hósdagur 1. september 2016síða 28

FRÍGGJADAGUR 2. SEPTEMBER 2016 SOSIALURIN 100 28 ÍTRÓTTUR TRÓNDUR ARGE Talan var um sannan klassikara, tá HB og KÍ spældu í 20. umfari tann 14. august í ár. KÍ á fyrsta plássi og HB á fjórða plássi. Gundadalur var stúgvandi fullur og áskoðararnar fingu fullan valuta fyri pengarnar. Hendingaríkt, spennandi og ikki minst eitt avgerandi fríspark frá Súni Olsen, sum sendi enn eina áminning til fótbóltsføroyar um, at KÍ er á veg aftur í oddinum. Í seinna hálvleiki fór ein hending fram, sum ongin av teimum fýra dómarunum sá. Áfast bleiv millum Ára Mohr Olsen úr HB og Mayowa Alli úr KÍ. Endin var at fyrrnevndi lá eftir á, men av tí at ongin sá støðuna, so hendi ikki meir. Eigur Alli-reytt kort her Á In.fo kemur sjónbandabrot fram, sum vísir hendingina. Tað sæst beinanvegin, at hendingin fær fótbóltsføroyar at kjakast. Slær Mayowa Alli HB’aran, so er talan um beinleiðis reytt, ella yvirspælir Ari Mohr Olsen støðuna, tá KÍ verjuspælarin skumpar hann í ryggin, eru millum argumentini í kjakinum millum fjepparar og áskoðarar. Í ringasta føri fyri KÍ var talan um reytt kort og brotsspark til HB, meðan tað í besta føri fyri KÍ var ein skump í ryggin. Kappingarnevndin tekur málið upp Fýra dagar eftir hendingin, hósdagin 18. august, boðar Róin Schrøter, formaðurin í kappingarnevndini frá, at málið verður tikið upp. Drúgva umrøðan í miðlunum er ein av orsøkunum, at kapp­ ingarnevndin hyggur nærri at málinum. Eg kann siga so mikið sum, at eg skal heim við Smyrli klokkan 21 í kvøld, og tá er ein avgerð helst tikin í málinum, sigur Róin Schrøter við In.fo tann dagin. Tað gongur tó ikki so skjótt at avgreiða málið, tí hóskvøldið er ongin avgerð tikin í málinum. FSF tekur avgerð Fríggjadagin 19. august tekur kappingarnevndin eina avgerð. Mayowa Alli fær einki leikbann. Í skrivi á heimasíðuni hjá FSF verður skrivað, at orsøkin til at málið ikki verður tikið upp er, at talan ikki er um tað, sum á fótbóltsmálið verður kalla grovur harðskapur. Í Fótbóltspanelinum, sum er fótbóltssending á Rás2, sigur Róni Schrøter, at dómaraserfrøðingurin, ið kappingarnevndin hevur ráðført seg hjá,sigur at talan er um eina hending, ið er til millum gult og reytt kort. Somuleiðis verður dentur lagd­ur á, at tað eru ov nógv iva­mál í hendingini, ið ger at kappingarnevndin ikki velur at revsa Mayowa Alli, sum tí kann spæla í steypafinaluni. Eftirspælið Í døgunum eftir avgerðina er aftur dúgligt kjak. Fleiri dómarar finnast at avgerðini, men vilja ikki leggja navn til. Murran er, at talan er um greitt reytt kort. Sosialurin spyr um innlit í viðgerðina og hvør dómara­ser­ frøðingurin, tá tað er stór ónøgd við niðurstøðuna hjá honum, men fótbóltssambandið noktar. Ongin føroyskur dómari við gera TRÓNDUR ARGE - Treytin fyri at brúka sjón­banda­ upptøkur og døma ein spælara eftirfylgjandi er, at gerðin verður bólkað undir grovan harð­skap, ið gevur minst fýra dystir. Tað var ikki tilfeldið í hesi hendingini, og tí verður Mayowa Alli ikki revsaður við leikbanni. Tað er í tráð við tað, sum vit boðaðu frá undan hesum kappingarárinum, sigur Róin Schrøter, sum er formaðurin í kappingarnevndini hjá Fótbóltssambandinum. Tað finst ongin almenn út­ melding, men tað er lagt fram á eftirmetingarfundi undan hesum kappingarárinum, sigur varaforsetin í Fótbóltssambandinum. Hann sigur eisini at kappingar­ nevndin altíð arbeiðir við at menna mannagongdirnar, og tí lurtar hann fegin eftir kritikkinum í hesum málinum. Kunnu taka upp uttan at revsa Róin Schrøter er maðurin, sum er endaður mitt í Alli-málinum. Hvalbingurin er varaforsetið og formaður í kappingarnevndini. Hann bleiv valdur sum formaður í kappingarnevndini eftir Jákup Martin Joensen. Undanfarna kappingarnevnd valdi at siga, at sjónbandabrot ikki kundu brúkast at revsa eftir. Nýggja kappingarnevndin hevur innanhýsis á eftirmetingarfundi boðað frá, at sjónbandabrot í serligum føri kunnu nýtast. - Tað er púra rætt, at kappingar­ nevndin tók hetta málið upp av sínum eintingum, men tað merkir ikki at tað endar við revsing, sigur Róin Schrøter. - Alt er farið fram eftir bókini, og vit eru komnir ásamt um, at talan ikki er um grovan harðskap í hesum førinum. Tí verður málið ikki koyrt víðari. Vit mugu arbeiða eftir tí, sum vit hava meldað út, sigur formaðurin Róin Schrøter: ALLI-MÁLIÐ IKKI GROVUR Ein hending í dystinum millum HB og KÍ í landskappingini, sum dómarin ikki sá, hevur elvt til drúgt kjak. Samsvar er ikki millum dómaraserfrøðingin hjá kappingarnevndini og altjóða dómaraserfrøðing. Kappingarnevndin er nøgd við mannagongdirnar í málinum, men letur upp fyri at broyta tær í framtíðini Tað sigur Róin Schrøter, formaður í kappingarnevndini. Tó verður hugt eftir mannagongdunum til komandi kappingarár - VIT HAVA GJØRT