mánadagur 15. august 2016síða 30

VIKA 33 • 15. AUGUST 2016 6 MIÐLAHÚSIÐ ÓKEYPIS LÝSINGARBLAÐ – Havt nógvar stuttligar løtur í Klaksvík Vilmund Jacobsen T ær nógvu sjómanskappingarnar á Føroya Sjómannadegi verða seinnapartin leygardagin, 20. august og vara til nakað út á kvøldið. Millum hesar kappingar er eitt nú kapping í trolbøting, sum verður leygar­dagin klokkan 15.45. Dómari øll árini í trolbøting hevur verið fryntligi – og sum hann sjálvur sigur tað – trolidioturin, Sámal Olsen, sum býr á Kambsdali. Sámal Olsen er royndur í leikum, tá ræður um trol og trolbøting. Í eini 30 ár sigldi hann við trolara, harav flestu árini við trolarum, ið fisk­ aðu botnfisk. Seinastu tvey árini av sjólívinum – árini 1999 og 2000 – var hann við Jupiter, har hann so eisini gjørdi sær royndir í uppsjóvartroli. Í dag hevur Sámal ábyrgdina av uppsjóvartrolunum hjá P/F Vónini í Fuglafirði, har hann er formaður og skipar arbeiðið. – Eg havi verið í starvi hjá Vónini sein­astu 16 árini og seinnu árini við ábyrgd fyri framleiðsluni av upp­ sjóvar­trolum. Við øll árini Sámal Olsen greiðir soleiðis frá, hvussu P/F Vónin og hann gjørdust partur av Føroya Sjómannadegi. – Tað var soleiðis, at umboð fyri fyrireikararnar ringdu til okkara og spurdu, um vit vildu taka okkum av eini kapping í trolbøting, og tað gjørd­ ist eg, sum kom at hanga upp á hetta, sum hann tekur til. Sámal Olsen sigur, at hann hevur verið við øll árini síðan byrjan, og hann minnist aftur á nógvar hugnaligar og stuttligar løtur í Klaksvík á sjó­manna­ degnum. – Tey fyrstu árini var tað soleiðis, at teir, sum bøttu skeivt, fingu tíð lagda aftrat, og tað vóru menn ikki altíð fegnir um. Men, her nyttaði einki at grenja. Onkur skuldi skera ígjøg­ num, og henda uppgáva var latin mær í hendi. Neyðugt var at vera avgjørdur og taka støðu beint her og nú. At onkur bøtti skeivt, skuldi sjálvandi ikki geva teimum fyrimunir fram um teir, sum bøttu rætt allan vegin. Sámal Olsen sigur, at seinnu árini hevur tað verið soleiðis, at menn, sum bøta skeivt, ikki sleppa at halda fram, men noyðast burtur úr kappingini. – Eg havi havt sama hol í øllum trolstykkjum øll árini, men tey fyrru árini var holið størri, soleiðis at meira var at bøta. Tá tók tað umleið fimm minuttir hjá monnum at bøta holið aftur; í dag liggur tíðin um einar tveir ella tríggjar minuttir, og tað er líka sum meira passaligt. Rætt ella skeivt Sámal Olsen sigur, at holið í trol­stykk­ i­num verður soleiðis skorið, at tú sum bøtari byrjar við hálvum meska og endar í hálvum meska. – Her er einki at taka feil av hjá royndum trolfólki, og tá bøtt verður er ikki talan um fleiri møguleikar. Antin bøtir tú rætt – ella bøtir tú skeivt. Tað var kanska stuttligari tey árini, tá høvi var at leggja tíð aftrat hjá teimum, sum bøttu skeivt, men eg haldi, at kappingin er rættvísari, nú tann, sum bøtir skeivt, verður diskvalifiseraður - og ikki sleppur at halda fram. Okkurt árið hevur onkur kvinna verið við í kappingini í trolbøting, og tað er eisini hent, at onkur kvinna hevur vunnið á onkrum royndum skip­ ara. – Vit høvdu eina kvinnu til arbeiðis her á Vónini í nøkur ár. Hon var ófør, og hon luttók onkuntíð í kappingini í trolbøting á sjómannadegnum. Vit hava eisini upplivað, at ein ung kvinna kappaðist við pápa sín, sum er skipari – og vann á honum, sigur Sámal Olsen, sum altíð gleðir seg til Føroya Sjómannadag í Klaksvík. Sámal Olsen hevur verið dómari í trolbøting øll árini síðan byrjan, og hann minnist aftur á nógvar hugnaligar og stuttligar løtur í Klaksvík á sjómannadegnum Mynd: Vilmund Jacobsen – Holið í trolstykkinum verður soleiðis skorið, at tú sum bøtari byrjar við hálvum meska og endar í hálvum meska. Tá bøtt verður, er ikki talan um fleiri møguleikar. Antin bøtir tú rætt – ella bøtir tú skeivt, sigur Sámal Olsen, sum sigldi við trolara í 30 ár og hevur starvast hjá P/F Vónini í 16 ár Dómari í trolbøting á sjómannadegnum: