hósdagur 1. september 2016síða 12

12 SOSIALURIN 100 Eitt ár eftir valið – TELEFONIN HJÁ ALFRED RINGIR ALLATÍÐINA Eitt ár eftir valið: SAMRØÐA FRÍGGJADAGUR 2. SEPTEMBER 2016 SÓLVIT E. NOLSØ Á løgtingsvalinum 30. apríl 1998 var Alfred Olsen valdur inn á ting fyri fyrstu ferð. Hann bleiv valdur við 388 persónligum atkvøðum, har­av fleri enn 300 vórðu atkvøður av Toftum. Tí kundi av røttum sigast, at Toftir hevði valt ein ting­mann inn. Løgtingssessin slapp hann at hava í mong ár. Ikki fyrrenn 17 og eitt hálvt ár seinni fall hann við eitt val. Á valinum 01. september 2015 fekk Alfred Olsen 243 at­ kvøður og bleiv nummar átta á sam­bandslistanum, men flokkurin fekk bert seks tinglimir valdar og tískil fall Alfred Olsen. Tíðliga ábendigar um eitt ringt val Á valkvøldinum 01. september í fjør, gjørdist skjótt greitt, at Sam­ bands­flokkurin fór ikki at fáa eitt gott val. Tá úrslitið so fyrilá gjørdist greitt, at bert Bárður Niel­sen bleiv afturvaldur av ting­ manning floksins. Kaj Leo Holm Johannesen og Bjørn Kalsø vórðu eisini valdir, men teir høvdu sitið sum landsstýrismenn farna val­ skeið. Tá eg sá ábendingina, at eg ikki fór at blíva afturvaldur, gjørdi eg tað upp við mær sjálvum beina­ vegin. Nú var tíðin hjá mær í Løgtinginum yvirstaðin. Morg­unin eftir fór eg suður til Havnar og inn í Løgtingið. Eg takkaði starvs­ fólkunum fyri eitt gott sam­starv, lat lykilin frá mær og fór. Eg havi so ikki verið í Løgtinginum síð­ ani, sigur Alfred Olsen eitt sind­ur sorgblítt. Alfred Olsen hevur ikki gjørt sær heilt greitt hví Sambandsflokk­ urin fekk eitt somikið ringt val, har næstan øll manningin bleiv skift út. Hann metir, at ein partur av frágreiðingini skal finnast í, at veljarin vildi hava okkurt øðrvís­ið enn tað, sum Sambandsflokkur­in tá var. Kaj Leo plagdi at siga tað, at mann bleiv troyttur av sita leingi í samgongu og vit høvdu tá sitið síðan 2004 og úti í eitt fram til 2015. Fyri meg kann eg siga, at eg dugi ikki at finna ørsøkina og eg tími ikki at brúka orku uppá hví vit ikki kláraðu tað og hvør tað var, sum gjørdi tað. Úrslitið var har, sum vísti at mann ikki bleiv afturvaldur og so er bara at koma víðari, sigur Alfred Olsen Vinnan, kommunalt sjálvræði og samband Sigast kann, at Alfred er uppvaks­ in í einum politiskum heim. Páp­in Jens Chr. Olsen og eldri bróður­in, Jógvan Ingvard Olsen, høvdu báð­ ir verið tingmenn. Jógvan Ingvard velur ikki at stilla upp aftur í 1998 og tá bleiv heitt á yngra bróðurin um at traðka í hansara stað. Eg hevði ikki droymt um nak­ að politiskt áðrenn. Eg arbeiddi sum skrivari í Nes Kommunu og valdi tað framum politikki, men tá áheitanin kom um at stilla upp so tók eg av, eftir at hava samrátt tað við familjuna. Fyrstu ferð Alfred stillaðu upp var tað fyrst og fremst fyri at arbeiða fyri vinnuligum kørmum og fyri at varðveita kommunalt sjálvræði. Alfred Olsen heldur, at tað almenna hevur ov ofta góð­an hug at meta kommunu ov lágt. Í veruleikanum klára kommunur við nærdemokratiið at loysa nógv­ ar uppgávur betur enn land­ið, sigur Alfred Olsen. Umframt tað var tað sjálvandi eisini tað sambandska, sum eg raðfesti høgt. Tað eri eg í veru­leik­ anum blivin meira sannførdur, um at samband er tað frægast. Vit eiga at raðfesta samstarv og samband við Danmark og Grønland nógv hægri. Hevði ynskt at fiskivinnu­ nýskipanin bleiv avgreidd Spurdur um hann heldur, at hann fekk tað burturúr sínum polit­iska yrki, sum hann upprunaliga vildi sigur Alfred Olsen, at hann fekk tað burturúr, sum var møguligt. Í politikki fær tú ongantíð tað, sum tú sjálvur vil. Alt verður framt við samstarvi, sigur Alfred Olsen. Sein­asta val var eitt signal til mín um, at mín tíð sum politikkari er farin