mánadagur 12. september 2016síða 28

VIKA 37 • 12. SEPTEMBER 2016 4 MIÐLAHÚSIÐ ÓKEYPIS LÝSINGARBLAÐ Danjal av Rana S íðani 2003 hava Regin og Heidi Guttesen við familju búð í Italia, har tey arbeiða sum samkomukveikjarar. Fyrstu trý árini búðu tey í Napoli og lærdu seg málið, men síðani hava tey búð í lands­luti­ num Molise, sum liggur í suður-Italia, nærindis Napoli. Regin Guttesen sigur, at í sam­ komu­arbeiðinum fáast tey nógv við tónleik og sosialt ar­beiði. Mill­um annað undirvísa tey bygda­fólki í ensk­ um. Seinastu árini hev­ur flótta­fólka­ krepp­an í Sýra og Norður­afrika tó fylt nógv í gerandis­degnum. - Leysliga mett eru eini 200 flótta­ fólk komin til hetta økið, sum vit virka í. Talan er um 10 smáar bygdir, hvør teirra á stødd við Fuglafjørð, so flótta­fólkini síggjast skjótt aftur á gøtu­num. Eg vil meta, at um helvtin av flóttafólkunum eru úr miðeystri og norðurafrika, meðan hin helvtin er frá Afrika sunnan fyri Sahara, greiðir hann frá. Yvir 100.000 flóttafólk eru komin til Italia úr norðurafrika í ár. Síðani borgara­kríggið í Sýria brast á í 2014 eru 400.000 flóttafólk komin til Italia. Tey vera slúsað út til øll øki í landi­num, eisini smærru bygdirnar, greið­ir Regin Guttesen frá. - Vit nýta nógva tíð at hjálpa teim­ um við integrering. Vit royna at læra tey málið og at hjálpa teimum við frí­ tíðar­ítrivi. Nøkur teirra eru heilt illa fyri og hava tørv á mati og klæðum. Upp­gávurnar eru nógvar og krevja nógv, sigur Regin Guttesen. Her í Føroyum kenna vit best Regin Guttesen sum tónleikara, og hann hevur ikki lagt tónleikin heilt frá sær. Hann spælir við lokalum bólkum og ferðast nakað runt í Italia við tón­ leiki­num. Nú eru skjótt sjey ár síðani, at Reg­in Guttesen seinast lat eina fløgu úr hondum í Føroyum, men sein­ni í ár kemur ein nýggj útgáva á mark­ nað­in. Vanliga fæst hann við lætt­an rytmiskan tónleik, men fløgan Mo­ mento, sum verður útgivin 2. no­vem­ bur, skilir seg burtur frá hinum. Hon er nevniliga fyri tað mesta ein instru­ mental útgáva. - Hóast eg vanliga fáist við lættan rytmisk­an tónleik, so havi eg altíð fing­ist við at spæla klaverstykkir. Eg lurti nógv eftir instrumentalum tón­ leiki. Alt frá jazzi til klassiskt, hóast eg hvørki eri jazz ella klassiskur tón­ leikari. Útgávan eitur “Momento”, sum merk­ir “løta” ella “eygablik”. Tey 14 løgini, sum verða á fløguni, eru ein sam­ling av løgum, sum eru gjørd í teim­um stillu løtunum tey seinastu 20 árini, sigur hann. Regin Guttesen gjørdist lands­ kend­ur sum tónleikari, tá hann í 1992 gjørdi útgávuna Ein Glotti Fyri Framman saman við M. C. Restorff. Hend­an fløgan og kanska serliga sang­urin við sama heiti, vóru nógv spæld í útvarpinum komandi árini. Í 1997 kom Writing You a Song, í 2001 kom Xenos og í 2009 kom Fjakkari og í 2012 italska fløgan Straniero. Momento verður sostatt sætta út­ gáva hansara. Eins og vanligt hevur Regin Gutte­ sen fingið dugnaligar tónleikarar aftur at sær, men á hesi fløguni fær hann eisini hjálp frá makedónska sym­foni­ orkestri­num. - Tað er ein gamal dreymur at spæla hesi løgini saman við ein­ um sym­foni­orkestri. Men tað er ikki bara at siga tað, at fáa eitt heilt symfoniorkestur við á eina fløgu. Mát­ in, ið makedónska symfoni­orkestrið arbeiðir, ger tað meira atkomiligt, sig­ ur Regin Guttesen. Umframt orkestr­ ið, eru tað eisini føroyskir og ameri­ kansk­ir tónleikarar og sangarar við á Mo­mento. Upptøkurnar eru gjørdar í Italia, Makedónia, Amerika og í Før­ oyum. - Í løtuni verður seinasta hond løgd á tónleikin. Vit sita júst nú í Keypmannahavn og ljóðblanda út­ gávuna. Tað er vinmaðurin Óli Poul­ sen sum ljóðblandar, sigur Regin Guttesen. Fløgan kemur út í Føroyum tann 2. novembur, og verður eisini at fáa á iTunes. Stillu løturnar fangaðar á fløgu Regin Guttesen skiftir stíl, tá hann í vetur sleppur instrumentalu útgávuni Memento