mánadagur 12. september 2016síða 36

VIKA 37 • 12. SEPTEMBER 2016 ÓKEYPIS LÝSINGARBLAÐ Nes Kommuna 12 TEMA Seinastu tíðina hevur hann rokast við at fáa grundstykkini klár, soleiðis at tey kunnu asfalterast í næstum. Og talan er um eitt arbeiði, ið hann kennir væl. Eyðfinn Johannesen hevur nevniliga arbeitt við maskinum alt sítt lív. – Eg byrjaði, tá eg var 18 ára gamal og eri 52 ára gamal í dag. So eg havi verið í gongd í góð tretivu ár. Eg byrjaði fyrst við maskinum, men keypti ein kranabil seinni, greiðir Eyðfinn Johannesen frá. Nokk at gera Sostatt eru 34 ár síðan, at Eyðfinn Johannesen byrjaði sítt virksemi, ið hevur heimstað á Toftum. Hóast fleiri kreppur hava verið hetta tíðarskeiðið, so letur hann væl at. – Eg byrjaði í teimum góðu tíðunum í 1982. So tað gekk væl beinanvegin og hevur gingið fínt síðan. Men sjálvandi svingar tað sum hjá øllum øðrum, sigur Eyðfinn Johannesen. Sjálvur metir Eyðfinn Johannesen, at nýggi tunnilin fer at økja um eftirspurningin. – Eg haldi, at tað sær gott út. Tað verður lættari at koma til Havnar, har fleiri kundar eru, sigur Eyðfinn Johannesen. Hóast EJ Maskinur hevur havt mest at gjørt í Nes kommunu í seinastuni, so átekur fyritøkan sær at gera uppgávur um alt landið. – Fyritøkan bjóðar seg fram til alt møguligt arbeiði. Vit kunnu planera, drena og leggja ristir í til eitt nýtt grundstykki, og so laða vit eisini garðar, sigur Eyðfinn Johannesen, ið vanliga arbeiðir einsamallur, men viðhvørt hevur fólk aftrat sær. Tað er Fróði Lamhauge, ið einsamallur eigur og rekur fyritøkuna, ið liggur við havnarlagið í bygdini. Aftrat sær hevur hann tveir persónar í starvi. – Vit hava nokk at takast við. At byrja við var minni at gera, men nú fólk hava hoyrt um okkum, so hevur tað vundið upp á seg, soleiðis at vit í dag hava ríkiligt at gera, sigur stjórin. Allar vanligar umvælingar Sjálvur er Fróði Lamhauge útbúgvin bilsmiður, og bjóðar verkstaðið eisini allar vanligar tænastur til bileigarar. – Vit gera allar vanligar um­ vælingar, mekaniskt og elektroniskt, so sum motorskift, bremsur, dekkskift og oljuskift. Vit kunnu gera allar umvælingar á vanligum bilum og smærri lastbilum, greiðir Fróði Lamhauge frá. At kundarnir eru nøgdir við veittu tænastuna er týdningarmikið fyri eina nýggja fyritøku, ásannar Fróði Lamhauge. – Vit royna at geva kundunum eina so góða tænastu sum gjørligt, so at teir vera glaðir. Tað tykist at virka, tí kundarnir koma aftur og vit hava fingið ein fastan kundaskara. Eru til reiðar Í løtuni koma flestu kundarnir av Runavík og Toftum, men um ikki so langa tíð, so kemur Eysturoyartunnilin upp nærhendis verkstaðnum. Tað kann bæði hava fyrimunir og vansar við sær, metir Fróði Lamhauge. – Vit eru til reiðar tá tunnilin kemur. Tað er ringt at siga hvørja ávirkan tunnil fær, men eg vænti, at tað hjálpir upp á grundarlagið, tí Strendur og Skála verður knýtt nærri okkum. Men tað kann ganga hinvegin, at kundarnir fara til Havnar, sigur Fróði Lamhauge. Nýggju grundstykkini hjá Nes Kommunu við Lýðarsvegin á Toftum hava seinastu vikurnar verið arbeiðsplássið hjá 52 ára gamla Eyðfinn Johannesen, ið eigur og rekur fyritøkuna EJ Maskinur, ið er ein fyritøka, ið tekst við ymiskt maskinarbeiði 19. september verður eitt ár síðan, at Bilverkstaðið á Toftum lat upp dyrnar á fyrsta sinni við Rætt 6 á Toftum. Talan er um einasta bilverkstaðið í kommununi Tunnilin fer at økja um eftirspurning Hevur havt bil­verkstað á Toftum í eitt ár