týsdagur 2. august 2016síða 4

Mikudagur 3. august 2016 · Nr. 87 4 Sosialurin Hugskot og viðmerkingar – send sms til 225000 BEST AT ELDAST Í KLAKSVÍK – Vit vilja vera nummar eitt á eldraøkinum, og tað haldi eg eisini at vit hava best fortreytir fyri, nú tá ið vit hava gjørt eitt so umfatandi arbeiði. Tað sigur Jógvan Skorheim, borgarstjóri í Klaksvíkar kommunu, nú tá ið tey hava fingið úrslitið av umfatandi nøgdsemiskanningini, ið gjørd varð av eldraøkinum í Norðoyggjum NØGDSEMISKANNING Ann Kristina S. Simonsen Vildu fara til verka á rætta hátt – Tá ið vit yvirtóku eldra­ økið, valdu vit at halda alt eins og tað var áðrenn, í eina tíð. Hetta gjørdu vit tí at vit ynskti, at tey átøkini ið vit fóru at gera, skuldu vera so góð og røtt sum gjørligt, sigur Jógvan Skorheim, ið roknar við, at um tey fóru undir broytingar beinanvegin, og bara gjørdu okkurt, eftir tí sum tey hoyrdu runt í býnum, so hevði tað ikki verið tann rætti tørvurin, ið varð møttur. Tí avgjørdi stýri í Norðoya Bú- og Heimatænastu (NBH) at lata eldraøkið koyra so­ leiðis, sum tað hevði, tað fyrsta árið eftir yvirtøkuna. Samstundis nýttu tey hetta árið til at staðfesta hvørjir trupulleikarnir eru við eldra­ økinum í Norðoyggjum, og hvussu tey á besta hátt skuldu fara undir at loysa hesar. Ein kanning í trimum stigum Tað fyrsta ið varð gjørt fyri at staðfesta tørvin á eldra­økinum var, at fara undir nakrar dialogfundir, ið Súni Poulsen stóð fyri. Á fundunum fingu bæði fakfólk, starvsfólk, av­varð­ andi, og eldri borgarir høvi at greiða frá hvat tey hildu verða keðiligt á eldraøkinum, og hvussu eldraøkið kundi verið skipað betur framyvir. Eftir hetta var ein fyribils niðurstøða gjørd, og síðani var farið undir at gera eina enn størri kanning, fyri líka­ sum at fáa klárlagt hvørj­ir teir grundleggjandi trupul­ leikarnir eru, og hvussu hesir, á besta hátt, kunnu loysast betri enn áður. Hetta varð gjørt við at gera eina spurnarkanning, ið Lógir stóð fyri. Hendan kanning um­fataði bæði starvsfólk, brúkarar av eldraøkinum og teirra avvarandi. – Eftir dialogfundirnar og spurnarkanningina fór eg, saman við leiðarinum í NBH, Marnu Ellingsgaard Jensen, út á allar bústovnarnar. Har løgdu vit kanningina framm, og góvu starvsfólkunum møgu­leika at svara enn meira nágreiniliga upp á tað, ið komið var framm í spurnar­ kanningini, meðan vit lurt­ aðu, og skrivaðu niður, sigur Jógvan Skorheim. Jógvan Skorheim er sera fegin um at tey valdu hesa tilgongdina, tá ið hetta hevur givið NBH øgiliga góðar um­ støður, at arbeiða víðari út frá. – Eg haldi at vit á hendan hátt hava skapt okkum tað besta grundarlagið, til at kunna taka tær røttu av­ gerð­irnar, sigur Jógvan Skor­heim, og leggur afturat at hendan tilgongdin hevur ver­ið heilt ótrúliga lærurík. – Har eru ein rúgva av avbjóðingum á eldraøkinum, av tí at hetta er eitt øki, ið er rættiliga afturúrsiglt, og tí hava tað eisini verið nógvar frustratiónir innan økið, og tað ætla vit okkum nú at rætta upp uppá, sigur Jógvan Skorheim. Eldraøkið ein neyðug íløga Spurdur um, hví Klaksvíkar kommuna hevur valt at leggja seg so nógv eftir at betra um eldraøkið sigur Jógvan Skorheim, at komm­ unan ynskir at gera tað so­ leiðis, at allir borgarar fáa ein virði­ligan aldurdóm. – Tað eru tey eldru, ið hava verið við til at bygt tað samfelagið, ið vit liva í, og tí er tað okkara skylda at geva teimum ein so viriligan aldurdóm sum gjørligt, og hesa skylduna vilja vit fegin liva upp til, sigur Jógvan Skor­heim. Jógvan Skorheim sigur, at longu tá ið tað av fyrstani tíð varð tosa um at landið skuldi leggja eldraøkið út til kommunurnar, var Klaks­ víkar kommuna ein av teim­ um kommununum ið segði seg klára at veita eina betri tænastu, enn landið hevði gjørt áður. – Vit sóu dagliga at tæn­ astan á økinum ikki varð nóg góð, og um man skal hava eitt samfelag ið riggar á rætta hátt, so er tað um­ ráð­andi at allir partar av sam­felagnum eru nøktandi, eisini eldraøkið, sigur Jógvan Skorheim, og leggur afturat, at tað tí er tað ein skylda hjá okkum at rætta upp uppá hesa tænastu, soleiðis at tað eisini verður virðiligt hjá eldru borgarum, at liva í Før­ oyum. Jógvan Skorheim heldur umframt, at ein íløga í eldra­ økið, er ein íløga ið fer at loysa seg í framtíðini. – Kunnu vit fáa eldraøkið á rætta kós nú, og hækka tænastustøðið, so ivist eg ikki í at vit í framtíðini kunnu gera meira nýskapandi loysn­ir á eldraøkinum, sum bæði kunnu verða góðar fyri tey eldru, eins og bíligari í longdini, sigur Jógvan Skor­ heim. 4 milliónir fleiri til eldraøkið Við broytingunum, ið NBH fer undir at fremja, fer raksturin av eldraøkinum at kosta 4 milliónir meira um árið. Tí eru 2 milliónir meira settar av, tað ið eftir er av árinum. Frá 1 januar 2017 vera 4 milliónir settar av árliga. – Um eldraøkið enn hevði ligið undir landinum, høvdu hesar broytingar kostað land­inum 40 milliónir árliga, fyri at veita somu tænastu sum vit nú fara at veita, sigur Jógvan Skorheim. Allar kommunurnar í NBH koma at gjalda sín part av eykajáttanini, og til­sam­ ans brúkar NBH tí eini 6-7 milliónir upp á eldra­økið, út­ yvir játtanina frá land­inum. Jógvan Skorheim sigur, at tann partur av játtanini, ið Klaksvíkar kommuna veitir, ikki verður tikin frá nøkrum øðrum samfelagsbólki. – Klaksvíkar kommuna hev­ur yvirskot í kommunu­ kassanum í ár, og tí eru hesar 4 milliónirnar, ið koma afturat til eldraøkið, ikki peningur, ið var ætl­að­ur nøkrum øðrum framman­ und­an, sigur Jógvan Skor­ heim. Hóast kommunuval verð­ ur í novembur, so kem­ur hetta ikki at gera, at broyt­ ingarnar á eldraøkinum steðga upp. – Vit eru longu nú farin í gongd. Kommunurnar hava samtykt, at peningurin verður settur av, og NBH hevur samtykt strategiina, so longu nú verður søkt eftir deildarleiðarum til teir ymisku bústovnarnar, um­ framt at betringar eisini verða gjørdar í heimahjálpini í ár, sigur Jógvan Skorheim, og leggur afturat at í næst­ um verður eisini lýst eftir námsfrøðingum, ið skulu verða við til at skapa størri fleksibilitet, og meira akti­ vering. Frá fjarleiðslu til nærleiðslu Eldraøkið er eitt økið, ið hevur verið rættiliga nógv merkt av fjarleiðslu, og av tí sama hevur man ikki megna at funnið fleksiblar loysnir í teimum tænastum, sum man hevur givið til borgarnir. Tað heldur Jógvan Skorheim, ið sigur, at man eisini hevur valt at hava í so nógvar mannagongdir, fyri at fáa tænastuna eins um alt økið, og av tí sama, megnar ein ikki at veita nóg góðar tænastur. Hetta er nakað ið NBH ynskir at broyta. – Framyvir fara tær tæn­ asturnar, ið eru á teimum ymisku stovnunum, ikki altíð at líkjast akkurát. Hetta, tí at man fer at finna loysnir á hvørjum einkultum stovni, soleiðis at tænastan passar betur til júst teir brúkarir, ið Jógvan Skorheim, borgarstjóri í Klaksvíkar kommunu, leggur Nøgdsemiskanningina fram á almennum kunningarfundi hjá NBH í Ósaskúlanum