týsdagur 19. juli 2016síða 22

Mikudagur 20. juli 2016 · Nr. 83 22 Sosialurin ANDRE OLSEN Um vikuskiftið byrjar næst­besta danska deildin aftur eftir summ­ arsteðgin. Eins og í bestu donsku deildini, er tað ein rúgva av før­ oy­ingum sum dagliga hava sín gerandisdag í næstbestu donsku deildini. Teir eru Viljormur Davidsen sum spælir fyri Vejle, René Shaki Joen­sen, Meinhard E. Olsen og Hákun Edmundsson sum spæla fyri Vendsyssel, og so eis­ini Heini Vatns­ dal og Bárður Jógvans­son Han­sen sum spæla fyri ný­uppfluttu Fremad Amager. Viljormur sum týðandi partur av ”nýggja” Vejle BK Av teimum hevur Viljormur Davidsen spælt í deildini longst. Viljormur Davidsen skifti á sumri í 2013 til Vejle, og hevur spælt har síðani. Í summar hevur Vejle fingið nýggjan eigara, og hevur tískil skift meginpartin av hópinum út, har teir ynskja at fáa størri dygd inn á liðið. Men ein av teimum fyrstu sum felagið longdi sáttmálan við, var Viljormur Davidsen. Viljormur hevur eisini verið liðskipari hjá Vejle seinastu tveir venjingardystirnar, og sigur tað ikki so lítið um týdningin av honum á liðnum hjá Vejle og í felagnum sum heild. Viljormur Davidsen sigur tó, at sjálvt um hann hevur verið liðskipari tveir teir seinastu venjingardystirnar, er talan ikki um nakað permanent val enn. - Venjarin hevur valt meg til liðskipara seinastu tveir dystirnar, og tað eri eg sjálvsagt errin av. Tað er tó ikki talan um nakað permanent val, tí fleiri av okkara royndu leikarum hava verið skaddir í uppstartinum. Men gevur venjarin mær tað áliti, taki eg sjálvsagt uppgávuna á meg. Sum heild er mestsum alt rundanum Vejle nýtt í mun til seinasta kappingarár. Venjarin er útskiftur, eig­ar­ar­nir eru nýggir, og ein rúgva av leikarunum eru nýggir. Viljormur Davidsen letur tó væl at nýggja konsept­inum í Vejle. - Mær dámar væl tann nýggja venjaran hjá okkum. Hann ætlar at útføra ein greið­an spælistíl við okkum, og hann leggur sera stóran dent á, at vit skulu venja akkurát á sama hátt sum vit spæla dyst, soleiðis at vit gerast betri alla tíðina. Av tí sama at alt er so nýtt í felagnum, hevur felagið verið ógvuliga varið við at melda nakran greiðan málsetning út, og støðan er framvegis tann sama sambært Viljormi Davidsen. - Tað er øgiliga trupult hjá okkum at melda nakran greiðan málsetning út, tí vit fáa nýggjar leikarar frá øllum heiminum í løtuni. Hópurin er heldur ikki komin endaliga uppá pláss enn. Eg haldi sjálvur at hópurin sær spennandi út, men tað skal alt rigga saman sum ein eind, og har hava vit enn nógv at arbeiða við. Men í fjør spældu vit við í tí ovaru hálvuni av deildini, og hóast vit ikki melda nakað út, haldi eg sjálvur at tað er møguligt aftur í ár. YMISKAR FYRITREYTIR HJÁ FØROYINGUNUM Í NÆSTBESTU DONSKU DEILDINI Meðan Vejle og Vendsyssel hava skift meginpartin av hópinum út í summar, og tí illa fáa melda greiðar málsetningar út, er málsetningurin hjá hinum føroyingafelagnum í deildini, Fremad Amager, greiður. Sum uppflytarar skulu teir fyrst og fremst yvirliva. Fá her eitt yvirlit yvir hvussu tað gongur hjá føroysku leikarunum í næstbestu donsku deildini Fremad Amager skal yvirliva Í Fremad Amager, sum fyrr í summar flutti upp í næstbestu donsku deildini, spæla eisini tveir føroyingar eisini til dagligt. Teir báðir eru Heini Vatnsdal og Bárður J. Hansen. Heini Vatnsdal hevur spælt í felagnum seinasta árið, meðan Bárður í summar er komin til felagið. Í mun til feløgini hjá hinum føroyingunum, er málsetning­urin hjá Fremad Amager eitt sindur øðrvísi. Har er uppflyting ikki eitt tema enn, tí sum nýuppfluttir í næstbestu deildini, er málsetningurin stutt og greitt at yvirliva. Heini Vatnsdal, sum hevur verið í felagnum í eina tíð, sigur at hann stórtrívist í Fremad Amager. - Eg trívist øgiliga væl í Fremad Amager, og haldi at projekt­ið í felagnum er spennandi. Tað var nemt at fella til, og eg haldi sjálvur at eg havi ment meg meðan eg havi spælt í felagnum. Heini Vatnsdal sigur eisini, at tað merkist væl til venjing nú í mun til áðrenn summarsteðgin, at felagið spælir eina deild hægri. - Sjálvt um uppstarturin hevur verið lutfalsliga stuttur, so merkist tað væl at støðið til venjing og at umstøðurnar rund­an­um felagið eru blivnar betri í summar. Nýggju leikararnir hava verið við til at hækka um støðið til venjing, og eg haldi sjálvur at vit hava heinta spælarar til tey røttu plássini til komandi kappingarár. Hin føroyingurin í felagnum, Bárður J. Hansen, sigur, at hann er fallin væl til í Fremad Amager, hóast at hann ikki hevur ver­ið har so leingi. - Mær hevur dámt væl hesa fyrstu tíðina, har bæði venjaratoym­ ið og leikararnir hava tikið væl ímóti mær. Tað eru fitt og blíð fólk sum man arbeiðir saman við, og ein kann kalla tað sera heim­ligt umhvørvið at spæla í. Bárður J. Hansen sigur tó, at grasið og leikferðin er størsta avbjóðingin hjá honum í donskum fótbólti. - Størsti munurin á at spæla í Føroyum og í Danmark er leikferðin. Tað gongur skjótari fyri seg her, og allar venjingarnar eru harðar og góðar. - Fyrsta tíðin hevur gingið væl. Tað kemur sjálvandi at taka tíð at venja seg við grasi, tí at man er blivin eitt sindur forvandur við kunstgras. Men tað er ein vanasak. Til venjingardystirnar hevur tað gingið øgiliga væl hjá mær, so eg eri sjálvsagt spentur til kappingin fer í gongd. Hák­un Edmundsson  Bárður J. Hansen