mánadagur 26. september 2016síða 10

Mánadagur 26. september 2016 · Nr. 110 10 Sosialurin Hugskot og viðmerkingar – send sms til 225000 TRYGD OG TILBÚGVING Áki Bertholdsen Tvøroyri kann verða ein fyrimynd hjá øðrum, hvat trygdarviðurskiftum og til­ búgving viðvíkur. Tað siga tey í Tvøroyrar Býráð. Tí seta tey nú sjøtul á eina ætlan, har endamálið er at skipa øll viðurskifti við­víkj­ andi trygd og tilbúgving í eina fasta legu, og sum sam­ stundis skal lyfta alt økið upp á eitt hægri stig. Tað er ein ætlan, sum er sprottin burtur úr, at Tvør­ oyri hevur fingið nýggjan komm­unustjóra, eftir, at kommunustjórin sum var, fór í farloyvi. Nýggi kommunustjórin er nevniliga Henrik Weihe Joensen, sum eisini er ráð­ gevari í trygd, tilbúgving, verju og í løgfrøði. Og nú hevur Tvøroyrar Býráð samtykt at fara und­ir eina verkætlan við tí enda­ máli at lyfta trygdar­viður­ skift­ini, og tilbúgvingina, upp á eitt hægri stig. Í hesum sambandi fer Tvør­oyrar Býráð nú at senda Nora eina umsókn um fíggjarligan stuðul til at seta sjøtul á Málið. Nora ein stovnur, sum røkir samstarvið ímill­um lond­ini í útnorðri, Vestur­ Noregi, Føroyar, Ísland og Grønland. Fyri at fáa stuðul frá Nora til ymisk tiltøk, krevst, at minst tvey lond eru við í til­takinum og tí ætlar Tvør­ oyrar Kommuna at taka upp samstarv við eina komm­unu í Grønlandi um hetta tiltakið. Talan skal sostatt vera um at hava eina ráðstevnu í Grønlendsku kommununi um hesa verkætlanina, og at hava eina ráðstevnu á Tvør­ oyri. Tey eru í samskifti við onkra kommunu í Grønlandi um hesi viðurskifti, men við- ur­skiftini eru ikki avgreidd, og tí er ikki greitt, hvørja kommunu í Grønlandi, talan er um. Tey halda, at tað er rætti­ liga sjálvsagt, at halda ráð­ stevnuna á Tvøroyri í nýggja mentanarhúsinum, Salt á Drel­nesi, tá ið tað verður leyðugt. Men fyri at fáa stuðul til ætlanina, er eisini neyðugt, at landsmyndugleikarnir geva sítt tilmæli og eru við í henni, og tað fara tey á Tvøroyri nú at tosa við landsstýrið, helst Fiskimálaráðið, um. Eftir ætlan verður ráð­ stevn­an á Tvøroyri í februar ella mars næsta ár, og ráð- stevnan í Grønlandi verður so í apríl ella í mai, og eftir ætlan verða eini fimm um- boð fyri hvørja kommunu við á ráðstevnununum. Á ráðstevnuni er so ætl­ anin, at avvarðandi partar hittast at leggja lunnar und­ ir eina miðvísa ætlan um at menna tilbúgvingina og trygdina. Her verður hugsað um bjargingarfeløg, sjúkrahúsið, og síðani kunnu allir part-ar so seta seg saman og gera eina framkomna til­búgv­ ingar­ætlan fyri Tvøroyrar Komm­unu. Tvøroyri kann verða ein fyrimynd Í býráðnum á Tvøroyri halda tey, at kunnu tey markn­aðar­ føra seg sum ein kommuna, ið tekur spurningin um trygd og tilbúgving í álvara, tað kann fáa stóran týdning fyri royndirnar at marknaðarføra kommununa. Her verður eitt nú hugsað um at marknaðarføra komm­ una fyri fremmandum ferða­ mannaskipum. – Tað kann fáa stóran týdn­ing, at vit kunnu vísa á, at vit taka spurningar um trygd og tilbúgving, í álvara, halda tey. Tey halda eisini, at tað kann fáa stóran týdn­ing fyri sjúkrahúsið at ein fram­ komin tilbúgvingar­ætlan verð­ur gjørd. Tilbúgvingarætlanir kunnu umfata alt møguligt, sum tað vanliga ikki verður hugsað um. Eitt nú kann ein tilbúgvingarætlan ger­ ast fyri drekkivatnið. Men tað er eisini eitt enda­mál at fáa tær ymsu til­búgv­ingar­ ætlanirnar at samvirka. Í býráðnum á Tvøroyri siga tey, at eitt er, at fáa trygd­ina og tilbúgvingina á Tvør­oyri upp á eitt hægri stig. Men hetta er eitt, sum ikki er roynt aðrastaðni í land­inum, og ein slík ætlan á Tvøroyri, kann brúkast sum fyrimynd í øðrum komm­ un­um, siga tey í Tvøroyrar Bý­ráði. TRYGDIN Á TVØROYRI UPP Á EITT HÆGRI STIG Tvøroyri kann verða ein fyrimynd hjá øðrum, hvat trygd og tilbúgving viðvíkur – Á Tvøroyri hava tey sett sjøtul á eina ætlan, sum skal fáa kommununa í fremstu røð, hvat trygd og tilbúgving viðvíkur