mánadagur 26. september 2016síða 42

VIKA 39 • 26. SEPTEMBER 2016 ÓKEYPIS LÝSINGARBLAÐ Slakt 18 TEMA Nú kemur kunngerðin um heimaframleiðslu – Treytin fyri skráseting er, at matvøran er framleidd, hagreidd og tilvirkað á ogn framleiðarans, og at samlaði árligi umsetningurin er minni enn 200.000 krónur, sigur Uttanríkis-og vinnumálaráðið í uppskotinum til heimaframleiðslukunngerð Vilmund Jacobsen   U ttanríkis-og vinnumálaráðið hevur sent út upp­skot til kunn­gerð um fram­leiðslu av føroyskum matvørum frá til­feingis­ vinnuni, ætlað til sølu til heil-og smá­sølur, matstovur og annað út til hoyringar. Hetta er tann sonevnda heima­ fram­leiðslu­kunn­gerðin, sum ætlandi skal koma í gildi hin 1. oktober í 2016 – ella um nakrar fáar dagar. Uppskotið er sent úr Uttanríkis-og vinnu­mála­ráðnum hin 20. september í ár, og tí er hoyrings­freistin bert nakrir dagar. Í málinum verður víst til løgtingslóg nr. 58 frá 26. mai 2010 um matvørur v.m., sum broytt við løgtingslóg nr. 86 frá 22. mai 2015 og løgtingslóg nr. 51 frá 6. mai 2016. Kunngerðin fevnir um framleiðslu frá føroysku tilfeingisvinnuni (fyrsta liði), undir hesum  landbúnaði og veiði, ætlað til sølu til heil- ella smásølur, matstovur o.a. í Føroyum.   Hvørjar eru vørurnar? Sambært kunngerðini verða hesar vørur fevndar av kunngerðini: Seyða- og neytakjøt, undir hesum eisini avroð o.a., hara og villini fuglur. – Beinleiðis søla frá framleiðara í tilfeingisvinnu av nevndu vørum til endabrúkara er ikki fevnd av kunn­ gerðini, sbr. § 12 í kunngerð nr. 128 frá 28. desember 2010 um løg­gilding og skráseting av mat­vøru­virkjum. Í uppskotinum vísir Uttanríkis-og vinnumálaráðið eitt nú á, at fram­ leiðari í tilfeingisvinnu, sum framleiðir, hagreiðir, tilvirkar, marknaðarførir og selur matvørur, ið eru fevndar av § 1, stk. 2, og sum eru ætlaðar til sølu til framleiðara í øðrum liði, er undantikin kravinum um løggilding og skráseting, sbr. § 3 og 4.   Skráseting sum heimaframleiðari Uttanríkis-og vinnumálaráðið vísir á, at fram­leiðarar eftir nýggju kunn­ gerðini skulu melda til eina skrá yvir heima­fram­leiðarar hjá Heilsu­frøðiligu Starvs­stovuni við navni, annað hvørt á persóni ella felag, ávíkavist p-tali ella v-tali, og bústaði fram­leiðarans. Upp­lýsing­ar­nar verða latnar á serligt oyði­blað, sum Heilsufrøðiliga Starvsstovan út­flýggjar. – Treytin fyri skráseting er, at matvøran er framleidd, hagreidd og tilvirkað á ogn framleiðarans, og at samlaði árligi umsetningurin er minni enn 200.000 krónur. Framleiðarin skal í sambandi við skrásetingina vátta, at hann beinanvegin fráboðar Heilsufrøðiligu Starvsstovuni, tá hann verður varugur við, at árligi umsetningurin kemur upp á hesar 200.000 krónurnar.   Handfaring og framleiðsla Eftir nýggju kunngerðini skal fram­ leiðslan leggjast til rættis soleiðis, at matvøran verður handfarin, tilgjørd, pakkað, goymd og flutt soleiðis, at matvøran ikki spillist ella oyðilegst, ella at góðskan versnar munandi. – Framleiðarin hevur ábyrgdina av, at matvøran støðugt lýkur ásetingina í § 4 í løgtingslóg um matvørur v.m. Lagt verður aftrat, at framleiðari í øðrum liði hevur ábyrgdina av, at matvøran, meðan viðkomandi hevur ræði á henni, verður handfarin, tilgjørd, pakkað, goymd og flutt soleiðis, at matvøran ikki spillist ella oyðilegst, ella at góðskan versnar munandi. – Framleiðari í øðrum liði hevur ábyrgdina av, at matvøran, meðan viðkomandi hevur ræði á henni, støðugt lýkur ásetingina í § 4 í løg­ tings­lóg um matvørur.      Uttanríkis-og vinnumálaráðið, at mat­vøran kann ikki tilvirkast víðari hjá einum øðrum framleiðara enn fram­ leiðaranum sambært § 2, nr. 1, ella verða pakkað á løggildari eind ella á annan hátt koma í samband við løg­ gilda vøru. – Vøran skal haldast atskild frá løg­gildari vøru í øllum liðum, herundir í sam­bandi við flutning, goymslu, til­ virking og sølu. Marknaðarføring Í samband við marknaðarføring skal matvøran sambært heima­fram­leiðslu­ kunngerðini merkjast so­leiðis, at tað greitt gongur fram av merkingini, at talan er um vøru, sum ikki er løggild, sbr. § 8, stk. 1, nr. 2. Heimaframleiðslukunngerðin, sum Uttanríkis-og vinnumálaráðið hevur sent til hoyringar, kemur ætlandi í gildi hin 1. oktober í 2016 - ella um nakrar fáar dagar