mánadagur 15. august 2016síða 15

15 Mánadagur 6. januar 2014 · Nr. 2 Sosialurin Mánadagur 15. august 2016 · Nr. 92 Hugskot og viðmerkingar – send sms til 225000 MARNI TVÍFALDUR MÁLSKJÚTTI Í NUMMAR 400 1. DEILD: Marni Djurhuus gjørdi bart leygardagin, tá ið hann spældi sín dyst nummar 400 fyri EB/ Streym. Í hesum umfarinum vóru fýra favorittsigrar, meðan ein dystur endaði við javnleiki Jóannes Hansen/ Neli Heldarskarð 30 ára gamli Marni Djurhuus umboðaði leygardagin fyri 400. ferð besta liðið hjá EB/ Streymi. Ofta verður tikið til, at tað sjáldan gongur væl, tá ið talan er um serligar dystir. Soleiðis var tað tó ikki hjá EB/Streyma-veteraninum leygardagin. Toppliðið átti heimavøll við Margáir ímóti teimum næstbestu hjá HB. Eftir fyrra hálvleik var tað framvegis málleyst, men so gjørdi Marni Djurhuus bart, tá ið hann skoraði í bæði 65. og 76. minutti. Fýra minuttir undan leikloki staðfesti Niklas T. Kruse 3-0 heimasigurin. Tveir 7-1 sigrar á rað 07 Vestur greiddi væl og virðiliga sín setning á útivølli ímóti KÍ. Úrslitið sigur 7-1, og tað talar fyri seg sjálvt. Søren Nielsen skoraði trý mál síðsta korterið undan steðginum, og eftir steðgin var spurningurin bara, hvussu stórur sigurin fór at verða. Hetta er annað umfar á rað, at 07/Vestur vinnur 7-1. Í undanfarna umfari vunnu vágamenn eisini 7-1 á heimavølli ímóti AB. FC Suðuroy bankaði B71 FC Suðuroy vann trivaligan 3-0 favorittsigur á heimavølli ímóti B71. Men tað tók sína tíð, áðrenn heimaliðið á Vágseiði fekk hol á. Tveir minuttir eftir steðgin setti Búi Egilsson hol á, fýra minuttir seinni økti Teitur Mortensen um leiðsluna, og í tíðini, sum dómarin legði aftrat, staðfesti Ari K. Poulsen sigurin og harvið bronsuplássið. FC Suðuroy hevur tó 17 stig upp til seinna uppflytingarplássið, sum 07 Vestur situr væl og virðiliga á, so nøkur uppflyting verður tað ikki til fyri suðuroyingarnar í ár. Verri er hjá B71, sum hevur níggju stig upp til bjarging. Sandoyingar eru nú einsamallir aftastir á stigatalvuni. Keita er gull verdur Giza Hoyvík var favorittur á heimavølli ímóti Víkingi. Tað eydnaðist at vinna 2-0, men tað tók sína tíð, áðrenn tað eydnaðist høvuðsstaðarmonnunum at fáa bilbukt við gestunum. Sum so mangan áður so var tað Ahmed Keita, sum var avgerandi. Hann skoraði bæði málini hjá Giza Hoyvík. Sostatt hevur Keita nú skorað 20 mál fyri Giza Hoyvík hetta kappingarárið. Søren Nielsen hjá 07 Vestur hevur skorað eins nógv mál. Toppskjútti í deildini er Leif Niclasen hjá EB/Streymi, sum hevur skorað 23 mál hetta kappingarárið. AB er blivið betri Einasta liðið, sum ikki megnaði at vinna favoritt­ sigur leygardagin, var næst­ besta liðið hjá NSÍ. Á Argjum endaði tað málleyst eftir, at NSÍ síðstu løtuna var yvirmannað, tí ein av AB spælarunum hevði sæð gult tvær ferðir. Talan var um ein spennandi dyst við mál­ møguleikum til bæði liðini, hóast onki mál bleiv skotið. Tað er byrjað at ganga betri hjá AB, sum nú hevur fingið stig í fýra av teimum seinastu fimm dystunum. Tó hava hesir dystir ,,bara” givið seks stig, tí at ein dystur er blivin vunnin, meðan tríggir hava endað við javnleiki. Enn er langt eftir á mál, um AB skal yvirliva í 1. deild, tí at átta stig eru upp til Víking, ið er triðaftast á stigatalvuni. KÍ-07 Vestur 1-7 (0-3) 0-1: Søren Nielsen 31. 0-2: Søren Nielsen 34. 0-3: Søren Nielsen 40. 0-4: Janus Samuelsen 50. 0-5: Tóki á Lofti 51. 1-5: Helgi Simonsen 79. 1-6: Holgar Durhuus 82. 1-7: Solomon Kwao br 90.+3. EB/Streymur-HB 3-0 (0-0) 1-0: Marni Djurhuus 65. 2-0: Marni Djurhuus 76. 3-0: Niklas T. Kruse 86. Giza Hoyvík-Víkingur 2-0 (0-0) 1-0: Ahmed Keita 56. 2-0: Ahmed Keita 78. AB-NSÍ 0-0 Reytt kort: Jógvan Johannesson, AB, 84. (tvey gul) FC Suðuroy-B71 3-0 (0-0) 1-0: Búi Egilsson 47 2-0: Teitur Mortensen 51. 3-0: Ari K. Poulsen 90.+1. FÓTBÓLTUR 1. Deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 EB/Streymur 18 15 3 0 68 12 +56 48 2 07 Vestur 18 14 2 2 56 22 +34 44 3 NSÍ II 18 10 0 8 44 53 -9 30 4 FC Suðuroy 17 9 2 6 36 25 +11 29 5 Giza Hoyvík 18 9 1 8 39 30 +9 28 6 KÍ II 17 7 1 9 29 35 -6 22 7 HB II 18 6 3 9 38 45 -7 21 8 Víkingur II 16 5 1 10 24 34 -10 16 9 B71 17 1 4 12 21 62 -41 7 10 AB II 17 1 3 13 12 49 -37 6