mánadagur 29. august 2016síða 13

13 Mánadagur 6. januar 2014 · Nr. 2 Sosialurin Mánadagur 29. august 2016 · Nr. 98 Hugskot og viðmerkingar – send sms til 225000 NÆSTSKJÓTASTUR AV 3300 SVIMJARUM Føroyingar hava gjørt um seg á flatlondum um vikuskiftið – Óli Mortensen í svimjing og Tórur Mortensen í frælsum ítrótti. Her eru tey stuttsøgdu tíðindini, sum eisini gera eitt legg longri út í heim Pætur Albinus FÓTBÓLTUR Eftir fýra javnleikir og eitt tap bragdaði loksins hjá Fremad Amager, sum við Heina Vatnsdal og Bárði J. Hansen á liðnum í gjár vunnu heili 5-0 á heimavølli ímóti Skive. Sigurin munaði væl hjá føroyingafelagnum á Amager, sum nú hevur lyft seg upp á 6. plássið í næstbestu donsku deildini. Teir hava sjey stig. Hallur Hansson, sum í gjár gjørdist sigursharri í 1-0-sigrinum hjá AC Horsens ímóti OB, kann vænta sær at fáa tveir nýggjar lið­ felagar ein av komandi døgunum. Bo Henriksen, Horsens-venjari, váttar, at teir hava í hyggju at skriva undir við ein málmann og ein verjuleikara áðrenn flytingargluggin letur aftur í donskum fótbólti miku­kvøldið á midnátt. Oddabrakið í donsku Super­ liguni ímillum Brøndby og FCK, sum eisini verður kallað 'New Firm', varð spælt á Brøndby Stadion seinna­partin í gjár. Dysturin endaði við 1-1-javnleiki, eftir at Andrija Pavlovic hevði lagt gestirnar á odda í fyrra hálv­leiki, áðrenn Andrew Hjulsager javn­aði til 1-1 í seinna hálv­leiki. Tey bæði liðini fylgjast framvegis í odd­an­um, har tey hava 15 stig. Newcastle, sum nú er at finna í The Championship, hevur skrivað undir tvey ára sáttmála við áleyparan Daryl Murphy, sum kemur til úr Ipswich. 33 ára gamli írski landsliðsframherjin, sum eisini hevur umboðað eitt nú Sunderland og Celtic, skeyt fyrra árið heili 27 mál fyri Ipswich. Á einum felagsmøti miku­ dagin hevur svenska meistara­felagið, Malmö FF, ætlanir um at leggja fram eitt upp­skot um at tað skal vera bannað hjá svenskum feløgum at spæla á graslíki í fram­tíðini. Håkan Jeppsson, miðlamaður í felagnum, sigur við Aftonbladet, at tað er orsakað av vánaligu úrslit­ un­um hjá svenskum feløgum í Evropa seinnu árini, har teir sjálvir meta eina orsøk vera, at teir ikki eru vanir við at spæla á grasi longur. Donsku meistararnir úr FCK hava skrivað sáttmála við 24 ára gamla miðverjuleikaran, Jores Okore, sum er komin ókeypis úr Aston Villa, har hann skifti til fyri trimum árum síðani fyri nakrar og 30 milliónir krónur úr FC Nordsjælland. Sáttmálin er galdandi fram til 2020. Danski málverjin hjá Leicester, Kasper Schmeichel, mátti lata seg út­skifta í 2-1-sigrinum ímóti Swansea leygar­dagin. Greitt er nú, at hann má undir skurð fyri ein skaða í lær­krikan­um. Hann kann ikki venja næstu dagarnar, og er ógvuliga ivasamur til HM-undan­kappingar­ dystin hjá Danmark ímóti Armenia sunnudagin. West Ham hevur tryggjað sær italska EM-áleyparan, Simone Zaza, sum kemur til Premier League-felagið úr heim­lands­felagn­um Juventus. Talan er í fyrstu syftu um ein leigu­sátt­mála, men London-felagið hevur eftir hetta kappingarárið fyrsta rætt til at keypa 25 ára gamla áleyparan fyri 175 milliónir krónur. Gunnar Nielsen vardi málið hjá FH, og Kaj Leo í Bartalsstovu fekk seinastu 10 minuttirnar á vøllinum, tá oddaliðið vitjaði Víking á Ólafsfjørðinum og vann 2-0-sigur, sum merkir, at FH framvegis er greitt oddalið, sjey stig frammanfyri Breiðablik á øðrum plássi. Sonni Ragnar Nattestad spældi allan dystin í verjuni, tá lið hansara á útivølli megnaði javnleik 1-1 ímóti Fjølnir. Fylkir var annars leingi á sigurskós. Álvara Montejo legði Fylkir á odda, tá 55 minuttir vóru farnir, og hendan leiðslan helt sær næstan dystin út, men beint undan seinasta bríkslið javnaði Ingimundur Óskars­ son fyri Fjølnir. Fylkir er framvegis fýra stig undir niður­flytingar­strikuni. FORMIL 1 Tað gekk einki serligt hjá danska formil 1-koyraranum, Kevin Magnussen, tá ið kapp­koyring var í Belgia hetta vikuskiftið. Ungi danin mátti fara úr kappingini longu í sætta umfari, tá ið bilur hansara gjørdi eitt hopp, snúraði runt og endaði í bandanum. Hann mátti til kanningar á sjúkrahúsi eftir at hava fingið eitt slag í nakkan, men hann sigur sjálvur, at hann er klárur til næstu kapping. Tað var Nico Rosberg (Mercedes), sum vann kappkoyringina í Belgia. Á øðrum plássi var tað Daniel Ricciardo (Red Bull Racing), meðan Lewis Hamilton (Mercedes) bleiv nummar trý. Tað er framvegis Lewis Hamilton, sum er á odda í samlaðu kappingini. FR. ÍTRÓTTUR Tórur Mortensen gjørdist um vikuskiftið nummar tvey í trístøkk til DM, sum varð hildið á NRGi Park í Århus. Besta støkkið hjá Tóra var 15,10 metrar, sum var nýtt føroyskt met, men tó ikki nóg mikið at vinna á roynda dananum, Peder Nielsen, ið støkk longdina 15,36. Hetta var fyrstuferð, at Tórur kom yvir um 15 metrar, og við nýggju longdini er hann nummar 16 á listanum yvir bestu trístøkkarar nakrantíð í kongaríkinum. Eisini føroyski 100m-renn­ arin, Rúni Jacob­sen, var við til DM hetta viku­skiftið. Hann gjørdist nummar fýra í sínum riðli við tíðini 11,52 sekund, sum ikki var nóg mikið til at røkka finaluni. Hvirlan skrivar á heimasíðuni, at tað var fitt av mótvindi (2,1 m/s), so hann enn má bíða eftir at taka føroyska metið, sum øll vita hann kann taka. SÚKKLING Ársins síðsta Grand Tour, Vuelta a España, er í gongd. Á níggjunda teininum í gjár var tað púra óvæntað spanski David de la Cruz frá Etixx- Quick-Step, sum súkklaði frá hinum – ikki einans vann hann teinin, men hann fekk eisini ta reyðu troyggjuna sum prógv um at hann er á odda í samlaðu kappingini. Aftanfyri hann eru teir báðir liðfelagarnir í Movistar, Nairo Quinta og Alejandro Valverde. SVIMJING Óli Mortensen úr Havnar Svimjifelag, men sum júst er skiftur til Hovedstadens Svømmeklub í Danmark, framdi eitt satt bragd, tá ið hann í gjár luttók í hav­ svimji­kappingini Christians­ borg Rundt. Tveir kilometrar langa teinin svam hann við tíðini 22:38, sum var nokk til at vera næstskjótastur út av teimum umleið 3300 svimj­ arun­um. Vinnarin, Matej Kozubek úr Kekkia, hevði tíðina 22:20. Aðrir føroyingar luttóku eisini í Christiansborg Rundt. Sambært svimjing. com, so vóru hesir svimjarar Alvi Hjelm, Frans Johannesen, Jon Hestoy og Oluffa á Høvdanum. Alvi Hjelm, upprunaliga úr Ægir, er eisini skiftur til Hovedstadens Svømmeklub. Bæði hann og Óli eru fluttir til Danmarkar at lesa. ANNAÐ Írski limurin í olympisku nevndini, Pat Hickey, sum er hand­tikin og skuld­settur fyri umfatandi sølu av OL-atgongu­merkjum fyri yvirprís, noktar seg fram­ vegis sekan. Hann hevur noktað, at hann kennist við Kevin Mallon, sum er stjóri í fyritøkuni THG Sport, ið hevur selt atgongu­merkini. Brasilska løgreglan sigur nú, at hon hevur funnið drúgt teldupostsamskifti ímillum teir báðar. Hickey, sum í løtuni situr í Bangu- fongslinum í Rio, kann vænta sær upp til sjey ára fongsulsrevsing. STUTTSØGD TÍÐINDI