mánadagur 18. juli 2016síða 23

23 Mánadagur 6. januar 2014 · Nr. 2 Sosialurin Mánadagur 18. juli 2016 · Nr. 82 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Pál Joensen, sum síðstu átta árini hevur sett Føroyar á heimskortið í svimjing og í áravís hevur verið Føroya fremsti ítróttarmaður, er nú so spakuliga í ferð við at rigga av, og 2016 verður eftir øllum at døma hansara seinasta sum svimjari á hægsta stigi. Í samrøðu við donsku avisina, Berlingske, ásannar Pál Joensen, at sum langteinasvimjari ert tú á toppinum sum 25 ára gamal, so tí fer hann til OL í Rio í august og HM- kappingina í Kanada í desember, áðrenn hann æltar sær at gevast. Staðfestast má, at tað er nógv tað fremsta ítróttarfólkið nakrantíð í ítróttarsøgu Føroya, sum gevst við ársskiftið, vónandi við einum HM-heiðursmerki í tí seinastu kappingini. Talið av heiðursmerkjum Pál Joensen hevur vunnið eru so mong í tali, at Pálshøll kann hava eitt savn burturav við heiðursmerkjum, myndum og minnislutum frá stolta tíðarskeiðnum hjá Páli Joensen, sum elitusvimjari, og sum fremsti ítróttarmaður Føroya nakrantíð. Tað einasta, sum hevur manglað er løtan, tá Pál Joensen gongur inn til setanina á olympisku summarleikunum berandi føroyska Merkið. Men tá ein ikki fær tað ein elskar, má ein elska tað ein fær, og vónandi fær Pál Joensen vunnið ríkinum heiður og æru á olympisku summarleikunum í Rio í Brasil komandi mánað. Samstundis er gleðiligt at frætta, at tað grør um rennandi landsliðsfót í donsku superliguni. Báðumegin aldarskiftið vóru føroyingar spentir at fylgja donsku superliguni, tá Jákup Mikkelsen í Herfølge, og Tódi Jónsson í FC Keypmannahavn gjørdu um seg, og vunnu gull og heiður fyri síni feløg. Nú er loksins lagt upp til, at vit føroyingar aftur kunnu gerast veruliga spentir at fylgja donsku superliguni. Ígjár var langt um leingi ein føroyingauppgerð í bestu, donsku fótbóltsdeildini, tá AaB tók ímóti AC Horsens í Ålborg. Gilli Rólantsson byrjaði inni fyri AaB, og Hallur Hansson byrjaði fyri fyrstu ferð inni fyri AC Horsens, og fekk fulla spælitíð. Fríggjakvøldið fekk Jóan Símun Edmundsson spælitíð, tá OB tók ímóti Silkeborg í Odense, og vónandi verður spælitíð til Brand Hendriksson Olsen, tá lið hansara Randers FC vitjar FC Midtjylland í Herning í kvøld. Skal føroyska fótbóltslandsliðið taka seg enn meiri fram, so er neyðugt, at enn fleiri spælarar spæla fótbólt á hægri støði, og í so máta boðar nýggja kappingarárið í donsku superliguni frá góðum. Góða eydnu í superliguni Gilli, Hallur, Jóan Símun og Brandur. Seinasta kappingar­ árið hjá Páli, og fýra føroyingar í superliguni KLUMMAN Heri sigur sína hugsan... André Olsen Heimsmeistara­kappingin í december skuldi vera hin seinasta hjá Pál Joensen sum svimjara, áðrenn hann fór at gevast. Tað skrivaði Berlingske leygardagin, og tann søgan var eisini endur­ givin á in.fo sunnumorgunin við yvir­skriftini »Pál gevst í december«. Men sambært Pál Vitalis Joensen sjálvum, hevur vág­ bingurin onga avgerð tikið enn, hvørt hann fer at gevast ella ei. Í samrøðu við Sosialin, sigur Pál Joensen, at hansara úttalilsi um at hann fór at slakka av eftir heims­meistara­kappingina í december er blivið mis­tulkað til, at hann fer at gevast sum svimjari eftir kappingina í december. Mítt úttalilsi um at eg fór at slakka av eftir 2016 er blivið mistulkað til at eg fari at gevast. Eg havi onga avgerð tikið enn um tað, sigur Pál Joensen í samrøðu við Sosialin. Viðvíkjandi spurning­ in­um at gevast, svarar Pál Joensen, at hann í løtuni ikki hevur hug at úttala seg um at gevast, nú tað bert eru tríggjar vikur til OL. Eg havi ikki hug at úttala meg um at gevast, nú tað bert eru tríggjar vikur til OL. Sostatt bendir nógv á, at Pál Joensen ikki heilt fer at gevast sum svimjari eftir at heimsmeistarakappingin í december í 2016 er liðug, men at hann heldur fer at slakka av. Pál Joensen hevur seinastu nógvu árini verið partur av heimselituni í lang­teina­svimjing. Eisini hevur hann í áravís verið valdur til ársins ítróttarfólk í Føroyum. Hóast søgur um vikuskiftið vildu vera við, at Pál Joensen í december fer at steðga sum svimjari, sigur Pál Joensen sjálvur, at hann onga avgerð hevur tikið PÁL HEVUR ONGA AVGERÐ TIKIÐ