hósdagur 4. august 2016síða 14

FRÍGGJADAGUR 5. AUGUST 2016 SOSIALURIN 88 14 Annfinn Brekkstein Býráðslimur í Tórshavnar Kommunu fyri Sambandsflokkin Tað er ein aftur­ vend­andi trupul­ leiki, at Strand­ fara­skip Landsins ikki røkir ferða­ sam­bandið við út- oyggjarnar og smábygdirnar á nøktandi hátt. Í Hesti eru fólk, sum vilja bú­ leikast har og nøkur parvíst summ­ ar­hálvárið, fyri at kunna røkja oynna frá fjals til fjøru. Tórshavnar Kommuna eigur at stuðla undir, at útoyggjar og smá­bygdir í kommununi hava so gott ferðasamband sum gjørligt, og soleiðis at fólk trívast á hesum plás­s­um. Hestoyggin liggur tætt við Havn­ina, og eiga vit tí at hava eitt ferðasamband, sum er nøktandi, so fólk í kommununi hava møguleikar at koma til og frá - regluligt, álítandi og trygt ferðasamband. Hetta eigur at kunna gerast uttan at tænastan hjá Sandoyingum gerst verri. Tað er ikki meira enn rímuligt at hava ein túr á middegi út í Hest og aftur, í hvussu so er summar­ hálvárið, so fólk kunnu pendla til og frá, um eitt hvørt neyðugt ørindi skal gerast. At skerja túratalið út í Hest mitt um dagin, er at niðurlaga tæn-ast­ una til eina útoyggj og harvið gera tað ómøguligt at pendla til og frá oynni, og harvið búleikast í oynni. Tað kann ikki góðtakast, nú vit liva í 2016, at Hestbygd ferð eftir ferð verður svikin. Latið líkarættin at búleikast og virka í øllum landin- um eisini verða galdandi fyri Hest- bygd. Edmund Joensen løgtingsmaður fyri Sambandsflokkin Um føroyingar á fólkaatkvøðu skulu taka støðu til eina nýggja grundlóg, má formaður Javnaðarfloksins koma fram og erliga siga føroy­ingum, um hann ætlar, at henda Tjóðveldisgrundlógin skal vera innan fyri ella uttan fyri ríkisins grundlóg – annars er onki at fara á fólkaatkvøðu til. Summir fjølmiðlar í Føroyum eru opinlýst í parti við 14. sep­ tember-samgonguni, og tí frætta fólk lítið um týðandi mál, og hvat ið politisku flokkarnir ætla við málunum. Andstøðan verður ”redaktionelt” frávald. Tí mugu tey, sum ikki eru í krit- húsinum hjá ávísum fjølmiðlum, greiða frá týðandi málum í lesara­ brøvum og á sosialum miðlum. Har er ein alternativur kjansur at koma til orðanna. Rennur undan Í Løgtinginum hevur ólavsøkurøða løgmans verið til viðgerðar í tveir dagar. Eitt avgerandi mál er, at 14. september-samgongan við javnaðarløgmanni á odda ætlar at senda grundlógina hjá Tjóðveldi til fólkaatkvøðu. Samgonguleiðarin ikki vil vera erligur í málinum um Tjóðveldis­ grundlógina, og tað er at lítisvirða føroyska veljaran. Í røðuni ólavsøkudag segði hann, at nú skal Tjóðveldisgrundlógin standa sína roynd. Men hann vil ikki siga føroyingum, um hann ætl­ ar, at grundlógin skal standa oman fyri ella niðanfyri okkara felags ríkis­grundlóg. Aftur og aftur er Aksel V. Jo­ hannesen biðin um at svara hes­um púra náttúrliga og neyðuga spurn­ ingi, men hann rennur undan. Øll vita, hvat hendir, um grund- lógin hjá Tjóðveldinum fer út um Ríkisgrundlógina. Tá verða Føroyar loystar úr Ríkisfelagsskapinum við øllum teimum avleiðingum, sum tað hevur fyri land og fólk. Hetta er ikki tað, sum føroyingar vilja. Vit vóru fleiri, ið meintu, at Javn­aðarflokkurin heldur ikki vildi loysingina. Men sum kunnugt hevur Javnaðarflokkurin kastað saman við víðgongdum fullveldis­ flokkum eftir valið, hóast flokkurin fór til val sum samríkisflokkur. Hálar í neyðbremsu Í KVF herfyri hálaði javnaðar­for­ maðurin í politisku neyð­brems­ una. Tá segði hann brádliga, at Tjóðveldisgrundlógin og Ríkis­ grundlógin skulu standa lið um lið. Hann vísti á USA og Týskland sum fordømir, men hann gloymdi – tilvitað – at greiða frá, at bæði USA og Týskland eru samveldisríkir. Tí mugu vit spyrja: ætlar Javn­ aðarflokkurin at skipa Føroyar í eitt samveldisríki? Ella hvat er tað, Javnaðar­flokk- urin vil saman við Tjóðveldinum? Sterkur føroyskur samleiki Mitt í fullveldis-forvirrinum er leiðarin í 14. september-sam­ gonguni farin at kalla grundlógina hjá Tjóðveldinum eitt ”sam­leika­ skjal”. Rennandi javnaðarformaðurin er runnin út, har ið hann ikki grynnur, tí í Løgtinginum sigur hann seg vilja hava føroyingar á fólka­atkvøðu til at samtykkja, at vit hava rætt til at ganga í haganum og at fara á flot! Álvaratos – er einki mark fyri niður­geringini av føroyingum? Fáar tjóðir í heiminum hava sterkari samleika enn føroy­ing­ ar. Her er ikki brúk fyri sam­ leika­skjølum ella at staðfesta, at Føroyar eru føroyskar. Og sjálvs­ avgerðarrætturin fær heldur ikki ligið aðrastaðni enn her heima hjá okkum. Nær steðgar villeiðingin av okk­ ara fólki? Sig nú satt Aksel Tað er eitt samfelt ynski – fyri ikki at siga krav – frá føroyskum veljarum at fáa púra greitt at vita, um tjóðveldisgrundlógin skal vera innanfyri ella uttanfyri ríkis­ grundlógina. Fólk mugu vita, um tey skulu fyrireika seg til avleiðingarnar av loysing, ella um talan meira er um at dagføra føroysku stýrisskipanina innan fyri ríkisgrundlógina. Aksel má steðga á og geva fólki sannleikan, áðrenn hann rennur víðari. Loysingin skal nevniliga ikki sníkjast inn gjøgnum bakdyrnar. Og føroyingar skulu ikki missa ríkisborgararættindi á eini fólka­ atkvøðu, sum snýr seg um nakað heilt annað og álvarsligari enn rættin til at ganga í haganum ella fara á flot. Løgmaður rennur undan Hestoyggin fyri afturstigi og órætti KJAK