mánadagur 15. august 2016síða 14

Mánadagur 15. august 2016 · Nr. 92 14 Sosialurin Hugskot og viðmerkingar – send sms til 225000 Neli Heldarskarð Í gjár var sonn føroyingauppgerð á Sundby Idrætspark, har Fremad Amager tók ímóti Vendsyssel. Bárð­ ur Hansen og Heini Vatnsdal vóru báðir við frá byrjan hjá heima­ liðnum, meðan ongin føroyingur byrjaði inni hjá Vendsyssel - René Shaki Joensen varð tó skiftur inn í hálvleikinum. Fremad Amager legði seg á odda miðskeiðis í fyrra hálvleiki, og leingi líktist tað einum sigri til heimalið­ ið. Men René Shaki Joensen bjargaði Vendsyssel, tá ið hann sjey minuttir fyri dystarlok skoraði við vælplaseraðum skoti. Vendsyssel trýsti nógv ímóti dystarenda, men 1-1 gjørdist endaliga úrslitið. Hetta var fyrstu ferð í ár, at Vend­syssel fekk stig. Tríggir teir fyrstu dystirnir blivu allir taptir. Vendsyssel er framvegis aftast við einum stigi, meðan Fremad Amager er triðaftast - liðið hevur trý stig eftir fyrstu fýra umførini. Viljormur og liðfelagarnir fingu javnleik í evstu løtu Fyrsti dysturin í fjórða umfari í næstbestu deildini varð longu spæld­ur hóskvøldið, tá ið Vejle tók ímóti FC Helsingør. Viljormur Dav­ id­sen spældi allan dystin á vinstra bakki hjá Vejle. Tað sá onki út hjá Vejle, ið var aftanfyri 2-0 eftir ein tíma. Síðstu minuttirnar tóku Viljormur og lið­ felagarnir seg tó um reiggj. Fyrst varð minkað um munin eftir 87 minuttir, og í sjálvari yvirtíðini var tað D'Avila Ba Loua, sum javnaði til 2-2. Vejle er framvegis ósigrað eftir fýra umfør. Tríggir javnleikir og ein sigur er tað blivið til, og tað gevur samanlagt eitt fjórða pláss í deildini. Jóan Símun avgerandi ávirkan Í gjár tók OB á heimavølli ímóti FC Nordsjælland. Eins og undanfarnu umførini byrjaði Jóan Símun Ed­ munds­son inni. Og tað hilnaðist før­oyinginum sera væl. Jóan Símun Edmundsson legði upp til fleiri góð­ar málmøguleikar, og hetta gav úrslit, tá ið OB kom á odad 2-0. Málið varð stútað í netið eftir gott frí­sparksinnlegg frá Jóan Símuni Edmundssyni. Føroyski landsliðsframherjin bleiv útskiftur eftir 79 minuttir. OB vann dystin 3-1 og er nú nummar átta í Superliguni, sum telur 14 lið. Úrtøkan eftir fimm dystir er sjey stig - fýra javnleikir og ein sigur. Sostatt er OB framvegis ósigrað í hesum kappingarárinum. Hallur misti stig AC Horsens, ið hevði føroyska Hall Hansson á miðvøllinum all­ an dystin á tamb, spældi í gjár á heimavølli ímóti botnliðnum, Silke­borg. Tað gekk eftir ætlan hjá Horsens, sum kom á odda bæði 2-0 og 3-1, men tryggi sigurin varð lork­ aður burtur, tí at endaliga úrslitið gjørdist 3-3. Horsens er nú nummar níggju eftir fimm umfør við fýra stigum, ið øll eru vunnin eftir javnleikir. Brandur Hendriksson Olsen kom ikki á vøllin hjá Randers, sum vann 1-0 á útivølli ímóti Viborg. Síðsti dysturin í fimta umfari í Superliguni verður spældur í kvøld, tá ið AAB tekur ímóti Esbjerg. Gilli Ról­antsson er væntandi í hópinum hjá AAB. FÓTBÓLTUR RENÉ TRYGGJAÐI VEND­SYSSEL FYRSTA STIGIÐ Føroyingauppgerð hevur verið í næstbestu donsku deildini hetta vikuskiftið, har René Shaki Joensen tryggjaði Vendsyssel fyrsta stigið hetta kappingarárið. Eisini legði Jóan Símun Edmundsson upp til mál í sigri hjá OB Hallur Hansson René Shaki Joensen