mánadagur 12. september 2016síða 40

VIKA 37 • 12. SEPTEMBER 2016 ÓKEYPIS LÝSINGARBLAÐ Nes Kommuna 16 TEMA Vilmund Jacobsen Í Nes kommunu er nógv og fjølbroytt vinnulív. Umframt alt, sum hevur við sjógv­ in at gera, eru her byggifyritøkur, entre­ prenørar, bilaverkstaður, el-inn­leggjar­ar, handlar við matvørum, klæð­um, tógvi og virkaðum føroyskum pløgg­um - fyri at nevna nøkur ting úr rúgvu­ni. Fjølbroytt virksemi Fiskamarknaður Føroya, sum er hin einasti marknaðurin av sínum slag í Før­oyum, hevur altíð havt sína støð á Toftum. Heimahoyrandi í kommununi eru skip og bátar, og her er land­ingar­ mið­støð, kassamiðstøð, saltfiskavirki, salt­søla, og her er plattavirki. Bygningurin, har Landingarmiðstøð Før­oya áður helt til, er seldur Bakka­ frosti, sum skal brúka bygningin til eina stóra meginlandstøð í laksa­vinnu­ni. Landingarmiðstøðin á Toftum, sum seinni er stovnað, læt upp aftur landingarvirksemi í bygninginum, har Valhalla áður hevði sítt virksemi. Umstøður broytast Tíðin stendur ikki í stað. Umstøður broyt­ast, og tað gera fiskiflotin og útróðrar­flotin eisini. Botnfiskaveiðan undir Føroyum hev­ur verið svikalig seinnu árini, og út­róðr­ar­vinnan hevur heldur ikki sæð sínar bestu dagar. Samstundis er kapp­ingin innan landingarvirksemi økt, og fyri nøkrum árum síðan læt eisi­ni landingarmiðstøð upp í Havn. Føroyar hava fingið fleiri frysti­ línu­skip og trolarar sum frysta veiðina um­borð. Við minkandi skipagrundarlagi hev­ ur verið trupult at fáa lønsemi í land­ ingar­virksemi, og tí er tað at fegnast um, at menn í Nes kommunu trúgva upp á, at her kortini er ein framtíð. Nú eru tíbetur batar at hóma, bæði hjá línuskipaflotanum og útróðr­ar­ flota­num. Ringvirkningar Í Nes kommunu verður vónað, at nýggja virksemi hjá Bakkafrosti á Toft­ um, sum verður meginlandstøð fyri nærm­astu aliøkini hjá felagnum, fer at geva arbeiði til nakrar hendur í Nes kom­munu, umframt at kommunan fær lut í partafelagsskattinum hjá stóru alifyritøkuni. Vónað verður eisini, at virksemið fer at geva nakrar ringvirkningar kring um í kommununi. Skrúva vit tíðina nakrar mánaðir aftur, hevði fáur droymt um, at Bakka­ frost fór at leggja eina meginlandstøð á Toftum At havnalagið eisini kann rúma slík­um virksemi, merkir tó ikki neyð­ turvi­liga, at hetta nýtist at ganga út yvir annað virksemi á havnalagnum. Ber saktans til Tað ber saktans til at skipa og inn­ rætta seg, so pláss er fyri øllum. Nes kommuna roynir sum best at skapa karmarnar, og so er tað upp til vinnu­na at síggja møguleikarnar og skapa virksemi av ymiskum slag. At annað virksemi enn tað traditio­ nella stingur seg upp, nýtist ikki at merkja, at møguleikarnir við traditio­ nellu vinnuni verða skerdir. Nes kommuna eigur nógvan bryggju­kant og stórt uppland á havna­lagnum, og tá farið verður at bora Eysturoyartunnilin, spyrjast iva­ leyst nógvir møguleikar við tí gróti, sum kemur frá tunnilsbyggingini. Trúgvir á slóðini Í fleiri ár hava partrolararnir, Eystur­ búgv­in og Vesturbúgvin, lagt gull­laks­ in upp á Toftum í vertíðini, og soleiðis hev­ur eisini verið í vertíðini hesaferð. Nógv og fjølbroytt vinnulív í Nes kommunu Nes kommuna roynir sum best at skapa karmar fyri fjølbroyttum vinnulívi, og so er tað upp til vinnuna at síggja møguleikarnar og skapa virksemi av ymiskum slag Í Nes kommunu er nógv ymiskt vinnuvirksemi, og framvegis eru fleiri skip og bátar heimahoyrandi í kommununi Við havnalagið á Toftum eru nógv vinnuvirki - alt frá saltfiskavirki, saltgoymslu, kassamiðstøð, plattavirki og landingarmiðstøð til timbur-og bilaverkstað Nes kommuna hevur eitt gott havnalag og nógv uppland. Nú Eysturoyartunnilin verður boraður, fer hetta eisini at geva nýggjar avbjóðingar