mánadagur 1. august 2016síða 23

23 Mánadagur 6. januar 2014 · Nr. 2 Sosialurin Mánadagur 1. august 2016 · Nr. 86 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Ein tann størsta andsøgnin í altjóða ítrótti er enskur fótbóltur. Ligan í Onglandi er heimsins best umtókta, og hevur ofta teir mest spennandi dystirnar, sum síggjast kunnu í sjónvarpinum. Premier League skuldi borgað fyri, at landsliðið hjá landinum, sum hýsir Premier League átti at verið á sigurspallinum, ella rundanum sigurspallin í heilum, men so er ikki. Farna leygardag vóru liðin 50 ár - ein hálv øld - síðani Ongland vann sítt higartil einasta heitið. Ongland vann HM í fótbólti á heimavølli í 1966. Tað vóru ikki nakrir spiltir dreingir, sum mannaðu enska landsliðið í 1966. Talan var alt um hetjur hjá arbeiðarastættini, sum búðu og virkaðu millum vanliga fólkið, og sum tóku bussin og tokið á veg til arbeiðis, sum øll hini í Onglandi. Bobby Moore, Bobby Charlton, Nobby Stiles, Jack Charlton, Gordon Banks og allar hinar ensku HM-hetjurnar fingu bara 1.000 bretsk pund í part, sum eina viðurkenning fyri at vinna heimsins størstu fótbóltskapping. Men gomlu hetjurnar spældu við hjartanum uttanfyri troyggjuna, og teir sóu eina stóra æru í at umboða sítt land, og løgdu lítið í pengar. Nú hoyra allir enskir landsliðsspælarar til fíggjarligu yvirstættuna í Onglandi, og teir vinna einki heitið, og stóra enska viðhaldsfjøldin leingist sárliga eftir, at teirra land skal vinna eitt HM-heitið ella eitt EM-heitið, men tað tykist ikki at fara at henda við tað fyrsta. Tað var eisini lagnunnar speisemi, at Ongland krasjaði út úr EM-kappingini í ár ímóti einum liði, sum eins og enska landsliðið í 1966 var eitt við fólkið í heimlandinum. Ísland vísti nógv av tí samanhaldinum, og tí eyðmjúkleikanum, sum ensku spælararnir vístu fyri 50 árum síðani. Ein onnur andsøgn er, at tað nú eru fleiri italskir enn enskir venjarar í Premier League. Og nú hevur Ongland fingið ein landsliðsvenjara, Sam Allardyce, sum ikki hevur vunnið nakað heitið, men hevur bjargað liðum undan niðurflyting, sum fremstu ávísing. Eingin enskur høvuðsvenjari hevur higartil vunnið Premier League, og tað sær ikki út til, at nakar enskur venjari ger tað í bræði. Talið av enskum spælarum í Premier League er eisini rættiliga lágt, sammett við hvussu nógvir onglendingar spældu í bestu ensku deildini í farnu øld. Samstundis er teir dýrastu spælararnir at keypa hjá enskum feløgum, júst enskir spælarar. Og tá er skjótt at hugt verður eftir skandinaviskum, eysturevropeiskum, latínamerikonskum og afrikonskum spælarum, sum kosta nógv minni, og kortini kunnu borga fyri einari ávísari góðsku. Eingin av okkum kann lasta teimum onglendingum, sum leingjast aftur til 1966, tá teir høvdu eitt landslið, har menn spældu við hjartanum, og spælararnir vóru hetjurnar hjá arbeiðarastættini. Premier League hevur uttan iva verið góð fyri ensku ferðavinnuna, men neyvan er hon bara góð fyri enskan fótbólt, tá landsliðið er so afturúrsiglt, og fleiri ikki hava ráð at fara til dystir longur. Men vit í Føroyum gleða okkum til Premier League byrjar aftur, kortini. . Hálv øld síðani móðirlandið hjá fótbóltinum vann KLUMMAN Heri sigur sína hugsan... Neli Heldarskarð Danska Superligain er blivin meira áhugaverd enn áður at fylgja við í fyri fót­bólts­ áhugaðar fjepparar, tí at í ár spæla heili fýra føroyskir landsliðsleikarar í fínasta sel­ skapin­um í Danmark. Tveir av hesum fingu stig í gjár, meðan tveir teir síðstu skulu dystast ímóti hvørjum øðrum seinni í dag. Hallur mundi avgjørt ímóti Brøndby Hallur Hansson hevur fingið eina góða byrjan í nýggja felagi sínum, AC Horsens, ið er upp­flytari í Super­ ligaini. Undan dystin­um í gjár á Brøndby Stadion ímóti Brøndby høvdu Hallur lið­felag­ar­nir skavað tveir javn­leikir saman í tveimum teimum fyrstu um­førunum. Í báðum førum byrjaði Hallur Hansson inni á vinstra vongi, og tað gjørdi hann eisini í gjár. Tó hevði Brøndby gjørt tað enn betri enn Horsens, tí at undan dystinum í gjár var Brøndby oddalið í deildini og hevði vunnið báðar sínar fyrstu dystir. Tískil var onki at siga til, at Brøndby var favorittur hóast alt. Tað sá onki serligt út hjá Hallur og liðfeløgunum ein stóran part av dystinum. Eftir 52 minuttir var Brøndby á odda 2-0, og tað líktist einum tryggum heimasigri. Men so raknaði Horsens við. Fyrst minkaði íslendski Kjartan Finnbogason um munin eftir 58 minuttir, og síðani javnaði Kim Aabech við einum dundurskoti eftir 82 minuttir. Tá ið bert tveir minuttir restaðu í av vanligu leiktíðini hevði Hallur Hansson kunnað avgjørt dystin, tá ið hann kom at standa væl fyri í brotsteiginum hjá Brøndby. Hallur royndi seg við skoti, men ólukkutíð fór bólturin dygst framvið stongina. Tað endaði 2-2, og sostatt hava AC Horsens og Hallur Hansson ognað sær tríggjar janvleikir og trý stig eftir trý umfør. Liðfelagi hjá Brandi gjørdi ógvusliga takkling við vilja Randers FC vann í gjár 2-1 á útivølli ímóti AGF. Sæð úr føroyska sjónarhorninum var tað nú keðiligt, at Brandur Hendriksson Olsen eiheldur kom inn á vøllin fyri sítt nýgja felag hesaferð. Hann sat á bonkinum allan dystin. Tað mest sermerkta, sum fótbóltsdanmark tosar um aftan á dystin er, at verjuleikarin og liðfelagin hjá Brandi, Mads Fenger, í beinleiðis sjónvarpssamrøðu viðgekk, at hann gjørdi eina heldur svínska takkling ímóti Kasper Junker hjá AGF tilætlað. Orsøkin er, at Kasper Junker skifti ímillum feløgini í summarsteðginum. Ongin vann í næstbestu deildini Enn eru nakrir føroyskir leikarar at finna í næstbestu donsku deildini. Vejle og Viljormur Davidsen spældu væl á heimavølli ímóti FC Roskilde, men tað endaði kortini 0-0. Tá ið eitt korter var eftir brendi Vejle brotsspark. Á heimavøllinum á Sund­ by Idrætspark tók Fremad Amager, ið hevur fyrr­ verandi evropa­meistaran og Arsenal-leikaran, John Faxe Jensen, sum venjara, ímóti FC Fredericia. Bæði Bárður Hansen og Heini Vatnsdal byrjaðu inni og spældu allan dystin, men dysturin var júst líka málfátækur sum tann hjá Viljormi og Vejle - hann endaði 0-0. Vendsyssel hevur fingið eina keðiliga byrjan upp á nýggja kappingarárið, har føroyingafelagið er einsamalt botnlið við 0 stigum eftir tveir dystir. Í gjár tapti Vendsyssel 3-2 á útivølli ímóti uppflytarunum úr Nykøbing. René Shaki Joensen varð skiftur inn eftir 70 minuttir, meðan Hákun Edmunsson sat á bonkinum allan dystin. Meinhard Olsen er skaddur og var sostatt ikki við í hópinum. – Komandi dystur er ímóti Vejle og Viljormi hós­ dagin, og hetta er ein sera týdningar­mikil dystur fyri okkum. Vit hava fingið eina ringa byrjan, og tað er sera týdningarmikið, at vit koma fyri okkum, sigur René Shaki Joensen í viðmerking. Føroyingabrak seinni í dag Hetta umfarið hjá fót­bólts­ úti­setunum endar seinni í dag, tá ið Aab og OB hittast í Aalborg. Gilli Rólants­ son kom á besta liðið í Superliguni í farnu viku, og tískil kann væntast, at sterki føroyingurin enn einaferð byrjar inni hjá Aab í kvøld. Jóan Símun Edmundsson sat í farnu viku á bonkinum hjá OB allan dystin, men sum minst væntast hann at vera við í hópinum hjá OB í kvøld. Dysturin byrjar klokkan 18 føroyska tíð. Hallur Hansson og liðfelagarnir í AC Horsens komu sterkt aftur, tá ið teir vendu 0-2 til 2-2. Í seinastu minuttunum var eisini líka við, at føroyski landsliðsmiðvallarin avgjørdi dystin til fyrimuns fyri AC Horsens. Aðrir føroyingar hava eisini verið í leiki í bestu og næstbestu deildini í Danmark HALLUR MUNDI AVGJØRT DYSTIN Á BRØNDBY STADION