mánadagur 5. september 2016síða 20

Jóannes Hansen KÍ kvinnurnar vóru ovur­ fegnar, tá ið Rani A. Skaalum bríkslaði fyri seinastu ferð á Tórs­vølli leygarkvøldið. Mál­talvan vísti 2-3, og harvið hevði KÍ tryggjað sær sigurin í sjeyndu steypafinaluni á rað. Hetta var vorðið sum viku­skifti fyri kvinnu­fót­ bóltin í Klaksvík. Fríggja­ kvøldið vunnu U-17 kvinnur­ nar steypa­finaluna á B36. Beinanvegin eftir síðsta bríksl leygar­kvøldið boðaði sprelski og ítróttar­áhugaði borgar­stjórin, Jógvan Sko­ rheim, frá, at tað fór at vera mót­tøka fyri kvinnuligu steypa­vinn­ar­un­um í KÍ høllini seinni leygar­kvøldið. Eina viku frammanundan var mans­liðið hjá felagnum fagnað fyri sín finalusigur í steypa­kappingini, og nú vóru tað tvey kvinnulið, sum vórðu fagnað. Tey hava nógv at fegnast um í Klaksvík, men KÍ kvinnur­nar hava longu snarað sær burtur frá sigrinum í steypa­kapp­ ingini. Nú ræður tað um hart arbeiði. Setningurin er at endur­vinna FM heitið og harvið at syrgja fyri, at talan verður um sjeyndu greip­ una á rað, og at heims­metið í meistara­heitum verður seytjan! Ein av teimum, sum hevur verið við til at vunnið alt gullið og skreytið, er Rannvá B. Andreasen. Hon varð kosin at vera besti spælari í finaluni, og tað var ikki óvæntað. Hon legði upp til tvey mál, og hon var framúr væl uppløgd og rann og tuskaði alla tíðina. – Vit fegnast um sigurin. Tað hevur einki at siga, at vit hava vunnið nógvar sigrar framman­undan. Tað er sigurin í dag, sum telur og einki annað. Miku­dagin skulu vit spæla aftur, og tá hevur sigurin í steypa­ kappingini einki at siga, staðfesti Rannvá B. Andrea­ sen eftir dystarlok. At hon sipar til miku­ dagin kemst av, at tá er seks­tanda umfar í lands­ kappingini á skránni. Tá skal KÍ aftur í Gunda­dal, og av­bjóðing­in verður stór. B36, sum hevur vunnið fimm tær seinastu ferðirnar, og sum fyri fáum døgum síðani vann 2-0 á útivølli ímóti EBS/ Skála, tekur ímóti. Fínt undirhald Finalan leygarkvøldið var fín reklama fyri kvinnu­fót­ bóltin. Hóast KÍ var leikliga oman á so at siga alla tíðina, so var málmunurin størsta partin av tíðini lítil og eingin. At Olga Kristina Hansen og Ása Klakstein Thomsen vóru komnar heim úr Dan­ mark bar við sær, at saknurin í leik­bannaðu Mariu K. Thomsen var ikki so stórur, sum tað kundi roknast við. Tær bláu høvdu nógvar streingir at spæla uppá, og tær spældu seg í fleiri góðar støður. Serliga eftir steðgin vóru tær grammari og vunnu flestu nærdystirnar. HB stríddist fyri møgu­ leik­an­um. Teirra vápn var Milja R. Simonsen, sum var einsa­møll í fremstu røð. Royndu KÍ mið­verjar­nir Bára S. Klak­stein og Ragna Patawary høvdu HB skjóta álops­spæl­aran í stutt­um tjóðri, men tvær ferðir megnaði hon at skora. Fyrra ferðin var tveir minuttir undan steðginum, tá ið hon sneiddi framvið fleiri, áðrenn hon úr høgru sendi bóltin í handara síðunetið, og so var 1-1. Seinna ferðin var fram ímóti dystarenda, tá ið hon rann frá verjuni og í tveimum førum slapp framvið málverjanum og síðani trillaði bóltin í tóma málið. So var 3-2 til KÍ, sum tó megnaði at halda tørn. – Olga Kristina og Ása gjørdu stóran mun. Vit høvdu roknað við, at tær fóru at koma heim úr Dan­ mark at hjálpa til. Vit mugu eisini ásanna, at KÍ var betri enn okkara lið. Ein av mun­ un­um er, at vit hava fleiri óroynd­ar spælarar, og at vit ikki eru so saman­spældar, tí vit hava so ofta skift fólk, var viðmerkingin hjá HB mið­verjanum og lið­for­ mannin­um Liljuni av Fløtum Petersen. Rannvá sera eyðsýnd Undan steðginum vóru mál­ møgu­leikarnir ikki so nógvir. KÍ vann úrtøku burtur úr tí størsta, tá ið Rannvá B. Andreasen breyt ígjøgnum í vinstru og smekkaði flatt inn fyri málið, har Evy á Lakjuni rann fram um verjuna og sendi bóltin upp í nettakið. Fríggjakvøldið var Evy á Lakjuni ein av eyðsýndastu spæl­ar­un­um, tá ið KÍ vann U-17 finaluna, og leygar­ kvøldið var hon aftur væl uppløgd. Stutt eftir steðgin legði KÍ seg framum 2-1. Vong­ verjin í vinstru, Katrina Akurs­mørk, smekkaði flatt inn­fyri, Hervør Olsen fekk tak á, snaraði um seg sjálva og sendi bóltin upp í net­ takið. Gott lag í KÍ leguni, og málskjúttin kyndi undir undirhaldið við fleiri ferðir at gera flikk flakk! – Tað er gott at hava Evy og Hervør frammi í álop­in­ um. Tær flyta seg nógv, og tað ber við sær, at tað verður lættari at spæla tær leysar, sigur Rannvá B. Andreasen. Liljan Jacobsen loysti mið­skeið­is í seinna hálv­leiki Evy á Lakjuni av, og fimm minuttir seinni økti hon til 3-1. Enn einaferð var tað Rannvá B. Andreasen, sum átti frí­spælingina, ið var sera hegni­slig. Olga Kristina Hansen var ovur­fegin um, at hon enn eina­ferð hevði verið við til at vinna steyp og skreyt til Klaks­víkar: – Hetta var alt hjá mær í ár. Eg var við í Europa Cup, og tá ið tær heittu á meg um at koma heim at spæla finalu, so var eg fegin um tað. Eg lesi niðri, og nú eg fari niður aftur, verður spæli­loyvið flutt til Danmarkar, og tað ber við sær, at eg verði ikki við í av­gerandi dystunum um FM heitið. Malena Josephsen hevur í nógv ár verið lið­for­maður og ein av stuðlun­um á KÍ liðnum. Leygar­kvøld­ið var hon á beink­in­um inn­ til tað restaði ein lítil løta. KÍ kvinnurnar hava snarað fokus frá sjeynda finalusigrinum á rað í steypakappingini og ímóti avbjóðingini, sum nú er at tryggja sær sjeyndu greipuna á rað NÚ SNÝR TAÐ SEG GREIPUNA Á RAÐ HB VEGURIN Í FINALUNA Fyrra hálvfinala 22. mai HB-ÍF/Víkingur 2-0 (1-0) 1-0: Lív Arge 29. 2-0: Milja Simonsen 56. Seinna hálvfinala 16. juni ÍF/Víkingur-HB 0-2 (0-1) 0-1: sjálvmál 40. 0-2: Milja Simonsen 87. KÍ VEGURIN Í FINALUNA Innleiðandi Fyrsta mai Giza Hoyvík-KÍ 0-16 (0-8) 0-1: Liljan Jacobsen 10. 0-2: Hervør Olsen 16. 0-3: Rannvá B. Andreasen 19. 0-4: Maria K. Thomsen 26. 0-5: Hervør Olsen 27. 0-6: Hervør Olsen 29. 0-7: Hervør Olsen 33. 0-8: Evy á Lakjuni 35. 0-9: Maria K. Thomsen 57. 0-10: Rannvá B. Andreasen 62. 0-11: Malena Josephsen 80. 0-12: Liljan Jacobsen 84. 0-13: Evy á Lakjuni 85. 0-14: Erla Christiansen 90. 0-15: sjálvmál 91. 0-16: Maria K. Thomsen 92. Fyrra hálvfinala 22. mai KÍ-EBS/Skála 0-1 (0-0) 0-1: Birna Johannesen 87. Seinna hálvfinala 16. juni EBS/Skála-KÍ 1-2 (1-1) 1-0: Rúna Joensen 20. 1-1: Eyðvør Klakstein 45. 1-2: Gudny Johannesen 67. Mánadagur 5. september 2016 · Nr. 101 20 Sosialurin Hugskot og viðmerkingar – send sms til 225000 FÓTBÓLTUR