen, sum gleðir seg at hitta vestmenningar og onn­ ur á fjarðastevnu. Fantastisk tíð Hetta er fyrsta skeiðið hjá honum sum borgarstjóri í Vestmanna komm­unu, og nú skeiðið skjótt er runnið, heldur hann, at hetta hevur verið ein fantastisk tíð. – Vit høvdu fleiri avbjóðingar, tá vit tóku við, har neyðugt var at tillaga fíggjarætlanina og fremja sparingar. Í dag er kommunan væl fyri fíggjarliga, og nú hava vit aftur ráð at gera ymiskar íløgur, sum hava ligið á láni í fleiri ár. Vit eru farin undir at asfaltera, og fríðking hevur altíð verið eitt av málunum hjá okkum. Vit vilja, at Vestmanna skal vera hin grøna bygdin, og vit fara at halda fram á hesum øki. Pauli T. Petersen vísir á, at sjálv­ andi var tað avbjóðandi at gerast borgarstjóri í eini tíð, har fíggjarliga rásarúmið var trongt, men hann sigur seg ivast, um tað yvirhøvur er lættari at stýra í góðum tíðum. – Tað skerst ikki burtur, at vit í Vestmanna kommunu hava havt lotið í seglunum seinnu árini. Tá hetta skeiðið byrjaði, var netto­ skuldin hjá kommununi stívliga 50 miljónir krónur, og nú er hon niðri á stívliga 20 miljónum. Ein álíkning hjá okkum liggur um 42-43 miljónir krónur, og tí er nettoskuldin hjá kommununi nú minni enn ein hálv álíkning. Tað er ógvuliga flott, haldi eg. Tað vóru serliga íløgurnar í Ellisheimið á Grønanesi, sum í nøk­ ur ár tyngdu Vestmanna kommunu fíggjarliga, men í dag vildi eingin verið hesa íløgu fyriuttan. Miðbýur og útstykking Pauli T. Petersen sigur, at tað, sum í løtuni liggur fremst hjá komm­ununi, er miðbýarætlanin, sum verður projekterað og er hjá arkitektunum, og henda skal setast í verk skjótast gjørligt. – Vit arbeiða eisini við einari nýggjari útstykking Uppi í Vestri, sum er niðan fyri annars nýggju útstykkingina í Vestmanna. Hetta er jørð, sum kommunan eigur, og her verður talan um eini 25 nýggj grundstykki, tá verkætlanin er liðug. Ætlanin verður løgd fram tíðliga í heyst, og tá hon er sam­ tykt, verður farið í gongd. Gongst, sum vit ætla, kunnu hesi 25 grund- stykkini Uppi í Vestri verða klár at selja um eitt gott ár ella so. Borgarstjórin sigur, at eini 15 fólk standa á bíðilista eftir grund­ stykkjum í Vestmanna. – Okkurt einstakt grundstykki er eftir, sum byggjast kann á, men nú er neyðugt við einari nýggj­ ari útstykking, sigur Pauli T. Petersen, borgarstjóri í Vest-manna kommunu, sum bjóðar øllum hjarta­liga vælkomnum á fjarða­ stevnu í Vestmanna. – Í dag er kommunan væl fyri fíggjarliga, og nú hava vit aftur ráð at gera ymiskar íløgur, sum hava ligið á láni í fleiri ár, sigur borgarstjórin, Pauli T. Petersen Mynd: Vilmund Jacobsen – Okkara lutur er at skapa góðar karmar um stevnuna, og alt okkara arbeiðsfólk er í løtuni í gongd. Her verður ruddað og snøggað, og eitt nú skulu flaggstengur og perur setast upp, sigur borgarstjórin