týsdagur 23. august 2016síða 20

Mikudagur 24. august 2016 · Nr. 96 Sosialurin Hugskot og viðmerkingar – send sms til 225000 20 Á skránni verður eitt nú stór ókeypis konsert við nógvum kendum og dugnaligum nøvnum, og her verður ókeypis morgunmatur, smakkiroyndir og barnatiltak SEINSUMMARTILTAK Vilmund Jacobsen Tað hevur eydnast heima­ sandsfólki at leggja eina fjølbroytta skrá fyri tiltakið Seinsummardagur, sum verð­ur hildið á Sandi leyg­ ardagin komandi, 27. august. Hetta verður ein dagur, har nakað verður til allar ald­urs­ bólkar, og felags fyri flestu tiltøk er, at tey eru ókeypis. Lagt verður fyri leygar­ morgunin klokkan 10, tá borð­reitt verður við góðum morg­un­mati, sum er eitt ókeypis tiltak. Tá Sands kommuna við millumbilum bjóðar morgun­ mat, plagar nógv fólk at savn­ast. Hetta er altíð ein hug­na­ligur morgun, har bæði børn, foreldur, ommur og abbar plaga at vera við. Felags morgunmaturin er ein góð byrjan upp á dagin. Samstundis, sum morg­un­ maturin byrjar klokkan 10 og varar til middags, lata eisini ókeypis hoppiborgir upp, og hesar fara eisini at hava opið seinnapartin. Klokkan 13 leygardagin verður skjótikapping Úti í Støð, og klokkan 14 lata Lista­savnið og Bygdarsavnið í Koytu upp og verða opin til klokkan 16. Matur og drekka Á skránni fyri Seinsumm­ar­ dagin á Sandi verða ókeypis smakkiroyndir og søla av mati og drykkjuvørum. Klokkan 15 fer Sandoy Sea­food at bjóða ókeypis smakkiroyndir úr saltfiski, og her verður eingin minni enn Birgir Enni, skipari á Norð­lýsinum, kokkur. Um somu tíð fer eisini Før­oya Bjór at bjóða ókeypis smakkiroyndir. Seinnapartin leygardagin - frá klokkan 15-17 - verður ókeyp­is barnatiltak í tjald­ inum. Hetta er tiltakið “Ævin­týra­ferðin”, og tað verða Búi Egason Dam og Dánjal á Neystabø, sum fara at skipa fyri. Klokkan 15 byrjar eis­ini søla av mati og drykkju­ vørum, og frá klokkan 18- 22 fer Resturant 11 at grilla leski­ligar seinsummarbúffar. Stór ókeypis konsert Men, hetta er ikki alt, sum fer fram á Sandi sein­summ­ ardagin, leygardagin. Á skránni verður eisini nógvur tónleikur - og einki minni enn ein stór ókeypis konsert við fleiri góðum og kendum tónleikanøvnum. Konsertin verður í tjald­ inum á Ljósafløtti, og tað verður eingin minni enn Signar í Homrum, sum fer at leggja fyri klokkan 19. Tá Signar í Homrum hev­ur spælt og sungið í um­leið ein tíma, verður tað Húsaorkestrið við gest­ um, sum fer á pallin. Húsa­ orkestrið er mannað við Kristoffuri Mørkøre, Bjarna Lis­berg, Jóhan Ziskason og sand­inginum, Henningi Hjalt Nicodemussen. Gestirnir, sum fara at spæla og syngja á Sandi leyg­ arkvøldið, verða Nicolina & Eyðbjørn, Eyðun Nolsøe, Ólavur Højgaard, Danny & Páll Brim og Dynamit Hit við Niclasi Hera. Klokkan 21.45 fara Tinga­ nest á pallin, og sambært skránni verður ókeypis kon­ sertin liðug klokkan 22.30. Midnáttarsangur og dansur Tá stóra konsertin er liðug, verður felagssangur og mid­ náttarrøða í tjaldinum, og her verður hildið á í umleið hálvan annan tíma. Seinsummarkvøldið á Sandi endar við dansi í ung­ manna­fel­ags­hús­inum Virk­ inum, og her verður ikki helmað í fyrr enn umleið klokkan 04 sunnumorgun­in. Tað verður Ólavur á Váli Band, sum fara at spæla. Seinsummardagur á Sandi - og flestu tiltøk eru ókeypis Ókeypis morgunmatarborðið plagar at savna nógv fólk á Sandi Búi Egason Dam og Dánjal á Neystabø skipa fyri barnatiltakinum, “Ævintýraferðini”