mánadagur 1. august 2016síða 49

04-06/08 SUMMAR FESTIVALURIN 2016 21 Nólsoyingurin Kim Hansen er millum størstu profilarnar í føroyskum tónleiki. Dugnaligi klaverspælarin og sangarin hevur framført nógv sum solistur og í skiftandi bólkum. Hann er ein av teimum, sum fær alt at rigga og dugir at lofta løtum og tiltøkum, so framførslurnar altíð sita í skápinum. Kim hevur verið partur av týðandi føroyskum bólkum sum Moirae, Showmonnum og Frændum, og harafturat hevur hann spælt saman við einari langari røð av føroyskum tónleikarum og bólkum. Sum solistur hevur Kim eisini verið framúr. Hann hevur spælt til størri og smærri tiltøk, og við hittum sum Maria, Meistarin og Fagri Flokkur í bakhondini, kann hann altíð fáa lív í áhoyrarafjøldina, umframt at hann sjálvandi kann tríva í eina langa røð av øðrum sang­um, sum hann ella onnur hava framført. Kim hevur framførslu á Torginum leygarkvøldið. KIM HANSEN DØGG NÓNSGJÓGV BÁRA SILVANSDÓTTIR ELINBORG PÁLSDÓTTIR RANNVÁ ÁLABERG Døgg Nónsgjógv hevur sungið, síðani hon var smágenta, og hóast hon bert er 20 ára gomul, hevur hon verið frammi í før­ oyskum tónleiki í fleiri ár. Hon skrivar sjálv sangir, og í 2014 varð sangurin Tú tók mína hond heiðraður á FMA tiltakinum. Døgg hevur síðani 2013 givið einstakar sangir út, og í fjør kom hon við útgávu við 8 sangum á. 20 ára gamla Bára Silvansdóttir hevur givið tvey stakløg út, og fyrr í ár kom hon við EP útgávuni Skuggar, ið inniheldur fýra sangir. Sangirnir hjá Báru eru per­ sónligir og byggja á upplivingar og royndir í lívinum. Hon setur orð á tankar og kenslur, og hon hugleiðir um sambond og skilnað. Hetta verður fyrstu ferð, at evnaríka songkvinnan framførir á Summar Festivalinum. Elinborg Pálsdóttir hevur eina stórasystur, ið er víðakend sum songkvinna, men Eliborg hevur við útgávum og framførslum eisini víst, at hon er evnarík songkvinna og sangskrivari. 19 ára gamla Elinborg gav í 2013 síni fyrstu stakløg út, og síðani hevur hon eisini útgivið eina EP við fýra sangum. Hon var fyrr í ár heiðrað á FMA tiltakinum í Norðurlandahúsinum. Rannvá Álaberg hevur seinastu sjey árini verið virkin sum song­ kvinna í Føroyum. Eftir uppihald á tónleikaskúla í Danmark av­ gjørdi hon at fylgja sínum tón­ leika­dreymi. Hon skrivar egnar sangir, og hon framførir javnan á tiltøkum. Í fjør var Rannvá Álaberg við á Summar Festivalinum, og vit eru fegin um, at hon aftur í ár fer á pall á landsins størsta tón­ leikatiltaki. Fólkakæri fólkatónleikarin Hanus G. Johansen var ein av teimum, sum spældi á fyrsta Summar Festi­ valinum í 2004. Síðani hevur Hanus verið afturvendandi gestur og hevur spælt á teimum flestu Summar Festivalunum. Hanus er sjálvandi aftur á pall­ inum í ár, og hesaferð fer hann at spæla á Torginum leygarkvøldið. Hanus G. Johansen er serliga kendur fyri at hava sett løg til orðini hjá Pól F. Joensen, men hann hevur eisini skrivað sangir sjálvir og sett løg til yrkingar hjá øðrum kendum yrkjarum. Eisini hevur hann týtt sangir til føroyskt. Tað er altíð hugaligt at bjóða Hanus á festival, og vit gleða okk­ um til hansara framførslu leygar­ kvøldið. HANUS G. JOHANSEN Hann hevur ein av teimum heilt kendu og mest royndu tón­leik-ar­ unum í Føroyum. Hann hevur spælt á mest sum hvørjum tanga, og eisini í út­ landinum hevur hann ferðast sum tónleikari. Sámal Ravnsfjall er ein profilur í føroyskum tónleiki, og umframt at hava verið partur av onkrum bólkum – til dømis Vágaverk – hevur hann framført nógv sum solistur. Tá ið hann spælir live, kann hann bæði tulka sangir hjá øðrum, og hann framførir sangir, sum hann er landskendur fyri at syngja. Sámal fer at spæla til eina hugnaliga løtu á Torginum fríggja­ kvøldið á ársins Summar Festivali. SÁMAL RAVNSFJALL