hósdagur 15. september 2016síða 29

FRÍGGJADAGUR 16. SEPTEMBER 2016 SOSIALURIN 106 29 Føðingar 2.september fingu Rebekka M. Poulsen og Kim eina dóttur. Her er hon avmyndað við stolta stóra beiggjanum Dávur. Hon kom til verðina umborð á Smyrli, og vigaði 2679 gr og var 49 cm long. 6. februar fingu Sara Nowicka & Timmi Nielsen, Tórshavn, eina dóttur. Hon var 53 cm long og vigaði 3420 gr. 29. august fingu Linda Dam Jacobsen, Tórshavn, og Heini Bech, Porkeri, hesa fittu didduna. Hon vigaði 3725 gr og var 53 cm long SOSIALISTISK UNG Á fyrsta nevndarfundi eftir lands­ fundin hevur landsnevndin skipað seg. Barbara Gaardlykke Apol heldur fram sum forkvinna, og Jógvan Kallsgarð úr økisdeildini SU Norð verður næstformaður. Kassameistari og skrivari verða ávikavist Karin Reginsdóttir Joensen og Rói Dam Dalsgarð. Afturat teimum siðbundnu nevndarsessunum er altjóða skrivari valdur, sum hevur ábyrgd fyri samband og samskifti við ungmannafeløg og felagsskapir, sum SU er limur í. Guðrun Dur- huus verður altjóða skrivari. Heidi Lindenskov Róadóttir, Hákun Skoubo Dalsgaard, Bergur A. Dalsgarð og Manne Næs Mort­ ansson verða nevndarlimir, og tiltakslimir verða Bartal Sú­sonnu­ son Hansen og Vølundur Logn­berg. Í útisetanevndini sita fimm umboð, sum búgva uttanfyri Før­ oyar: Barbara Eysturoy, Erhard Petersen, Elma Næs Mortansdóttir, Andrias Høgenni og Guðrun Durhuus. Landsnevndin hevur sett sær fyri at arbeiða við í minsta lagi hesum málum í nevndarárinum: 1. Revsilógin í mun til neyðtøku og hevndarporno skal dagførast og nútímansgerast. 2. Teknmál skal viðurkennast sum mál á jøvnum føti við før­ oyskt. 3. Eitt samhaldsfast infrakervi, sum ikki ger mun á fólki vegna, hvar í Føroyum tey búgva 4. Javnrættindi í barsilsskipanini, bæði fyri at basa mismuni á arbeiðasmarknaðinum og fyri at fremja javnrættindi millum tey foreldur, ið ynskja at taka javnan lut í barnauppalingini. 5. Hjúnarbandslógin skal dag­ førast. Fyrstu fetini eru tikin, men vit gevast ikki, fyrr enn komið er á mál. Fleiri onnur politisk mál eru á skrá, ið skulu viðgerast innan­ hýsis, áðrenn støða verður tikin um politiska ætlan. Verður politisk ætlan løgd, krevja vit, at Javnaðarflokkurin ber málið fram á ting. Barbara Gaardlykke Apol forkvinna hjá Sosialistiskum Ungum Landsnevndin í Sosialistisk Ung, frá vinstru: Bartal S. Hansen (tiltakslimur), Jógvan Kallsgarð (næstformaður og umboð fyri SU Norð), Barbara G. Apol (forkvinna), Rói Dam Dalsgarð (Skrivari), Hákun S. Dalgaard (nevndarlimur), Karin R. Joensen (kassameistari), Manne N. Mortansson (umboð frá SU Suður), Bergur A. Dalsgarð (umboð frá SU Mið) og Vølundur Lognberg (tiltakslimur). Á myndini vantar Heidi Lindenskov Róadóttir (nevndarlimur) TÍÐINDASKRIV FRÁ FERÐSLUTRYGD Gallupkanning í kjalarvørrinum av átakinum við bilvrakum fram við landsvegi undir heitinum, ’Hin dagin eg hevði skund’ vísir, at væl fleiri siga seg halda hámarksferðina. Átakið, sum er samstarv millum Ráðið fyri Ferðslutrygd og Tryggingarfelagið Føroyar, tekur støði í filminum frá seinasta heysti, ‘Hin dagin eg hevði skund’. Í átakinum vórðu bilførarar ávirkaðir í koyristøðuni við tað at á fimm útvaldum støðum á landsvegi kring landið stóðu bingjur við bilvrakum frá veru­ ligum ferðsluóhappum. Vit vita, at ov nógv ferð er tann orsøkin, sum oftast gongur aftur í ferðslu­ vanlukkum, har onkur doyr ella fær álvarsligan skaða. Spildurnýggj gallupkanning vísir, at síðan 2012 hava ongan­tíð so mong sagt seg halda hámarks­ ferðina: 46%. Greitt er - eins og væntað - at átakið mest hevur ávirkað tey, sum áður hava sagt seg koyra 90 km/t. Meðan talið á teimum, sum siga seg koyra 100 km/t og skjótari, er 11% av teimum spurdu. Í apríl í fjør – tað vil siga áðrenn átakið um ferð í fjør – søgdu bert 32% seg halda hámarksferðina. Í august í ár siga 46% seg gera tað. Hetta er eitt fitt lop í eitt gott ár, sum Ráðið fyri Ferðslutrygd fegnast um. Aldursbýtið í nýggju kanningini vísir, at tey 18-24 ára gomlu í minstan mun halda hámarksferðina: bert 24%. Eldri fólk gerast, í størri mun siga tey seg halda hámarsferðina. Tí er tað ein stórur bati at seta ferðina eitt sindur niður Fleiri, sum eru fyri álvarsligum ferðsluvanlukkum, eru sjálv uttan skuld í hendingini. Tú kanst vera á skeivum staði skeivu tíðina. Men hetta er ikki galdandi fyri fjøldina. Menniskansligir feilir liggja aftan­ fyri stóran part av vanlukkum á vegunum, vísa útlendskar kann­ ingar. Hámarksferðin er sett, fyri at ferðandi skulu hava eitt trygdarskotbrá, um tað gongur galið. Koyrir tú ov skjótt, tekur tú bæði av tínum trygdarskotbráði og tí hjá øðrum. Vilt tú gera títt til at gera ferðsluna tryggari, skalt tú halda hámarksferðina. Fyri flestøll okkara merkir tað bert at seta ferðina eitt lítið sindur niður. Gera øll tað, ger tað stóran mun: – Halt hámarksferðina í góðum líkindum – Set ferðina hóskandi niður, tá líkindini eru ivasom – Hav atlit fyri øðrum í ferðsluni – Legg uppí, um tú ert ferðafólk, har koyrt verður ov skjótt. Bilvrakini gjørdu mun