hósdagur 11. august 2016síða 24

FRÍGGJADAGUR 12. AUGUST 2016 SOSIALURIN 91 24 Tróndur Sigurðsson formaður í byggi- og býarskiparnevndini Tá undirritaði fyri einum ári síð­ani í Degi & Viku lov­aði, at um ikki so langa tíð skuldi gongd vera komin á dag­ føringina av Karlamagnusarbreyt, so vóru tað helst fleiri, ið ivaðust, tí har sóust bara – við fáum und-an­ tøkum – stór og tóm grundstykki yvir tað heila. Men í dag síggja vit, at tað veru­ liga er hent nakað, og tað er bara at frøast um. Talan er um fleiri ting, vit hava fingið framt, fyri at fáa gongd á Karlamagnusarbreyt, ið nú síggja út til at hava riggað so mikið væl, at tað so spakuliga byrjar at síggj­ ast, hvørjir møguleikar eru í hesi høvuðsgøtuni ovast uppi í Hoy­vík. Fyri tað fyrsta, broyttu vit byggi­ samtyktina, so tey ovastu stykkini fóru frá at vera vinnuøki til at vera grundstykki, og hetta arbeiði verð­ur nú liðugt, so spennandi verður eisini at síggja nýggj hús stinga seg upp har. Har hava 12 stykki fingið nýggjan eigara, so tað grør um gang­andi fót. Men eisini, tá talan er um handil og vinnu í økinum, er nakað hent, tí støðan í dag er tann, at fimm byggi­loyvi eru útskrivað. Hetta er sera gott fyri alt hetta økið, tí her gevast møguleikar fyri bæði fleiri handlum og íbúðum, sum høv­uðs­ staðurin hevur ein støðugan tørv á. So eisini har eru tikin neyðugu stigini at skapa teir batar, ið kunnu geva Karlamagnusarbreyt lív og møguleikar. Somuleiðis raðfestu vit ferðslu­ trygdina, so vit hava fingið asfal­ terað gongubreyt báðumegin vegin, og tá fótbóltsvøllurin í næstum er liðugur, skulu gongubreytir gerast allan vegin niðan á rundkoyringina. Viðvíkjandi vøllinum er annars at siga, at hálvan august fáa vit tilboð upp á graslíki, so vit fara at fáa ein góðan fótbóltsvøllin, sum verður kærkomin hjá bæði ungdóminum, skúlanum og ítróttarlívinum í høv­ uðstaðnum sum heild. Vit hava eystan fyri Karla­ magnusar­breyt fingið ein fittan býling, sum nú fer at fáa sítt egna trivnaðarøki, sum í løtuni verður planer­að, so tað í næstum kann farast undir annað byggistig. Her er ætlanin, at vit skulu hava eitt veruligt trivnaðarøki, hoyvíkingar kunnu vera saman um. Alt hetta er framt í góðum sam­ starvi við avvarðandi myndug­ leik­ar, umframt at borgararnir hava verið við og eru komnir við bæði góðum ráðum og íblástri. Vit høvdu ein góðan borgarafund og miðl­arnir setti eisini ljós á Karlamagnusarbreyt. Vit kunnu nú bara fegnast um, at so nógv er hent hetta síðsta árið, at talan ikki longur er um eina »oyðimørk« í Hoyvíkshaganum, men eitt øki, ið sprettur og blómar, so vit øll innan leingi kunnu fáa ágóð­an av enn eini spennandi ætl­ an, Tórs­havnar kommuna hevur sæð møgu­leikar í og valt at lagt fíggjar­liga orku í eisini. Mong vóru kanska ivingarsom, men tíbetur hevur veruleikin yvir­hálað alla skepsis, so tað í dag er blivin fastur sunnudagstúrur hjá fleiri at koyra niðan á Karla­ magnusarbreyt, tí har síggjast fram­stig fyri hvørja viku, ið gongur. Jú, sanniliga er nógv hent hetta árið, og vit kunnu samstundis gleð­ast um, at meira er og kemur í gongd. Heðin Mortensen Borgarstjóri Jógvan Arge rør í lesarabrævi fram­ undir, at Javn- að­arflokkurin í býráðnum skal kenna seg kroystan í málinum um útbygging av Eystaru bryggju. Veruleikin er beint tann øvugti. Javnaðarflokkurin er tryggur á kósini fram móti hesum týdningarmiklum máli, men líkt er til, at Tjóðveldi og serliga Jógvan Arge hava alstórar trupulleikar at svimja upp aftur á turt, nú hann og flokkurin kollsigldu í hesum máli. Tann, sum hevur fylgt við gongd­ ini í hesum stóra og týdningarmikla máli, veit, at fyrst var Tjóðveldi fyri at byggja út Eystaru bryggju. Men so komu ymsar atfinningarsamar røddir um staðsetingina framman fyri Skansan og loysnina við­víkj­ andi ferðslu til og frá, sum fekk Tjóð-veldi at skifta støðu. Tað, sum síðan hendi var, at Javnaðarflokkurin og meirilutin í býráðnum lurtaðu eftir atfinn- ing­unum. Verkætlanin varð lagað til við tí úrsliti, at allir viðkomandi almennir myndugleikar hava góð­ kent útbyggingarætlanina. Men heldur enn at taka undir við góðkendu útbyggingini saman við býráðsmeirilutanum, roynir Jógvan Arge at mana nýggj spøkilsi fram. Nú er tað skattaborgarans pengar, sum hann óttast fyri, og at útbyggingin hjá Tórshavnar havn fer at gera, at Skúlin á Fløtum ikki verður bygdur sum ætlað. Eingin skattakróna fer til Tórshavnar havn Men her eru ongi spøkilsi, her er einki at vera bangin fyri. Tórs­ havnar havn fíggjar sjálv íløguna at útbyggja Eystaru bryggju við inntøkum frá vinnuni og við lántøku. Skattainntøkurnar hjá kommununi fíggja ikki útbygg­ ingina, ikki so mikið sum eina krónu. Tað átti Jógvan Arge at vitað. Veru­leikin er, at tað veit Jógvan Arge eisini fullvæl, men helst vónar hann at vinna nøkur bílig stig í val­stríðum við sínum lutfalsliga nýggja afturhaldssinnaða og vilja­ veika stíli. Eingin orsøk er at seta bygg­ing­ ina av Eystaru bryggju upp ímóti byggingina av Skúlanum á Fløtum. Fíggingin liggur føst, og tað ger okkara politiski vilji eisini. Tilboðini upp á Skúlan á Fløtum gjørdust nógv dýrari enn ætlað, og tá skylda vit sjálvandi skattaborgarunum at vita, um vit ikki kunnu leggja til­ gongdina um soleiðis, at vit ikki brúka óneyðuga nógvan skatta­pen­ ing til verkætlanina. Framtíðartryggja fíggjar­ liga grundarlagið Eingin ivi er um, at báðar verk­ ætlanirnar verða framdar, tí tær eru neyðugar. Skúlin á Fløtum skal heilt einfalt byggjast, tí verandi umstøður eru als ikki haldbarar. Á sama hátt er við Tórshavnar havn, tí byggja vit ikki út á Eystaru bryggju nú – og tað skjótt eisini – so missa vit eitt stórt tal av arbeiðs­ plássum og harvið eisini tær týdn­ ingar­miklu skattainntøkurnar, sum skulu vera við til at fíggja Skúlan á Fløtum og annan framburð og væl­ ferð í kommununi. Íløgan hjá Tórshavnar havn, sum vinnuvirksemið har rindar, er sostatt partur av okkara arbeiði at framtíðartryggja fíggjarliga grund­ arlagið hjá kommununi. Eg fari at mæla Jógvani Arge og øllum øðrum, sum kanska ikki enn hava dirvi til at taka stór stig fram á leið, at lesa tíðindabrævið “Fram­tíðartryggja havnarlag og arbeiðspláss” http://www.tors­ havn.fo/Default.aspx?pageid= 37&NewsItemID=6644, har eg greiði meira nágreiniliga frá verkætlanini. Javnaðarflokkurin vil tryggan framburð Hugsjónin og ætlanin hjá Javnaðar­ flokkinum er at skapa øllum í samfelagnum góðar, sømiligar og tryggar fortreytir at virka, og at liva tað lív, tey ynskja. Visiónin hjá Javnaðarflokkinum í Suðurstreymi er somuleiðis at skapa vinnulívinum góðar karmar fyri tryggum og fjøltáttaðum ar­ beiðs­plássum. Bæði Tórshavnar býur og Tórs­ havnar havn eru í kapping um arbeiðs­pláss og arbeiðsmegi við mið­staðir og havnir í øðrum lond- um. Hendan kappingin harðnar dag um dag, men við skynsomu kósini, vit hava lagt, kunnu vit tryggja framburð og vinna langt fram á leið. Eins væl og vit vilja fólkavøkstur, vilja vit eisini vinnuligan vøkstur, hetta má ganga hond í hond. Tí er tað fullkomiliga óhugsandi at velja millum at byggja út á skúlaøkinum og at byggja Eystaru bryggju út. Eystara bryggja fer at vera við til at fíggja skúlarnar og aðrar verandi og nýggjar vælferðartænastur. Hetta, og nógv annað, vilja vit fremja. Helst í samstarvi við allar aðrar góðar kreftir. Tí hóast vit eru sannførd um, at okkara hugsjón um rættindi, framburð og vælferð er røtt, so vita vit, at loysnirnar verða haldbetri, um vit samstarva breitt. Stundin er ikki til at kúra og gremja, men til at bretta upp um armar og taka tey neyðugu og væl­umhugsaðu tøkini fram á leið, hóast at tey eru stór. Tað gera vit. Afturhaldið og svar­t­skygnið hjá Jógvani Arge ber ongan veg. Trygg kós fram móti nýggju Eystaru bryggju Gongd komin á Karlamagnusarbreyt KJAK Kaj Leo Holm Johannesen Løgtingsmaður fyri Sambandsflokkin Í sambandi við innskjótaratrygd og bankapakkar, umframt trygd­ar­ netið, sum bjargaði okkara bankakervi frá húsagangi fyri nøkrum fáum árum síðani, so framdi danska stjórnin nøkur tiltøk og gjørdi nakrar skipanir, sum skuldu gera sannlíkindini minni fyri, at ein fíggjarkreppa endurtók seg. 30 løgtingslimir tóku undir við Det Systemiske Risikoråd ella einum "Váðaráði". Hesi tiltøk og skipanir hava sum endamál at tryggja fíggjarligt støðufesti og haldføri. Samgongan við Tjóðveldi á odda, skal nú knappliga hava eitt Váðaráð afturat á einum málsøki, sum ikki er yvirtikið, nevnliga okkara fíggjargeiri. Tí er vandi á ferð. Tað, sum sam­ gongan arbeiðir við av broytingum og ”føroyskum serloysnum”, kann hava við sær ótryggleika og álvarsligar fíggjarligar avleiðingar fyri banka- og fíggingarvirksemið, umframt eisini avleiðingar fyri vinnuna og alt samfelagið. Tað almenna ætlar nú m.a. at útinna kappingaravlagandi banka- og fíggingarvirksemi við hesari ser­ skipan, sum her verður lagt upp til. Danska stjórnin er ørkymlað og Løgtingið tað sama. Eftir hesum uppskotinum frá samgonguni veit ongin, hvør fær greiðu og eintýðugu ábyrgdina, tá nú tvær lógir skulu hava gildið um sama málsøkið, eitt ríkislógartilmæli, sum er felagsmál og ein løgtingslóg, sum roynir at seta ríkislógina úr gildi. Hetta er ein konfrontatión við danir, sum setir spurnartekin við trygdina og støðufestið innan banka- og fíggjarøkið í Føroyum. Slíkar fráboðanir og politiskar verkætlanir, sum samgongan og Tjóðveldi her eksperimentera við, skapa ótryggleika í samfelagnum og vinnuni. Og tað er júst tað vit ikki hava brúk fyri, tá vit skulu skapa fortreytir fyri búskaparvøkstri, lágari rentu, lágum skattatrýsti o.a. Tað kann tí tykjast løgið, at Javnaðarflokkurin við løgmanni á odda er so ósjónligur í hesum álvarsliga politiska máli – hvat sigur Javnaðarflokkurin og løgmaður? Samgongan førir banka- og fíggjarkervið á vandakós Politisk eksperimentir hjá samgonguni órógva banka- og fíggjarkervið í Føroyum