týsdagur 19. juli 2016síða 10

10 Sosialurin Hugskot og viðmerkingar – send sms til 225000 HVALBIARTUNNIL Um eitt ár skal alt vera klárt Sáttmáli er gjørdur við felagið, sum skal projektera nýggja Hvalbiartunnilin. Tað er greitt, hvar tunnilin fer inn í fjallið í Hvalba, men tað er ikki greitt, hvar hann kemur út aftur í Trongisvági Áki Bertholdsen Um eitt ár skal tað vera klárt at fara undir arbeiðið at gera nýggjan tunnil til Hvalbiar. Tað staðfestir Arne De­ bess Madsen, leiðari á byggi­ deildini hjá Landsverki. Fyrr í summar bjóðaði Landsverk arbeiðið út at pro­jektera tunnilin, har tvey byggi­feløg, HMP og LBF fingu høvi at bjóða. Tilboðini eru komin inn og tað vísti seg, at LBF hevði lægsta tilboðið. Hvat tilboðini ljóðaðu upp á, ella hvussu stórur prís­mun­ur var á teimum, bar ikki til at fáa upp­lýst. Men Arne Debess Mad­ sen sigur, at síðani hava sam­ráðingar verið ímillum Lands­verj og LBF um pro­jek­ teringina og nú eru partarnir samdir um ein sáttmála, sum teir eisini skrivaðu undir fríggjadagin. Leiðarin á byggideildini hjá Landsverki sigur, at pro­ jek­teringin er í tveimum. Í fyrru atløgu skal gravast oman av Trongivsvágsmegin fyri at vita, hvussu lendið er. Tað arbeiðið skal vera klárt at bjóða út tíðliga í heyst. Tá ið tað er staðfest, verð- ur endaliga linjuføringin løgd og tunnilin skal projekterast. – Eftir sáttmálanum skal projekteringin vera liðug tíð­liga næsta summar, og tá skal arbeiðið at gera tunnilin sostatt verða klárt at bjóða tunnilin út. Men tað merkir ikki, at hann verður boðin út tá, tí tað veldst um, hvussu verður við játtanini á fíggjarlógini. Leiðarin á byggideildini sigur, at tað, sum hevur ligið í kortunum, er, at ferð skal av álvara setast á arbeiðið í 2018, tí tá verður ein stór upp­hædd sett av til arbeiðið. Hetta er tann tíðar­ætl­ anin, Landsverk heldur seg til, og tá ið tað tekur trý ár at gera tunnil og vegir, verður koyrandi í 2020, ella 2021, alt eftir, hvussu skjótt ferð verður sett á arbeiðið. Ógreitt Av tí tað ikki er greitt, akku­ rát, hvar tunnilin verður, er endaliga linjuføringin heldur ikki sett út í kortið enn. Men Arne Debess Madsen sigur, at tað liggur at kalla fast, hvat tunnilsmunnin verð­ur í Hvalba. Og tað verð­ ur niðri í dalinum, ikki langt frá, haðani núverandi tunnil fer inn í fjallið, men nógv longri niðri. Hinvegin er ikki greitt, hvar tunnilsmunnin verður í Trongisvági. Higartil hevur verður ar­beitt við eini linjuføring beint innfyri nýggja grót­ brotið í Trongisvági, ein slak­an kilometur frá har, tunnilsmunnin er nú. Hinvegin hava hvalbingar sett upp á, at tunnilismunnin skal ein kilometur longur út afturat fyri at sleppa so nógv av brekkuni sum gjørligt. Brekkan er ikki brøtt, men hon er long, og hon er ógvuliga drúgv, og har eru mangan ring lík­indi um veturin og tí halda hval­ bingar, at tað hevur týdning at fáa tunn­ilis­munnan so langt út í Trongisvági sum gjør­ligt. Arne Debess Madsen sigur eisini, at tað er ógvuliga sannlíkt, at tunnilsmunnin verður fluttur nakað væl longur úteftir, men um hann verður flutt heilt út hagar, hvalbingar vilja, vil hann kortini ikki siga. – Spurningurin um, hvussu langt, hann verður flutt­ur, er eisini ein spurn- ing­ur um, hvussu lendið er, og tað fer avgrevsturin seinni í ár at vísa, sigur hann. Her sæst, hvussu nýggi Hvalbiar­tunnil­in fer at liggja. Tann bláa linjan, er upp­ runaliga linju­føringin, men fyri at sleppa undan eini royðu­lind, er linju­føringin flutt eitt sindur upp­eftir, og tað er tann reyða linjan. Tann grøna linjan er linju­føringin, bygdaráðið í Hvalba vil hava fyri at sleppa undan sum mest av brekku. Landsverk sigur, at hvalbiarmegin liggur rættiliga fast, hvar tunnilsmunnin verður, men trongisvágsmegin er ógvuliga sannlíkt, at linjuføringin hjá teimum verður flutt longur oman ímóti linjuføringini, hvalb­ingar vilja hava, men hvalbiarmegin liggur fast, hvar tunnilsmunnin verður. Ikki allir hvalbingar eru samdir í linjuføringini, bygdaráðið vil hava. Tey vísa á, at hetta merkir, at koyrast skal tvørtum dalin í Hvalba, og tað fer skaði at standast av, tí har er ómetaliga vindhart oman ígjøgnum dalin. Eftir loysnini hjá Landsverk eru størri sannlíkindi fyri, at koyrt verður beint ímóti, ella undan vindinum, og tað er frægari enn eftir loysnini hjá bygdaráðnum, tí tá fáa bilarnir í størri mun hvirlurnar inn á síðuna