mánadagur 19. september 2016síða 23

23 Mánadagur 6. januar 2014 · Nr. 2 Sosialurin Mánadagur 19. september 2016 · Nr. 107 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen KLUMMAN Tróndur sigur sína hugsan... Tróndur Arge KÍ: KÍ verður sannlíkt FM og greipuvinnari í 2016. Teir vunnu røttu dystirnir og reisast tá teri hava mest brúk fyri tíð. Spuningurin í KÍ er hvussu tú tálmar nervunum í Klaksvík Víkingur: Áleið 2.500 áskoðarar vóru til dystin í Sarpugerði í gjár. Víkingur hevði gjørt nógv burturúr við plattum og betri umstøðum til áskoðararnar. Tó má sigast, at Víkingur ikki hevur FM evnini – heldur ikki í ár. NSÍ: Felagið er í framgongd. Tað eru ikki so nógv ár síðani, at málið var at yvirliva og fáa skil á tað fíggjarliga. Hóast teir vóru aftanfyri, so tykist NSÍ hava rakt toppin á júst røttu tíð. Nú er spurningurin hvussu langt tað røkkur. B36: HB kompleksið er vekk. Árstalsfelagið plagdi altíð at tapa fyri HB, men í seks royndum við Eyðuni Klakstein á odda, so hevur HB ongan dyst vunnið á grannunum. Tað er nakað síðani, at B36 kom yvir HB- kompleksið, men nú er tað nærmast umvent. HB: Tað er dýrt ikki at skjóta mál. HB hevur í fleiri av stórdystunum í ár havt stórar málmøguleikar, men brent. Eitt nú móti KÍ í Gundadali og í gjár. Munurin hevði verið eitt deilt fjórða pláss í dag – í mun til at liggja seks stig frá Evropa milliónunum. ÍF: Tað stendur einki til við fólki í ÍF. Hópurin hevur verið tunnur í nøkur ár og tað legst ikki afturat í løtuni. Í gjár stóð millum annað Jákup Mikkelsen í mál. At hann helt málið reint er ikki nakað nýtt fyri hann. TB: Sigfríður Clementsen dugur sítt. Hann hevur av álvara tryggjað TB eitt ár í bestu deildini afturat. Gott nokk taptu teir fyri NSÍ, men hann hevur dugað væl at vunnið teir røttu dystirnar. Heldur hann fram, so kann TB blíva fast Effo-lið. Skála: Afturgangandi fyri allar viðmekringar um Skála er, at tað er ein samanspælt lið við homogenum hópi. Tað prógvaðu teir aftur í gjár við 2-0 sigri á AB. Skálamenn hava tryggjað sær pláss í bestu deildini komandi ár. AB: Argjamenn hava tapt allar teir avgerandi dystirnir móti endanum. Tvær ferðir Skála, og ÍF og TB. Einasti sigurin kom á hjálparleysa B68. AB hevur ikki uppiborið betri í ár. B68: Toftamenn skulu til at byggja upp av nýggjum. Tað ljóðar sum ein skøvað fløga, men felagið hevur fyrr prógvað, at tað dugur at uppala fótbóltsspælarar. Kappingarárið í ár hevur bjóðað upp á nakrar heilt fantastiskar fótbóltsupplivingar í føroysku landskappingini. Størsta orsøkin er KÍ øll teirra viðhaldsfólk, sum fylla so ótrúliga nógv í myndini. Eg havi skrivað tað fyrr og haldi tað tolir eina endurtøku at seta spurningin, um vit ikki skulu til at tora betri at flyta ávísar stórar dystir, so tað ber til hjá øllum at fylgja við og hava fokus á tí eina dystinum. Vit sóu tað til útsetta dystin millum KÍ og NSÍ, ið bleiv spældur á norðoyastevnu. Tað var stúgvandi fult av fólki. Eitt var Klaksvík og norðoyastevnan – men har vóru fólk úr øllum landinum til dystin. Og tá KÍ var á vitjan hjá B36 í dysti, sum byrjaði klokkan 17.15 stutt fyri summarsteðgin. Orsøkin til at eg kom aftur á ta leiðina er dysturin í Sarpugerði í gjár. Heilt fantastiskt at síggja so nógv fólk til ein slíkan toppdyst. Í hesum førinum hevur verið tosað um at fáa dystin fluttan, men tað hevur ikki latið seg gjørt á skynsaman hátt. Serliga tí leygardagur er so vánaligur áskoðaradagur, tí fólk hava gjørt sær aðrar planir. Tað er bara vit sum hava áhuga fyri at fara til dystir í Føroyum. Tí haldi eg at tað er avgjørt vert at hugsa um, at bjóða øllum til teir stóru dystirnar. Tá fært tú flestar áskoðarar og mest umrøðu frá fjølmiðlunum. Í Onglandi verða dystir lagdir sum sjónvarpsdystir. Vit kenna tað frá Super Sunday, mánakvøldsdystir og nú eisini fríggjakvøldsdystir. Umframt tað, so verður sum regul tveir dystir fluttur rundan um klokkan 15 dystirnar leygardag. Við okkara fimm dystum um umfarið, so er ikki neyðugt at flyta fleiri dystir, men kanska bara ein ella tveir. Í Havn hava HB, B36 og AB avtalu um ikki at spæla í senn í Havn. Tað hevur gjørt at áskoðarar hava kunnað sæð tveir dystir, og eitt nú Rás2 hevur kunna sagt frá tveimum dystum í Havn. Vit mugu minnast til, at tað eru bara føroyingar og fólk í Føroyum, sum hava áhuga í at fara til dystir í Føroyum. Eg var ein av teimum sum helt, at hugskotið um at ”17. heimadysturin” bleiv spældur á Tórsvølli við fullari sjónvarpsframleiðslu, var eitt áhugavert hugskot. Kanska ikki perfekt, men eg ímyndi mær, at tað er handan vegin vit skulu við føroyskum fótbólti. trondur@sosialurin.fo Tá øll savnast TÍGGJU TING VIT LÆRDU Í 23. UMFARI Her eru tíggju ting, sum vit lærdu í 23. umfari í Effo-deildini