týsdagur 23. august 2016síða 6

Mikudagur 24. august 2016 · Nr. 96 6 Sosialurin Hugskot og viðmerkingar – send sms til 225000 Árni Gregersen Fjarhitafelagið í Havn hevur gjørt landspolitikarunum greitt, at felagið heldur, at besta loysnin er, at Glasir-skúlin verður hitaður við fjarhita. Longu i 2014 gqav felagið eitt tilboð, sum fíggjarliga er rættuliga gott fyri skúlan. Landsverk hevur kent til tilboðið síðani tá og brúkt høvi at spara fýrrúm burtur úr byggingini av skúlanum í Marknagili. Men hóast tað, so er ongantíð endalig støða tikin til um Glasir skal hitast við fjarhita ella við jarðhita og hitapumpum. – Eg havi boðað frá, at nú skal endaliga støðan takst. Vit mugu vita í fyrstu viku av september, hvørja hitaloysn vit skulu gera. Fáa vit ikki svar nú, so fer tað at dýra og møguliga seinkað allari verkætlanini, sigur Evald Kjølbro, stjóri á Landsverk. Hesi boðini frá Landsverk hava gjørt málið heitt, bæði fíggjarligt og politiskt. Fjarhitafelagið í Havn hevur sent bræv til øll tingfólk um teirra tilboð og mándagin seinnapartin var felagið áf undi við fíggjarnevndini hjá Løgtinginum. Fjarhitafelagið ger vart við, at tað kann lata skúlanum fjarhita fyri ein bíligan penga og at íbindingin til fjarhitanetið í Havn ikki fer at kosta skúlanum nakað. Felagið hevur eisini greitt frá, hvørjar framtíðarætlanir felagið hevur og at íbinding í Glasir hevði verið eitt gott tiltak fyri samlaðu fjarhitaskipanina. – Sum er hava vit nóg mikið av orku, men fer hon at ganga undan, so hava vit ætlæanir saman við SEV, sum fer at gera at tað fer væl at bera til at forsýna skúlan við grønari orku, sigur Hans Christian Dam, stjóri í Fjarhitafelagnum. Hann sigur, at talan er um at gera tangar at goyma heitt vatn í og orkan at hita vatnið fer at koma frá vindmyllum hjá SEV. Tilboðið, sum Fjarhitafelagið hevur latið Glaisr, er, at hitin fæst fyri 0,62 krónur fyri kilowatttíman. Hetta er minni enn vanligi brúkarin rindar umframt at prísurin til vanliga brúkaran er tengdur at oljuprísinum. – Hetta er eitt serligt tilboð, sum er til ein stóran kunda, sum fer at gera tað lættri hjá okkum at røkka allan vegin út í Vesturbýin í Havn, sigur Hans Christian Dam, stjóri í Fjarhitafelagnum. Fjarhitafelagið hevur greitt landspolitikarunum frá, hví tey halda, at skúlin í Marknagili skal hitast við fjarhita NÚ ER TAÐ UPP TIL POLITIK­AR­AR­NAR AT VELJA GLASIR Jarðhitin er tann grønara loysnin Bogi Bech Jensen, rektari á Glasi, ivast ikki í at jarðhiti og hitapumpur eru grøna framtíðarloysnin Árni Gregersen Meðan politisk stríð er um, hvat slag av hita skal brúkast á nýggja mið­náms­skúlanum, Glasir, so ivast skúlastjórin ikki í, at jarðhiti og hitapumpur eru tann grønara loysnin. Hann heldur, at tann spurning­ urin, sum politiska skipanin skal taka støðu til, kann býtast í tveir partar: ein fíggjarliga og ein grønan spurning. – Jarðhitin og hitapumpur eru tann grønara fram­tíð­ar­loysnin sigur Bogi Bech Jensen, sum eisini er pro­fessari í orkuverkfrøði. Hann vísir á, at tá ið skúlin hevur størstu nýtsluna til hita um veturin, tá er tað mangan so, at mesti parturin av elorkuni hjá SEV kemur frá vatn- og vindorku. Tað vil siga, at tann skipanin fær mestu orkuna frá varandi orkukeldum – helst meira 80 prosent, leggur hann aftur­at. Við hitapumpum metir rektarin eisini, at tær um summarið kunnu brúkast til at køla skúlan, tá ið tað viðhvørt gerst ov heitt. Samstundis vísir hann á, at elverkið á Sundi fer at verða alt minni brúkt, so yvirskotsorkan haðani eisini er minkandi. Tí mugu aðrar íløgur gerast fyri at skúlin kann fáa nóg mikið av orku. – Jarðhitin saman við hita­pump­ um verður bíligari, serliga tá ið vit vita, at SEV fer at gera prísirnar ymiskar. So verður sparingin á leið 700.000 krónur um árið, sigur Bogi Bech Jensen.