hósdagur 4. august 2016síða 22

FRÍGGJADAGUR 5. AUGUST 2016 SOSIALURIN 88 22 BARBARA HOLM S ummar Festivalurin er á skránni um vikuskiftið og ivaleyst leita tús­und­tals føroyingar sær til Klaks­ víkar hesar dagar. Uni Leitisstein Hansen er ein teirra, sum ætlar sær á festival. Skráin er áhugaverd í tí stóra heila, men sumt kundi verið betur, heldur útvarpsmaðurin og tón­leikaenthusiasturin. Viku­ skiftis Sosialurin hevur hitt Una L. Hansen til eitt prát um tað, sum fyll­ir tónleikapallin í Føroyum hetta vikuskiftið. Highasakite tað mest áhugaverda yvirhøvur Av konsertunum, sum hava verið í summar í Føroyum, er elektroniski bólkurin Highasakite tað, sum Uni L. Hansen gleðir seg mest til. – Hetta er uttan iva tann bólk­ urin, sum eg eri mest spentur uppá at hoyra, sigur Uni L. Hansen. Norski bólkurin hevur í ár spælt á Roskilde festivalinum í Danmark, á Glastonbury festivalinum í Bretlandi og í heyst skal bólkurin á umfatandi konsertferð í USA. Men áðrenn hetta kemur bólk­urin til Klaksvíkar at framføra fríggja­ kvøldið. – Eg haldi eg tori at siga, at hetta er tann útlendski bólkurin, sum hevur verið mest spældur í útvarpinum hjá Kringvarpinum ár. Trý løg hava verið í a-umfar í Kringvarpinum og fløga teirra er tann, sum eg havi lurtað mest eftir í ár, sigur Uni L. Hansen. Føroyingar kenna kanska ikki væl bólkin, men givið er, at talan er um ein sera áhugaverdan bólk, sum er í støðugari menning. – Bólkurin spælir elektroniskan popptónleik við kanti í og fløgan er óluksáliga góð, sigur Uni L. Hansen. Men tað er ikki bara hetta navn­ ið á fríggjakvøldsskránni, sum Uni ætlar sær at lurta eftir. Sum heild er hann sannførdur um, at fríggja­ kvøldið tónlistarliga verður tað mest spennandi kvøldið. – Eg gleði meg eisini til 200, sum má sigast at vera tað minst »summarfestival-sliga« navnið á skránni. Og tað er uppá tíðina, at hasi freku, provokerandi løgini eisini vera á Summar Festivalinum, sigur Uni L. Hansen. Samstundis fegnast hann um, at fríggjakvøldið eisini bjóðar eina framførslu frá The Reverends, sum hann heldur áttu at spælt meir. – Tað er satt at siga eitt ord­ans herðaklapp, at Summar Festi­ valurin hevur megnað at fáa The Reverends á pallin. Bólkurin er ótrúliga góður og átti at spælt meir, heldur Uni L. Hansen. Góð byrjan við Lenu Hósdagurin er eisini áhugaverdur, heldur tónleikaummælarin. Tí Summar Festivalurin bjóðar tá eina brakandi byrjan við føroysku Lenu Andersen. – Skalt tú byrja ein festival, so er tað eingin feitari máti enn at gera tað við Lenu Andersen, heldur Uni L. Hansen. Eisini Danny and the Veetos lokka ummælaran hetta kvøldið og eru tað glóðheitið bólkurin úr Klaksvík og songkvinnan við tí vøkru røddini, sum eru hæddar­ punktið hetta kvøldið. Men høvuðsnavnið? Hann hev­ ur ikki stórvegis áhuga. – Cliff Richard fari eg at lurta eftir, tí nú er hann her, og so kann man tað sama uppliva hann. Men tað er als ikki nakað, sum fangar meg, sigur Uni L. Hansen. Høvuðsnavnið í Klaksvík í ár hevur, eftir hansara tykki, ávirka Uni Leitisstein Hansen, tónleikaummælari – Allur fríggjadagurin á Summar Festivalinum er øgiliga spennani og hósdagurin er eisini fínur. Leygardagurin er tó ikki so áhugaverdur fyri meg, sigur Uni Leitisstein Hansen, tónleikaummælari, um ársins Summar Festival FRÍGGJAKVØLDIÐ BJARGAR FESTIVALINUM SUMMAR FESTIVALURIN Danny and the Veetos lokka ummælaran hetta kvøldið 200 – tað er uppá tíðina, at hasi freku, provokerandi løgini eisini vera á Summar Festivalinum