mánadagur 22. august 2016síða 36

VIKA 34 • 22. AUGUST 2016 12 ÓKEYPIS LÝSINGARBLAÐ TEMA Fýra hendingaríkir dagar í Norðdepli Skráin fyri hátíðarhaldið í Norðdepli byrjar hósdagin, 25. august og hildið verður fram til sunnukvøldið, 28. august Vilmund Jacobsen Hátíðarhaldið í Norðdepli, nú bygdin sunnudagin 28. august hevur 150 ár á baki, byrjar hósdagin, 25. august klokkan 17, tá lagt verður fyri við barnaspølum á torginum í Norðdepli. Frá klokkan 19 hóskvøldið fara tiltøkini fram í Skúlanum á Fossánesi, har lagt verður fyri við bókini hjá Snorra Brend - “Norðdepil 150 ár” og klokkan 20 við frumsýning av filminum hjá Zachariasi Hammer, “Norðdepil, heimstaður okkara”. Klokkan 19 letur myndaframsýning upp á Fossánesi, og her verður eisini kórsangur, røður og signering av bókini hjá Snorra Brend. FRÍGGJADAGUR Fríggjadagurin, 26. august, byrjar klokkan 13, tá Livar Nysted letur upp málningaframsýning á Sundsvegi 37 í Hvannasundi, og framsýningin verður opin til klokkan 20. Klokkan 15 verður gongutúrur við Pól Sundskarð, og her verður byrjað á Fossánesi. Tá komið verður aftur, fær gongufólkið ein bita. Filmurin hjá Zachariasi Hammer verður eisini vístur fríggjadagin á Fossánesi. Her verða fleiri sýningar í tímunum millum klokkan 16 og 20. Klokkan 16 lata Depilsgarður og motorsavnið í Gamla skúla - Universitetinum í Norðdepli – upp og verða opin til klokkan 20. Sama er við húsunum hjá Jóannesi fyri Handan, sum henda dagin fara at hava opið til klokkan 20. Gomul barnaspøl verða aftur á skránni á torginum í Norðdepli fríggjadagin klokkan 17. Helgi Jacobsen, sum hevur skrivað bókina »Hvalurin er mín«, fer at halda fyrilestur í Skúlanum á Fossánesi klokkan 19. Heitið á fyrilestrinum er »Peder Michelsen – Fyrsti hvalaskjúttin í Føroyum«. Seinast á skránni fríggjadagin verður filmurin hjá Zachariasi Hammer um Norðdepil. LEYGARDAGUR Leygardagurin, 27. august, byrjar við morgunmati, sum verður borðreiddur nærindis gomlu handilslonini, og her eru øll hjartaliga vælkomin. Á middegi leygardagin verður barnatiltak á torginum, og klokkan 13 letur listaframsýningin hjá Livari Nysted í Hvannasundi uppaftur. Klokkan 13 leygardagin fer Treysti at skipa fyri kapprenning, og klokkan 14 verður kappróður. Hetta eru ódnartøk, sum lokala róðrarfelagið í Hvannasunds kommunu - NHR - skipar fyri. Um 14-tíðina verður eisini togtogan eftir byrgingini. Seinnapartin leygardagin – frá klokkan 14-20 – verður mynda­framsýning í Skúlanum á Fossánesi, og tá verður eisini filmurin hjá Zachariasi Hammer vístur fleiri ferðir. Frá klokkan 14-20 verða Depilsgarður, motorsavnið í gamla skúla og húsini hjá Jóannesi fyri Handan opin. Seinnapartin leygardagin verður nógv á skánni í Norðdepli. Matstovan, sum hevur alt gott úr sjónum, verður opin nærindis gomlu handilslonini, og her fara hjúnini, Magni og Hannebeth Garðalíð, at bjóða fram alt gott úr sjónum. Klokkan 16 fer Eyð Matras at siga frá Ainu Ceder­blom, og henda frásøgn verður á torginum. Eitt forvitnisligt tiltak, sum eisini verður á skránni leygardagin, er tiltakið tey rópa »blíðskapur«, har høvi verður at støkka inn á gólvið og heilsa upp á fólk í Norðdepli. Finaludysturin um løgmanssteypið verður vístur á stór­skíggja í Skúlanum á Fossánesi klokkan 18, og klokkan 22 verður føroyskur dansur í arbeiðs­ manna­felagshúsinum. Klokkan 23 leygarkvøldið verður sangur og tónleikur á torginum, og á midnátt verður skotið fýrverk, har 150 ára dagurin hjá Norðdepli sum niðursetubygd verður skotin inn! SUNNUDAGUR Sunnudagurin verður meira friðarligur í Norð­ depli, tó at eisini henda dagin verða fleiri tiltøk á skránni. Lagt verður fyri klokkan 11 við breyðbróting í Hermon, og klokkan 12 verður familju­guds­ tænasta í Hvanna­sunds kirkju. Listin hjá Livari Nysted kann síggjast frá klokkan 13-20, og klokkan 14 verður fólka­ fundur á torginum í Norðdepli. Her verður kór­ sang­ur, røða, og minnis­steinurin yvir fyrstu niður­setu­fólkini verður avdúkaður. Myndaframsýningin og filmurin hjá Zachariasi Hammer halda fram í Skúlanum á Fossánesi klokkan 15-20, og í tímunum millum klokkan 15 og 20 verða Depilsgarður, motorsavn og húsini hjá Jóannesi fyri Handan opin Sunnudagin klokkan 15 verður innandura rógvi­kapping fyri børn í neystinum hjá NHR, og klokkan 16 fer Eyð Matras aftur at siga frá um Ainu Cederblom. Matstovan nærindis gomlu handilslonini verður opin sunnudagin frá klokkan 15-19, og sunnu­ dagurin endar við møti í Hermon, sum byrjar klokkan 18..