mánadagur 15. august 2016síða 23

23 Mánadagur 6. januar 2014 · Nr. 2 Sosialurin Mánadagur 15. august 2016 · Nr. 92 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Heldur ikki hesaferð slapp Pál Vitalis Joensen at liva út sín stóra dreym at svimja í einari olympiskari finalu. Tíðin 15.18:49 var langt frá tí, sum kravdist, og enn hava vit til góðar at síggja ein føroying í einari olympiskari finalu. Men samrøðan við DR sjónvarp aftaná innleiðandi kappingina staðfesti virðið í Páli: "Tað skal ikki enda soleiðis", staðfesti Pál í samrøðuni við DR sjónvarp. Pál Vitalis Joensen ætlar at enda við einum braki, og tá verður tað undir føroyska flagginum til eina HM ella eina EM kapping. Vit, sum sótu heima og heppaðu á Pál Vitalis Joensen kunnu bara stórfegnast um, at hann ikki ætlar, at tíðin 15.18:49 skuldi verða tann seinasti steinurin, sum bleiv lagaður á tann størsta og fremsta ítróttarvarðan í føroysku ítróttarsøguni. Vit eiga øll at stuðla og takka Páli fyri, at hann mintist til okkara tjóð til setanina, tá hann veitraði við Merkinum, og bara tað at hava ein føroying til olympisku leikirnar er framúr. Tað er ikki lætt hjá smátjóðunum, sum hava olympiska viðurkenning heldur. Kyrrahavstjóðin, Fiji hevur núðstani í allari olympisku søguni vunnið eitt olympiskt heiðursmerkið. Tað gjørdist veruleiki, tá Fiji vann kappingini í sjeymanna rugby á olympisku summarleikunum í Rio de Janeiro. Íslendingar, sum eru knáir tá um ítrótt ræður hava tikið lut á olympisku leikunum síðani 1908, og hesi 108 árini hava íslendingar vunnið fýra heiðursmerki. Enn hava íslendingar til góðar at vinna eitt gullheiðursmerki. Svøríki og Danmark hava higartil á hesum summarleikunum bara vunnið eitt gullmerki hvør. Noreg hevur vunnið trý bronsumerki, og Finnland hevur enn ikki vunnið eitt heiðursmerki. Tað krevur ófatuliga nógv av einum íðkara bara at vinna seg til olympisku leikirnar, og fyri ikki at tala um hvussu nógv tað krevst at enda á sigurspallinum. Tí eiga vit at fagna Páli fyri at røkka tveimum olympiskum leikum á rað, um enn ikki tað gekk, sum hann, ella, sum vit høvdu ynskt, at tað gekk. Men nú fara vit at gera klárt at heppa á ein annan føroyskan svimjara. Krista Mørkøre úr Ægir fer at kappast á paralympisku leikunum, sum verða í Rio de Janeiro 7. til 18. september. Tað verður ein stór løta til setanina, tá unga klaksvíksdaman sleppur at ganga inn við føroyska flagginum, og vit sleppa at verða presenteraði, sum tann ítróttartjóð vit av røttum eru, og kunnu gleða okkum stórliga til Krista Mørkøre fer at kappast. Altjóða paralympiska nevndin hevur ein menniskjaligan faktor, sum olympiska nevndin manglar, og hevur hartil betur moral. Altjóða paralympiska nevndin hevur tikið avleiðingarnar av russisku dopingini, og hevur bannað russiskum paralympiskum ítróttarfólkum at taka lut á paralympisku leikunum. Altjóða olympiska nevndin dansar rundanum tann trupuleikan. Tað er týdningarmiklari fyri IOC, at lond, sum Føroyar ikki sleppa at taka lut, heldur enn at taka avleiðingarnar av russisku dopingini, sum IPC hevur gjørt. Líkamikið: Takk fyri Pál, og koyr á Krista »Tað skal ikki enda soleiðis« KLUMMAN Heri sigur sína hugsan... Tróndur Arge Tað er ikki heilt uttan spenning, at føroyskur landsliðsfótbóltur nú skal undir eina nýggja undankapping. Hesa ferð er talan um HM undankapping til endaspælið, sum verður í Russlandi á summri 2018. Føroyar spælir móti Ungar sætta septembur. Gleðiligt fyri føroyskan fótbólt er, at fleiri av okkara fremstu spælarum eru væl fyri. Vit hava fýra spælarar í Superliguni, sum allir hava verið á vøllinum í nýggja kappingarárinum, meðan spælarar sum lægru deildum eisini sleppa framt. Superligaspælitíð Tveir av okkara týdningar­ mestu spælarum á lands­ liðnum eru Hallur Hansson og Jóan Símun Edmundsson. Hóast teir enn eru ungir, so er ongin ivi um, at teir eru tvey av nøvnunum, sum koma úr hattinum hjá Lars Olsen týsdagin. Hallur Hansson spælir fast á miðvøllinum hjá AC Horsens, sum hevur spælt fýra javnar í fimm teimum fyrstu umførunum í Superliguni. Bo Henriksen, venjari í AC Horsens, segði við Horsens Folkeblad, at hann metti Hall Hansson sum ein av sínum bestu spælarum. Føroyski miðvallarin er byrjaður inni allar dystirnar. Somuleiðis hevur Jóan Símun Edmundsson vunnið sær fast pláss á OB liðnum. Landsliðsáleyparin manglar enn at fáa sítt endaliga gjøgnumbrot í yrkisfótbólti. Á landsliðnum hevur hann langtsíðni staðfest sítt pláss, men nú verður hann ein av berandi spælarunum, eftir at menn sum Fróði Benjaminsen og Christian L. Holst eru givnir. Umframt teir báðar, so hava bæði Gilli Sørensen og Brandur H. Olsen fingið spæltíð í avikavist AaB og Randers. Gilli Sørensen í størri mun, meðan skálvíkingurin er nýggjur í Randers. René á máltalvuna Aðrir útisetar gera eisini um seg og fáa spælitíð. René Shaki Joensen skoraði fyri Vendsyssel um vikuskiftið. Hann hevur ikki ment seg eins skjótt og Hallur Hansson, men tykist mennast so hvørt. Vónandi verður hann fastur maður á liðnum hjá Vendsyssel hetta kappingarárið. Viljormur Davidsen er fastur maður í Vejle, meðan Bárður J. Hansen og Heini Vatnsdal somuleðis hava vunnið sær fast pláss í Fremad Amager. Í Íslandi er Gunnar Nielsen høgt í metum í FH, meðan Kaj Leo í Bartalsstovu er nýggjur í hópinum. Sonni Ragnar Nattestad er útleigaður til Fylkir og fær spælitíð. Nýggj nøvn á landsliðnum? Okkurt bendir á, at tað verður onkur broyting á landsliðnum. Lars Olsen hevur fyrr roynt at fáa Fróða Benjaminsen aftur á landsliðið, men tað tykist enn ósannlíkt. Tveir íslendskir spælarar, Davíð Þór Viðarsson og Bjarni Þór Viðarsson, hava føroyska familju og hava víst áhuga fyri at spæla fyri Føroyar. Fáa teir pass, so er tað ein møguleiki. Landsliðið verður úttikið klokkan 10 fyrrapartin í morgin. Rás2 og In.fo fylgja útøkuni beinleiðis. trondur@sosialurin.fo Týsdagin verður landsliðið úttikið á fyrsta sinni í nýggju HM undankappingini. Fleiri av okkara spælrum eru væl fyri LANDSLIÐIÐ ÚTTIKIÐ TÝSDAGIN