mánadagur 1. august 2016síða 48

SUMMAR FESTIVALURIN 2016 04-06/08 20 GRANDMA’S BASEMENT BLUE COAT BRASS BAND EYÐUN NOLSØE Nakrar av lívligastu og festlig­ astu framførslunum á Summar Festi­valinum hava verið, tá ið Grandma’s Basement hev­ur spælt í stóra tjaldinum. Klaks- víksbólkurin við teimum fang­ andi sangunum hevur sum fáur megnað at fingið áhoyrara­ fjøldina at liva og syngja við. – Tá ið vit eru á palli sum Grandma’s Basement, skal tað ikki verða ov seriøst. Tað skal heldur vera fest og ballada, siga tónleikarar í Grandma’s Basement. Grandma’s Basement byrjaði sum ein kjallarabólkur í 2010 teir fóru at spæla inn og geva út, vunnu Planet Awards, hittaðu við fleiri sangum og hava síðani havt herligar framførslur – ikki minst á Summar Festivalinum. Orkestrið Blue Coat Brass Band spælir lívsglaðan og festligan gøtutónleik. Løgini eru ein samanrenning av New Orleans tónum, funk, soul og hip-hop, og so hevur tónleikurin eisini føroyskar rútmur og huglag yvir sær. Blue Coat Brass Band hevur verið virkið síðani 2014, og í fjør gav bólkurin út fyrstu fløguna við heitinum Blue Coat. Í august mánaði fer bólkurin aftur í studio at taka tónleik upp til nýggja útgávu. Tónleikararnir í Blue Coat Brass Band: Johan Hentze (trump­ et), Tróndur H. Olsen (trumpet and flugelhorn), Ólavur Olsen (trompet og baryton), Milja Matras Niclasen (trom­bone), Dávur Juul Magnussen (trombone), Atli K. Petersen (tuba) og Rógvi á Rógvu (trumm­ur) Poppsangarin og sangskrivarin Eyðun Nolsøe er millum stóru profilarnar í føroyskum tónleiki. Hann hevur síðani ungdómsárini skriva og spælt tónleik, og hann er framvegis sera virkin í føroyskum tónleikalívi. Fyrstu nógvu árini var Eyðun Nolsøe partur av Frændum, og sangirnir, hann skrivaði og spældi, vóru í flestu førum partur av tónleikinum hjá Frændum. Serliga síðani 90’ini hevur Eyðun Nolsøe eisini framført og útgivið tónleik sum solistur. Eyðun hevur gjøgnum árini skrivað sangir sum Mítt Land, 80’ini, Dansa, Til Tey Stressaðu og aðrar. Hann hevur eina stórt savn av sangum, sum fólk flest kenna, og á Summar Festivalinum fer hann at tríva í nakrar teirra. Framførslan hjá Eyðuni verður tann seinasta, sum verður á ársins Summar Festivali. Tónleikurin hjá Bluesette er fang­ andi og fullførdur, og tey eru væl samanspæld. Bluesette vann í ár tónleikakappingina Sement, og tá fingu tey nógv rósandi orð fyri framførsluna. Bólkurin spælir lívligan tónleik, sum er merktur av eitt nú blues og funk. Bluesette vann í Sement kapp­ ingini studiotímar, og tey arbeiða við at gera tónleik til nýggja útgávu. Tónleikararnir í Bluesette eru: Marianna Winther Nagata (sang) Ragnar Finsson (gittar), Kári Fossa­ berg Ellingsgaard (bass) og Tórður Dam Jacobsen (trummur). Teir teljast millum slóðbrótararnar í føroyskum rocktónleiki, og teir eru fram­vegis í sera góðum formi og klárir at spæla á landsins størsta tónleikatiltaki. Tað eru liðin fýra áratíggju, síðani Hjarnar byrjaðu at spæla, og hóast teir í tíðarskeiðum hava verið minni virknir, hevur bólkurin øll árini síðani verið partur av føroyska tón­ leikalívinum. Fyri kortum høvdu teir tríggjar útseldar konsertir í Klaksvík og Havn, og í nú fara teir á pallin á Summar Festivalinum. Hjarnar verða fullmannaðir til framførsluna. Karl Martin Samuelsen er nú sum áður sangari í bólkinum, og afturat honum verða Jørgin Dahl, Graham Stewart, Eyðun Nolsøe, Hans Black, Jógvan Olsen og Ólavur Øster. Lagt er upp til eina stóra løtu á Summar Festivalinum, tá ið Hjarnar fara at spæla sangir sum Alla Nátt, Breaking My Heart og So Excited. BLUESETTE HJARNAR Bólkur The Reverends bjóðar country og amaricana tónleik á høgum stigi. Karismatiski live- bólkurin hevur verið virkin síðani 2004, tá ið teir byrjaðu sum útisetabólkur í Keypmannahavn. Teir góvu fyrstu fløguna út sum útisetabólkur. Útgávan kallast When You’re Done. The Reverends hava spælt víða hvar, bæði uttanlands og í Føroyum. Eitt nú luttóku teir tvær ferðir á Silkeborg Countryfestival, og teir vóru við til størsta country og folk festivalin í Letlandi. The Reverends arbeiða við nýggjum tilfari, og teir eru eisini klárir til eina live-framførslu á Summar Festivalinum. Manningin er: Niclas Thorsteins­ son (Sang), Janus Kampmann (Guitar), Jens V. Jakobsen (Guitar), Kristin Nolsøe Bech (Bass) og Rúni Mouritsen (Trummur). THE REVERENDS