mánadagur 12. september 2016síða 10

Mánadagur 12. september 2016 · Nr. 104 10 Sosialurin Hugskot og viðmerkingar – send sms til 225000 Góða omma, nú er tað eitt hálvt ár síðan tú fór frá okkum og tað er enn ringt at skilja. Eg hugsi ofta um teg og alt tú hevur givið mær og okkum, tú var so klók omma og so smekkfull av kærleika til øll. Eg hugsaði um, ein dagin eg legði lak á songina, at tú lærdi meg bæði væl og virðiliga, hvussu man gjørdi, so tað bleiv pent og ongar rukkur vóru nakrastaðni, og eg prøvaði umaftur og umaftur til tað bleiv ordiliga perfekt. Hetta var í 1987, tá eg og Sóleyð vóru við tær og abba í Assens umborð á Heldarstindi. Tað var ein so deiligur og stuttligur túrur, sum eg ongantíð gloymi. Grand Prix konsert hjá mær og Sóleyð á dekkinum, túrarnir vit gjørdu, kanska serliga tann niðan til bakaran, har vit keyptu kaku og tú ansaði so væl eftir okkum og kakuni, tá vit skuldu yvir um vegin, at kakan endaði í fanginum hjá einum súkklara. Hesum hava vit flent so nógv eftir síðan. Eg sakni tín látur, omma. Á ólavssøku, tá eg læt meg í tey føroysku klæðini, helt eg meg lukta teg. Eg hopi at tað minni fer at hanga við, at eg lukti teg, tá eg lati meg í tey. Tú hevur altíð latið meg í føroysk klæðir, síðan eg fekk tey frá tær og abba, tá eg var 16 ár, men eg havi funnið útav, at eg dugi sjálv. Tú var so dugnalig í hondunum, haldi tú dugdi alt, man kundi altíð spyrja teg um tað var okkurt man ivaðist í og tú segði ongantíð nakran­tíð nei til at hjálpa. Vit hava so nógv og góð kerlig minnir frá barndóminum og tá vit blivu vaksin. Heimið og tínir armar vóru altíð opnir, ketilin bleiv kókaður til hvíttdrekka og kaka ella breyð við sjokolatapálegg bleiv sett á borðið og so fekk mann altíð eitt gott prát. Hetta minni hava børnini hjá mær tíbetur eisini fingið. Seinastu ferðina eg tosaði við teg var tveir dagar áðrenn tú doyði, vit tosaðu og flentu eina góða løtu, tað eri eg glað fyri. Eg fari altíð at minnast teg fyri tín óbegrensaða kærleika og títt deiliga glaða lyndi og altíð tað tú kallaði okkum øll »evalsignaða«. Hvíl í friði góða omma Miriam Minningarorð um ommu mína NØVN 50 ára føðingardagur Fríggjakvøldið 16. september haldi eg mín føðingardag í starvs­manna­felagnum, J. H. Schrøtersgøta 9, Tórshavn. Øll, familja, vinir og kenningar eru hjartaliga vælkomin. Opið hús verður frá kl.19.00 og úteftir. Tey, ið ynskja at feiðra dagin saman við okkum, eru vælkomin at siga frá innan mikukvøldið 14. september á tlf. 583388 ella solfrid12@hotmail.com Sólfríð Højgaard 80 ára føðingardagur Fríggjadagin 23. sept. fyllir Rannvá Samuelsen Vágur 80 ár. Dagurin verður hildin á Hamragarði frá kl. 16.00. Øll eru hjartaliga vælkomin 90 ára føðingardagur Mánadagin 12. september, verð­ ur Maria Jacobsen á Sýnuni, Glyvrar, 90 ár. Dagurin verður hildin heima frá kl. 17.00 Øll eru vælkomin 70 ára føðingardagur Nú eg fari at runda tey 70 árini, hevði tað glett meg, at sæð familju, vinir og kenningar til ein betri bita í VB húsinum leygardagin 01. oktober frá kl. 14.00. Øll eru hjartaliga vælkomin. Um tit ynskja at vera við, hevði verið gott um tit søgdu okkum frá innan leygardagin 24. september á tlf. 573660 ella 272669. Heilsan Hilmar 2 x 70 ára føðingardagur 15. oktobur halda Simona Vágsá og Páll Gunn­hardar Poulsen Klaksvík 70 ára føðingar­dag Tað hevði glett okkum um tit, vilja halda føðingar­dagin saman við okkum í Skálanum frá kl 19 Sig frá á 226804 ella 228466 innan 5. oktobur Elskaða Barbara (Dóttir og systir.) Hjartaliga tillukku við 31 ára degnum í dag 12. sept. Vit ynskja tær ein góðan og deiligan dag við massar av kærleika og gleði. Vit leingjast so illa eftir tær og vón­ andi hevur tú tað gott. Herfrá senda vit eitt stórt HUUURRA! Muss & klemm Mamma, Babba og Sigmundur Andlát Maria Jacobsen, í Sundinum Kollafjørður, vanliga nevnd Mia, andaðist á landsjúkrahúsinum leygardagin 10. septembur, 79 ára gomul. Esther Knudsen, fødd Eidesgaard, ættað av Eiði, búsitandi á Glyvrum, andaðist á Landssjúkrahúsinum fríggjakvøldið 9. september 93 ára gomul. Elisabeth Matras, Klaksvík, ættað úr Haraldssundi, andaðist á Klaksvíkar Sjúkrahúsi hósdagin 8. september, 86 ára gomul. Andreas Danielsen, ættaður úr Syðradali í Streymoynni, búsitandi í Runavík andaðist á Landssjúkrahúsinum mikudagin 7. september, 80 ára gamal. Mina Knudsen, Saltangará andaðist 8. september á Eysturoyar Røktar- og Ellisheimi, 94 ára gomul. Peter Jacob Poulsen, ættaður av Leiti, andaðist á Suðuroyar Sjúkrahúsi mikukvøldið 7. september, 73 ara gamal. Lizzy Rosendahl, fødd Jensen, ættað úr Vági, búsitandi í Brønshøj andaðist 7. september, 85 ára gomul. Celinda Andreasen, búsitandi í Aalborg, ættað úr Klaksvík, andaðist týsdagin 6. september, 78 ára gomul. Óli Finnsson, búsitandi á Glyvrum, andaðist á Landssjúkrahúsinum 3. september, 86 ára gamal. 85 ára føðingardagur Sunnudagin 18 september verður Poul Jóhannes Poulsen, Ljósá 85 ár. Dagurin verður hildin saman við teimum nærmastu.