týsdagur 27. september 2016síða 26

26 Sosialurin Hugskot og viðmerkingar – send sms til 225000 Takkarkvøða Tað liggur okkum á hjarta at takka hvørjum einstøkum tykkara, ið stuðlaðu, veittu umsorgan, góvu hjartarúmd, tóku tøk, uggaðu og sýndu samkenslu á einhvønn hátt, tá ið okkara elskaði maður, pápi, abbi, langabbi, bróðir og verfaðir Kjartan Hoydal f. 12.09.1941 † 02.05.2016 stríddist sítt síðsta stríð, legði eyguni saman á seinasta sinni – og varð borin aftur til jørðina, júst tá ið summarið kom til oyggjar okkara í ár. Ein serstøk tøkk verður send starvsfólkunum á Boðanesheiminum, ið góvu røkt, umsorgan, blídni og friðsælt pláss hjá Kjartani og okkum øllum, ið vóru um hann. Vit eru takksom teimum, ið góvu møguleikan at fáa umlætting á Boðanesheiminum. Somuleiðis tøkk til sjúkrarøktarfrøðingarnar í krabbameinstoyminum, til starvsfólkini á B6 og til palliativa toymið á Landssjúkrahúsinum. Tykkum, ið so uttan hálvtalað orð hjálptu og skipaðu fyri jarðarferð og ervi hendan fagra summardag í mai, senda vit tøkk og mildar tankar. Takk til Theodor prest fyri vøkur orð og uggan, og til kirkjutænarar í Havnar kirkju, gravarar og onnur fyri góða tænastu og hjálp. Sangkórinum, Kára Sverrisyni og Anniku, ið við tykkara sangi og list gjørdu jarðarferðina til dýrabart minni, veita vit á sama hátt stórt takksemi. Takk fyri blómur, kransar, heilsanir og gávur til Krabbameinsfelagið. Vit eru inniliga takksom fyri vinir, skyldfólk, grannar, kenningar og arbeiðsfelagar – úti sum heima – sum vóru og eru um og hjá í lívsins ljósu og myrku løtum. Mikið varð mær givið Mikið varð mær givið: eg varð til – lívið bar meg inn í streym av anda og av eind, leiddi meg mót steinunum og stjørnunum eitt bil, móti blómum, dýrum, mannatokka, til mín sál var greind. Eg í øllum, alt í mær – í sælum gjálvi livandi og deytt í somu flóð, alt, sum rørdist undir høgum hválvi, gjøgnum hugan halgaði sær slóð. Hvørva skal eg eins og døgg á strá, dagur fer við lotinum langt inn í fjara søgn, ljóð av ævinligum vøtnum verður rødd mín tá: suð úr áum, dun av sjógvi og hin djúpa náttartøgn. Tá ið tyngdin er loyst upp úr mínum kroppi – gjøgnum myrka mold og vatn fær flog – kanska lív úr mínum eygnagloppi tá í nýggjum glómum kyndir log. (Karsten Hoydal) Vegna familjuna Ingun, Janus, Tóra, Annika, Høgni, Marita og Katrin Tøkk Hjartaliga takk til tykkum øll, sum fylgdu okkara kæru, mammu vermammu, ommu, langommu, systur og svigarinnu Herborg Mortensen f. 14.08.1927 d.29.12.2015 til hennara seinasta hvíldarstað. Eisini ein tøkk til prest, kirkjutænarar og til tykkum, sum hjálptu til við ervinum. Fyri tey avvarðandi Karl Erik, Jóhan Petur, Kári, Eilen og Unn Tøkk  Hjartaliga takka vit øllum, sum á ymiskan hátt sýndu samkenslu og hjálpsemi, tá John Peter Laoretti f. 25.10.48 d. 24.08.16 andaðist og varð jarðað. Tøkk til prest, Patric De Neergaard, kirkjutænarar, sangarar og berarar. Tøkk, til starvsfólki á verkstaðnum á Bakka og á sambýlinum á Bárðarfløtti. Tøkk til stuðlar, og tøkk til tykkum øll, sum vóru so góð við John Peter. Tøkk til tey, sum bakaðu og hjálptu til. Tøkk fyri blómur og kransar. Somuleiðis takka vit tykkum øllum, sum fylgdu honum til hansara síðsta hvíldarstað. Vegna tey avvarðandi Bodil Tøkk Vit takka hjartaliga fyri sýnda samkenslu og hjálpsemi, tá elskaða dóttir, kona, mamma, omma, systir, verdóttir og vermamma okkara Harriet Samuelsen Haldórsvík f. 2. juli 1971 d. 27. januar 2016 so brádliga varð tikin frá okkum. Ein serlig tøkk til Jóhan Birgir Dahl-Olsen og Bertór Hjelm Bjarkhamar fyri góð og troystarrík orð í kapellinum og í kirkjuni. Somuleiðis takk til kirkjutænarar, berarar og sangarar. Takk til Jessicu Hallursdóttir fyri vakran sang í kirkjuni. Takk til øll tykkum, sum vóru og eru um okkum í hesi sváru tíð. Takk til tykkum, ið hjálptu til við ervinum og til Avhaldshúsið í Vík. Takk fyri blómur, kransar, peningagávur og heilsanir. Takk til tykkum mongu, sum fylgdu henni til hennara seinasta hvíldarstað. Familjunnar vegna Jónleif, Anita, Barbara og Kristin Tøkk Hjartaliga tøkk fyri hjálpsemi í sambandi við deyða og jarðarferðina hjá Helgu Mariu Carlsson Joensen f. 30.08.1945 d. 18.05.2016 Takk til Óli Vang og Eivind av Reyni fyri hjálp og góð orð í kapellinum og Ebenezer. Somuleiðis tøkk til tykkum, ið lótu blómur og kransar, og sum fylgdu hennu. Ein serstøk tøkk til tykkum í Búlonini fyri kærleika og tolsemi, tit sýndu henni í so mong ár, og at tit tóku tykkum so væl av ervinum og bóru hana til hennara seinasta hvíldarstað. Vegna tey avvarðandi Jacobina og Greta