mánadagur 22. august 2016síða 33

VIKA 23 • 6. JUNI 2016 ÓKEYPIS LÝSINGARBLAÐ TEMA Vilmund Jacobsen N orðdepli, sum er ein av bygdun­ um í Hvanna­sunds kommunu, er lutfalsliga ung niður­setu­bygd. Tað var í 1866, at Poul Sivertsen og kona hansara Marin fluttu úr Hvanna­sundi yvir um Sundið og valdu at búseta seg í Norðdepli. Dagurin, tá tað fyrstu ferð reyk úr ljóð­ar­anum í nýbygdu húsum teirra, var hin 28. august í 1866, og soleiðis eru um dagarnar júst liðin 150 ár síðan hesa hending. Húsini, sum tey bygdu fyri 150 árum síðan, standa framvegis niðri við sjóvarmálan, tó at nógv er broytt bæði innan-og uttanveggja øll hesi ár. Nógv verður gjørt burtur úr, at Norðdepli við sínum umleið 160 íbúgvum nú hevur 150 ár á baki, og tað er Hvannasunds kommuna, sum Norðdepli er partur av, ið saman við góðum kreftum skipar fyri. Hesin hátíðardagur fer ikki aftur við borðinum, uttan at nógv verður gjørt burturúr. Katrin Næs, borgarstjóri í Hvanna­ sunds kommunu, vísir á, at tá bygdin fylti 100 ár í 1966 var stórt tiltak, og nú bygdin hevur 150 ár á baki, ætlar kommunan, at dagurin skal gerast ógloymandi. Tá Vikublaðið vitjaði í Norðdepli í síðstu viku, vóru fólk í bygdini í holt við at prýða og fríðka. Í góðveðrinum henda dagin stóðu fólk og málaðu, og onkur var farin út um við grasklippara. Ein hópur av ymiskum tiltøkum verður á skánni í Norðdepli, bæði til børn og vaskin, og hesi fara vit neyvari at venda aftur til inni í serblaðnum í dag. Borgarstjórin sigur, at Zacharias Hammer hevur gjørt ein film á umleið hálvan tíma, sum lýsir søguna hjá bygdini hesi 150 árini, og eisini er ein bók á 224 síður skrivað um bygdina og fólkið. Tað er Snorri Brend, sum saman við familjuni býr á Viðareiði, ið hevur skrivað bókina. – Hóskvøldið 25. august verða filmur og bók løgd fram, og hetta verður so byrjanin til eitt viku­skifti, har mentan, ítróttur, fundir, fram­ førslur, fyrilestrar, framsýningar og felagsskapur verða í fokus. Katrin Næs sigur, at sjálvan há­ tíðar­dagin - sunnudagin 28. august – verður fólkafundur á torginum í Norð­depli, har ein minnissteinur eisini verður avdúkaður. Millum mongu tiltøkini, sum verða fyri­skipað í samband við hátíðarhaldið, verður eitt nú togtogan eftir byrgingini millum grannabygdirnar, Norðdepil og Hvannasund. Tiltakið ódnartak verður, har róð verður stuttan tein, og møgu­leiki verður eisini at spæla tey gomlu spølini, sum børnini í Norðdepli spældu í sínari tíð. Katrin Næs vísir á, at ein serstøk mat­stova verður í bygdini, har møgu­ leiki verður at keypa sær góðan mat úr sjónum, ið verður borðreiddur sum eitt sjálvtøkuborð. – Vit eru altíð blíð í kommununi, og fólk eru altíð vælkomin á gátt, men seinnapartin leygardagin verður eitt serligt tiltak, sum vit rópa »blíðskapur«. Tá eru fólk vælkomin at heilsa upp á og vitja heima hjá fólki í Norðdepli, sigur borgarstjórin í Hvannasunds kommunu. Hin 28. august í 1866 - ella fyri 150 árum síðan – reyk á fyrsta sinni úr ljóðaranum í fyrstu nýbygdu sethúsunum í Norðdepli