mánadagur 15. august 2016síða 32

VIKA 33 • 15. AUGUST 2016 8 MIÐLAHÚSIÐ ÓKEYPIS LÝSINGARBLAÐ Finnur Justinussen Jústinus Leivsson Eidesgaard STÓLURIN Í STÓLINUM HESA VIKUNA LÝS TEG SJÁLVAN VIÐ TRIMUM ORÐUM: Forvitin, bangin og ótolin HVAT MERKI ER BILUR TÍN? Eg koyri bara í VW Golf og eg koyri teir í eini 18 ár. Akkurát nú havi eg fingið nýggjan Golf 7 og hann er ein dreymur. HVAT MERKI ER TELEFON TÍN? Iphone, eg eri eitt sindur av einum Macfreak. HVØR ER TÍN BESTA SUMMARFRÍTÍÐARUPPLIVING? Túrar í náttúruni og tøtt samvera við familjuna. HVAT ORÐ ELLA HVØNAN SETNING NÝTIR TÚ OFTAST? Líkasum HVØRJUM HYGGUR TÚ AT HJÁ HINUM KYNINUM? Nú avdúka tit meg. Ikki nakað lættur spurningur við einum einføldum svari. Talan er um eitt heildarinntrykk. Er tað nakað, sum vit onki kunnu gera við, er tað hvussu vit frá skaparans hond eru skapt. Tað er útstrálingin, tann einstaka kvinnan útstálar, sum fangar meg og so kann talan verða um prúðar ella klænar kvinnur. Stórbarmaðar ella slættar. Lítla rumpu og stórar, onki av hesum er avgerandi. HVAT STRESSAR TEG? Tá ið eg ikki veit og heilt fram til, at eg havi góðtikið, at eg ikki veit. HVØR ER TÍN YNDISRÆTTUR? Eg eri matglaður, og tí er ringt at svara. Men stokt havtaska, gjørd á sama hátt sum lippur umborð á skipi stendur ógvuliga ovalaga. Havtaskan verður skorðin í smáar búffar, sum verða bankaðir lætt út við hondini, síðan verður hetta vent í rugmjøli, sum er kryddað vð nógvum pipari og salti og stokt við nógvum hita á pannuni. HVAT GLEÐIR TEG? Tá ið eg merki hjartað í einum menniskja, og tá ið eg merki, at eg sjálvur eri i kontakt við hjartað og ikki bara mentalt eri ein trælur av tankamaskinuni í heilanum. HVAT VAR SEINASTA YNSKIÐ, SUM TÚ FEKST UPPFYLT? At eg slapp óskalaður frá einum blóðtøppi í heilanum í mai í ár HVAR ARBEIÐIR TÚ? Eg eri journalistur og havi næstan einki annað gjørt alt mítt lív enn skriva HVÍ VALDI TÚ AT ARBEIÐA INNAN JÚST HESA VINNU ELLA ØKI? Eg haldi, at tað hevur nakað við frásøgugleði at gera og eisini at hava ávirkan, við at velja evni, sum eg sjálvur ynskir skulu viðgerðast. HVØR ER STUTTLIGASTA UPPLIVING TÍN Í STARVINUM? Tað er at síggja, at skriving kann venda onkrum, sum er farið skeiva leið aftur á beint. HVØRJUM TÓNLEIKI LURTAR TÚ EFTIR? Ógvuliga breitt. Eg eri úrslit av poppættar­ liðnum, sum byrjaði við Beatles og Rolling Stones og í dag lurti eg ofta afturlítandi eftir tónleiki, frá tíðini, tá ið eg var ungur. Og mær dámar eisini ógvuliga væl klassiskan musikk og her er tað serliga Mozart, sum stendur frammalaga. Mær dámar væl melankolskan tónleik, sum kann fáa tár fram í míni eygu. Mær dámar væl tilstandin, har míni eygu gerast vát, tá eri eg ofta í samband við hjartað. HVAT ER BESTA UPPFINNINGIN OG HVÍ? Fyri okkum skrivandi, man tað verða teldan, sum í míni verð er størsta tekniska frambrotið síðan menniskjan lærdi at temja eldin. Tað er satt frælsi at skriva á teldu og at kunna rætta sum ein vil, áðrenn sent verður. Tey ungu í dag, sum ikki kenna til skrivimaskinu, rættibond og einglablóð vita ikki, hvat eg snakki um. HVAT ER BESTA ÍLØGAN, TÚ HEVUR GJØRT? Nú veit eg ikki um íløgan er meint sum verðslig. Um so er, eru húsini í Havn ein góð íløga. Á menniskjaliga planinum er konan Poula besta íløgan eg havi gjørt og ikki minst okkara tveir røsku, fittu og vaksnu synir, Fríi og Edward. HVAT ER TÍTT BESTA HEIMARÁÐ? Ein góður temunnur hjálpir móti næstan øllum. HEVUR TÚ NAKAÐ HÚSDJÓR? Vit eiga ein tíggju ára gamlan hund, sum eitur Loki. Hann er einaráðandi her á Hellunum og er av fittastu hundum. Vit syrgja enn mammuna Siv, sum doyði í fjør 14 ára gomul og steinmett av døgum. HVAT HEVÐI TÚ GJØRT, UM TÚ VANN EINA MILLIÓN? Eg hevði fyrst og fremst rindað skuld. HVAT HEVÐI TÚ GJØRT, UM TÚ VANN TÍGGJU MILLIÓNIR? Eg veit ikki, tað er meira at kalla ein ræðandi tanki. Eg ivist í, um eg hevði verið nógv eydnuríkari, um eg átti fleiri milliónir. Her hjá okkum er ein meginregla galdandi, meira pengar vit eiga, meira brúka vit. Eg fari ongantíð at teljast millum spararar. Tá ið eg og konan komu saman í ringastu kreppu í 1992, áttu vit ikki bil. Vit plagdu at fara á Hellurnar í bussu í vikuskiftunum. Í dag hava vit hvør sín nýggja bil, og eg ivist í, um vit eru lukkuligari nú enn tá. HVAT ER BEST VIÐ FØROYUM OG HVÍ? Føroyar eru Føroyar uttan mun til hvussu tíðirnar eru. Tað góða í Føroyum er ikki bundið av konjekturum. Er títt hjarta føroyskt, trívist tú her, uttan mun til hvat Føroyar hava at bjóða tær. Eg kann ikki búgva aðrastaðni enn i Føroyum og so skjótt eg fari eg av landinum, leingist eg heim aftur. Eg eri nokk tað mann kallar ein hopleysur heimføðingur. HVAR ERT TÚ UM 10 ÁR? Um tíggju ár eru millum 22 og 24 ár eftir av mínum lívi. Ein thailendskur spámaður spáddi mær einaferð, at eg fór at gerast millum 89-92 ára gamal og eg fór at gerast ríkur. (A lot of prosparity) Um hann meinti verðsligt ríkidømi ella um eg fór at gerast ríkur í anda og hjarta, veit eg ikki, men tí seinna eri eg longur ríkaður í ólukkumát við, og tað er tað sum telur Teldan størsta tekniska frambrotið Eg eri nokk tað mann kallar ein hopleysur heimføðingur