mánadagur 1. august 2016síða 10

Mánadagur 1. august 2016 · Nr. 86 Sosialurin Hugskot og viðmerkingar – send sms til 225000 10 Barbara Holm Fleiri túsundtals fólk vórðu savnað í Vágsbotni Ólavsøkudag, tá ið Hilmar Jan Hansen, Danny and the Veetos og Signar í Homrum trinu á pallin uttanfyri vindeyga hjá Rás2. Seinastu árini hava Miðlahúsið og Rás2 skip­að fyri stórum Ólavsøkubrakið í Vágs­botni og á hvørjum árið hevur tað verið ótrúliga stór und­irtøka millum føroyingar. Fyrsta árið Rás2 skipaði fyri Ólavsøkubrakinum, vóru starvs­ fólkini í Miðla­hús­inum tikin av bóli, tá ið hugt var út gjøg­num vind­eyga og staðfestast kundi, at fleiri túsundtals fólk høvdu leitað sær oman í Vágs­botn at líða á. Síðani hevur støðan verið hin sama hvørt ár. Túsundtals fólk hava vitjað á hvørjum árið. Júst hvussu nógv túsund vóru í Vágsbotni í ár er trupult at meta um, men ivaleyst vóru nøkur túsund, tá ið hugsað verður um, at Vágsbotnur var á tremur allur sum hann var. Myndirnar her á síðuni tala fyri seg. Molly Malone, loysing og tónleikur Eins og vanligt er til Ólavsøkubrakið, var bæði tónleikur og skemt á skránni. Hesaferð vóru tað Danny and the Veetos úr Klaksvík og Signar í Homrum, sum stóðu fyri tí tónlistarliga. Skemtingarpartinum stóð Hilmar Jan Hansen fyri. Hesaferð var Hilmar Jan løgmaður eina løtu, har hann tók um endan á ólavsøkurøðuni hjá løgmanni. Og løgmaður gjørdi bart í Vágsbotni hesa løtu – tað skal loysast frá Danmark eftir Ólavsøkuna. Sum siður er, vóru eisini politiskar við­merk­ingar frá ymiskum politikarum eftir sjálva røðuna, har millum annað Magni Arge var bersøgin og treiv í Molly Malone. Øll fjøldin sang við, tá ið Hilmar Jan – sum Magni Arge – legði fyri við tiltikna lagnum um góðu gomlu Molly. Tiltakið hjá Rás2 verður á hvørjum árið hildið 29. Juli klokkan 22.00 og soleiðis verður aftur næsta ár. barbara@sosialurin.fo ALIVE, ALIVE OH! Eg fari at biðja um loysing frá Danmark beint eftir Ólavsøkuna, segði “løgmaður”, tá ið Ólavsøkutiltakið hjá Rás2 varð hildið Ólavsøkudag í Vágsbotni