mánadagur 15. august 2016síða 16

Mánadagur 15. august 2016 · Nr. 92 16 Sosialurin Hugskot og viðmerkingar – send sms til 225000 FRÓÐI ÓLASON OLSEN AB Intet nyt fra vestfronten, viljin at vinna er ikki nóg eyðsýndur. Tillukku við effofótbólti í næsta ár TB. Nú logar undir okkum frensum. KRISTIAN JOENSEN KÍ Einki minni enn fantastiskt. Súni Olsen er kongurin.. Nú fækast við dystum og spenningurin økist. Ferðasambandi til Ovastevnuna má hava verið ringt, tí eg haldi ikki at havnafólkini vóru komin heim aftur, tað er raðuligt hvat tað eru fá fólk ið halda við HB. Koyr á KÍ SÆBJØRN LEITI ÍF Vit høvdu ikki nógv at vísa, men fingu 1 mál sum kann brúkast um hinir ikki fáa nakað, men so var ikki, vit lótu 3 inn. Nú má okkurt gerast tapt 3 dystir á rað,  Koyr á ÍF ALLAN ENGHAMAR HB - LISSI MOURITSEN B36 Hygga vit ! Viljin er sterkur  Deiligt B36 JAN B. ANTHONIUSSEN NSÍ Vit fingu eitt mál (vit fingu eitt mál). Vit fingu eitt mál (vit fingu eitt mál). Vit fingu eitt mál, men veist tú hvat? Vit fingu eitt aftrat! Góðir FÓTBÓLTUR Jóannes Hansen Sjey umfør undan kappingar­ loki hava trý tey fremstu 47, 43 og 42 stig. Tað er bara einaferð komið fyri áður, at úrtøkan hjá liðunum á øllum heiðursmerkjaplássunum hevur verið so stór, tá ið tjúgu umfør eru avgreidd. Tað var í 2011, tá ið B36 var topp­lið við 49 stigum, Víkingur næstfremst við 45 stigum og EB/Streymur á triðja plássi við 44 stigum. Tá endaði tað við, at B36 við Mikkjali Thomassen við stýrisvølin vann FM við 67 stigum, sum er met, og tá endaði tað við, at tað vóru sjey stig aftur til EB/Streym og átta aftur til Víking. Størsta skøltin av øllum í hesum umfarinum vann KÍ. 3-2 sigurin var tann fyrsti hjá KÍ ímóti HB í Gunda­dali síðani 2011. Tað eru eisini aðrar stað­festingar, sum bera á rætta borðið hjá klaks­ vík­ingum. Eftir tjúgunda umfar hevur KÍ 47 stig. Hetta er størsta úrtøka, sum KÍ nakran­tíð hevur vunnið. Hægsta stigatal eftir 27 umfør higar­til vann KÍ í 2006 og 2012, tá ið úr­tøkan var 45 stig og fjórða pláss. 3-2 sigurin í Gundadali styrkir um møguleikan hjá KÍ at vinna fyrsta FM heitið í seytjan ár. Eitt er, at nú eru tað sjey og ikki átta umfør hjá avbjóðarunum at taka oddasessin. At leiðslan er fýra stig aftur til Víking og fimm stig aftur til NSÍ ber við sær, at KÍ hevur ráð at tapa einaferð uttan at missa oddasessin. Eftir heimadystin ímóti TB næsta sunnudag bíða oddaliðnum tor­førir útidystir ímóti næstu avbjóðarunum – NSÍ við Løkin og Víking í Sarpu­ gerði. At 3-2 sigurin varð roknaður at vera lykla­ sigur sást væl, tá ið Eiler Rasmussen hevði brík­slað fyri síðstu ferð. Mikkjal Thomassen lyfti spæl­ar­ar­ nar, sum stórfegnaðust, og áskoðararnir jublaðu sum um, at FM heitið var komið til høldar. – Tað er ógvuliga hugaligt, at tað eydnaðist tvær ferðir at reisa okkum. 1-0 málið skoraði HB beinanvegin, so tá kendist tað ikki so tungt, men tá ið teir miðskeiðis í seinna hálvleiki løgdu seg framum aftur, kravdi tað nógv av okkum, og tað eydnaðist, stórfegnaðist Jóannes Bjartalíð, sum javnaði til 1-1 við brotssparki, og hann heldur fram: – Undan steðginum vóru vit ov ofta upp á millum­ hond. Eftir steðgin pressaðu vit teir meiri yvir allan vøllin, og tá fyltu vit meiri. Nú halda vit fjarstøðuna aftur til næsta liðið á fýra stigum, og tað vil siga, at tað er neyðugt hjá teimum at halda fram at vinna, um teir skulu halda tørn um okkum. HB spælararnir vóru ógvuliga vónbrotnir: – Tað eiga vit at vera, tá ið vit hava verið frammanfyri tvær ferðir, men kortini einki fáa burturúr. Vit royna at spæla okkum úr stóra trýstinum hjá teimum. Tað eydnast viðhvørt, men tað eydnast ikki nóg væl, staðfestir Rókur av Fløtum Jespersen, sum við fínum langskoti legði HB framum 1-0. Víkingur gjørdi sítt Fríggjakvøldið legði Vík­ ingur KÍ undir trýst, tá ið tað eydnaðist at vinna 3-1 í Fugla­firði. – Alt varð avgjørt í fyrra hálv­leiki. Sorin Anghel, sum er sera væl fyri, legði okkum beinan­vegin framum við fínum stútara, og Erling Jacob­sen økti longu eftir eitt korter til 2-0 við brots­sparki. Tá ið teir so mistu Karl Løkin, sum varð út­vístur eftir tvey gul kort, so kendu vit, at vit høvdu fult tamar­ hald á tí, og eftir steðgin góvu vit einki burtur, sigur Víkinga liðformaðurin Atli Gregersen. – Vit hugsa ikki so nógv um KÍ. Hjá okkum ræður tað um at hava fokus á rætta staðnum og at avgreiða okkara avbjóðingar. So fáa vit at síggja, hvussu langt tað røkkur. Men tað er eingin ivi um, at vit framvegis halda okkum hava møguleika at vinna FM, sigur Víkinga liðformaðurin. Eftir 7-1 skrædlið í Runa­ vík var ÍF verjan umskipað. John Daniel Guðjónsson var mið­verji saman við Poul Nolsøe Mikkelsen, Gunnar Christian­sen var vong­verji í høgru, og Jan Ó. Ellingsgaard, lið­for­maðurin, var vong­verji í vinstru: – Sammett við í Runavík var hetta væl betri. Hóast vit vóru undir­mannaðir eftir steðgin, so spældu vit væl betri tá, tí vit tordu at hava bóltin og bjóða okkum til. Vit spældu klókari, men síðstu tjúgu minuttirnar gekk orkan undan, sigur ÍF lið­for­maðurin. Djóni fegnast um tolið Tað tók sína tíð, men at enda glapp tað, og so vann NSÍ kommunuuppgerðina á Skála 2-0. Málini vóru skorað seinna partin av seinna hálv­leiki. Miðvallarin Betuel Hansen, sum fyri stuttum flutti úr Silkeborg og aftur í barn­ dómsfelagið, var meistari fyri tí fyrra eftir langt inn­ kast og eitt sindur av aftur og fram, og Klæmint A. Olsen um­setti brots­spark til mál og syrgdi har­við fyri, at hann fram­vegis hevur skorað eitt mál í miðal fyri hvørt umfarið. NSÍ hjálparvenjarin Djóni Nolsøe Joensen er væl nøgdur: – Vit eru fimm stig frá topp­inum, og tað er góð støða fyri okkum. Vit hava vunnið fulla úrtøku seks tær seinastu ferðirnar, og spæl­ ar­ar­nir eiga rós fyri, at teir vóru so fokuseraðir, og at teir høvdu tolið, sum skuldi til, tí Skála er væl skipað og gav ikki so nógvar møguleikar. Hóast KÍ stóð torførastu royndina, so rokna bæði Víkingur og NSÍ við, at møguleikin framvegis er góður at vinna FM EFFO-DEILDIN TAÐ HEFTIR EINKI FYRI TEIMUM BESTU