mánadagur 22. august 2016síða 48

VIKA 34 • 22. AUGUST 2016 24 ÓKEYPIS LÝSINGARBLAÐ TEMA Fuglafjørður Fuglafjørður - ein tilfeingisdepil Vilmund Jacobsen At Fuglafjørður telist millum størstu fiskivinnuhavnir í Føroyum, eru tølini fyri inn-og útflutning av fiski og fiskaúrdráttum hjá Fuglafjarðar havn fyri 2015 eitt prógv um. Rólant Poulsen, havnarmeistari, sig­ur, at í rundum tølum var inn-og út­flutningurin av fiski og ymiskum fiskaúrdráttum í fjør umleið 580.000 tons tilsamans. Tá er alt íroknað, bæði feskur og frystur fiskur, mjøl, lýsi og fóður. Havnarmeistarin vísir á, at størstu keyparar og framleiðarar av fiski og fiskaúrdráttum í Fuglafirði eru Havs­ brún við stívliga 200.000 tonsum og uppsjóvarvirkið Pelagos við út við 60.000 tonsum í 2015. Umframt fiskatilfeingið, keypti Havs­brún í fjør eisini umleið 16.000 tons av lýsi. Aftrat søluni av fóðuri til før­oysku alivinnuna, útflutti fyritøkan eisini nakað av fóðuri. - Vit høvdu eisini bunkringarnar á Fugla­firði í fjør á umleið 55.000 tons av olju tilsamans, sigur hann. Tríggjar funktiónir Rólant Poulsen sigur, at nú djúphavn­ in í Fuglafirði er longd við 60 metrum inn eftir frá Pelagos-bryggjuni, eigur kommunan tilsamans 240 metrar av samanhangandi djúphavn. - At bryggjan nú er longd, bøtir avgjørt um umstøðurnar. Nú kunnu vit klára tríggjar funktiónir í senn. Havnarmeistarin vísir á, at um skip­ ini ikki eru alt ov stór, ber til at bunkra, landa og avskipa við bryggju­kantin í senn. Havnarmeistarin vísir á, at um­ framt hesar 240 samanhangandi metr­ar­nar, eigur kommunan eisini bryggju innari á fjørðinum, ið hevur dýpi sum djúphavn. - Eitt av málunum við hesum sein­ astu 60 metrunum av bryggjukanti er, at Fuglafjørður skal fáa eina veruliga bingjuhavn, soleiðis at meira fiskur kann avskipast um bryggjukantin - og minni eftir vegnum í bygdini. Hann sigur, at tá upplandið við nýggja bryggjukantin er asfalterað, verða eisini arbeiðsumstøðurnar á bryggjuni munandi betri, og hetta fer eisini at koma Bergfrosti, sum eigur og rekur frystitunlar, til góðar. Makrelurin byrjar Havnarmeistarin sigur, at talið av skipum, sum hava brúkt Fuglafjarðar havn higartil í ár, liggur á umleið sama støði sum somu tíð í fjør. - Nú vænta vit, at føroyski makrelfiskiskapurin fer at taka seg upp aftur, og tá verður væntandi meira virksemi við bryggjukantin. Skipini eru farin út at leita eftir mak­ reli, og eg vænti, at tey fyrstu koma inn aftur heilt skjótt. Rólant Poulsen sigur, at ein ís­lend­ skur makrelbátur - Margret - hev­ur í seinastuni landað tvær lastir úr ís­ lendsk­um sjógvi til P/F Pelagos, og hes­in hevði umleið 900 tons hvønn túr­in. - At djúphavnin nú er longd við 60 metrum, bøtir avgjørt um umstøðurnar. Nú kunnu vit klára tríggjar funktiónir í senn, um skipini ikki eru alt ov stór, sigur havnarmeistarin, Rólant Højsted - Við útbyggingini av djúphavnini fáa vit eina bingjuhavn, soleiðis at meira fiskur kann avskipast um bryggjukantin - og minni fer eftir vegnum av bygdini, sigur havnarmeistarin, Rólant Højsted Mynd: Vilmund Jacobsen Tá skipavirksemið í Fuglafirði er størst, kann vera trongligt inni á fjørðinum. Nú djúphavnin er útbygd við 60 metrum, kunnu tríggjar funktiónir avgreiðast samstundis, um skipini ikki eru alt ov stór Mynd: Jóannes S. Hansen