mánadagur 29. august 2016síða 23

23 Mánadagur 6. januar 2014 · Nr. 2 Sosialurin Mánadagur 29. august 2016 · Nr. 98 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen Nógv var at gleðast um aftaná finaluna í kappingini um løgmanssteypið, sum var spæld farna leygarkvøld. Vit høvdu eina metstóra áskoðarafjøld til ein dyst millum tvey føroysk lið. Heili 4.652 áskoðarar vóru til finaluna millum KÍ og Víking, og tey sóu eina minniliga finalu. Finalan var ikki minnilig orsaka av góðum og poleraðum fótbóltsspæli, men minnilig takkað verður dramatisku leikgongdini og endanum, og fremst av øllum minnilig, takkað verið ótrúligu áskoðarunum hjá KÍ og Víkingi. Sjáldan, fyri ikki at siga aldrin hevur ein uppliva ein so ótrúligan stemning til ein dyst millum tvey føroysk fótbóltslið. Dysturin um at verða bestur at stuðla sínum liði var bæði intensur, væl skipaður, og hartil stuttligur, og gav ein ótróligan róm á Tórsvølli. Vit eiga tí at fagna fjepparafelagnum hjá Víkingi, Ultras, og fjepparafelagnum hjá KÍ, Bláu Bylgjuni fyri at skapa tann besta rómin, sum upplivast kann her á landi. Hugflugið við bannarum var eisini ríkt, og bannararnir hjá báðum fjepparafeløgunum prýddu eisini væl kring allan leikvøllin. Hugflogið var eisini ríkt, tá tað kom til andlitsmáling, troyggir og annað. Stuttligt var eisini at síggja ljósabláu jólamennirnar hjá Víkingi, og at síggja KÍ-fjepparar, sum vóru ílætnir andlitini hjá KÍ-spælarum, venjarum, og enntá liðleiðarum. Ultras tyktist tó at verða eitt lítið sindur vanari við stóra høvið, nú tey í Eysturkommunu á fimta sinni á rað vóru til eina steypafinalu, og tað var ótrúliga konstant og væl skipað hjá Ultras. Tað vóru fleiri klaksvíkingar enn eysturbúgvar til finaluna, og tað vóru sanniliga nógvar og góðar løtar, har tey øll ressaðust, ikki minst tá tey tóku til íslendska huh-rópið. Fyri uttanveltaða áskoðaran blivu Ultras og Bláa Bylgjan ein ógvuliga stórur prosentpartur av samlaðu upplivingini á Tórsvølli farna leygarkvøld. Fólkini aftanfyri Ultras, og fólkini aftanfyri Bláu Bylgjuna eiga eina hjartans tøkk uppiborna fyri at skapa hendan ótrúliga stemningin. Ikki bara á sjálvum dystardegnum, men eisini tann stemningin, sum fjepparafeløgini hava skapt í sínum heimbýum og heimbygdum. Ultras vóru ótrúliga óførir at fáa øll í Eysturkommunu at gerast partur av stemninginúm við at koyra bygdirnar í Eysturkommunu í konvoj dagarnar undan finaluni um løgmanssteypið. Hjá Bláu Bylgjuni hava tey verið ótrúlig at finna uppá stuttligar stuðulssangir, sum hava rungað til dystirnar hjá KÍ tey seinastu mongu umførini. Eisini var tað ein flott sjón, at KÍ-fjepparar í stórum tali fóru gjøgnum miðbýin í Havn og niðan í Gundadal. Slíkt setur kulør á tilveruna. Nú er stemningsstafettin latin yvir til Skansan, sum skal syrgja fyri, at vit enn einaferð hava ein góðan stemning til ein landsdyst á Tórsvølli, tá vit spæla ímóti Ungarn, týskvøldið 6. september. Tá eru vit øll í parti. Takk Ultras og Bláa Bylgjan KLUMMAN Heri sigur sína hugsan... Tróndur Arge Hallur Hansson hevur í ár verið millum drúgvastu spælararnar hjá AC Horsens, men tað hevur ikki eydnast at umseta møguleikarnar til mál – fyrr enn nú. Tað fegnast landsliðsmiðvallarin um. – Jú tað er deiligt. Eg havi leitað eftir hasum málinum í nakrar dystir nú. Eg havi havt nakrar stórar møguleikar í hinum dystunum, so bæði viðspælarar og venjarar hava prikað til mín, men nú skuldi tað so verða. Vónandi tað fyrsta av nógvum, sigur Hallur Hansson, sum í næstum kemur til Føroyar at spæla landsdyst móti Ungarn. AC Horsens hevur nú vunnið tveir dystir upp í slag í superliguni. Tað hevur gjørt, at stemningurin er góður í felagnum. – Tað er einki at ivast í at stemmning­urin er góður, ser­liga aftaná at hava vunnið tveir teir síðstu dystirnar. Vit leggja nógvan dent á gott lag og samanhald, so tað koyrir væl. Persónliga gevur tað bara meira blóð upp á tonna, at tað gongur væl, sigur Hallur Hansson. Hann leggur ikki so nógv í, at hann var við til at vinna á júst Jóan Símuni Edmundsson. – Nei tað vil eg ikki siga. Tú vil sjálvandi vinna allar dystir, men um eg kundi valt, so hevði eg heldur tikið trý stig frá onkrum øðrum enn akkurát honum, sigur Hallur Hansson um at vinna á landsliðsliðfelagnum. Hann gleðir seg nógv til komandi uppgávuna á landsliðnum. – Landsdystir eru altíð hæddarpunkt, sum tú sær fram til hvørt ár. Eg gleði meg sum eitt smábarn. Leygarkvøldið sæt eg fyri einaferð skyld aftanfyri skermin og sá hvussu ein fullur Tórsvøllur sær út. Vónandi fer Tórsvøllur at síggja líka út til dyst móti Ungarn, sigur Hallur Hansson. TRONDUR@SOSIALURIN.FO Tað sigur Hallur Hansson, sum í gjár skoraði sítt fyrsta mál í superliguni, sum samstundis var sigursmálið, tá AC Horsens vann 1-0 á Jóan Símuni Edmundsson og OB. HAVI LEITAÐ EFTIR MÁLINUM