hósdagur 29. september 2016síða 13

FRÍGGJADAGUR 30. SEPTEMBER 2016 SOSIALURIN 112 13 VIL FINNA LOYSN Sirið Stenberg Landsstýriskvinnan við Heilsumálum, Sirið Stenberg, kennir til trupulleikan viðvíkjandi vantandi almennari hjálp til børn at sjúkuraktum foreldrum og systkjum, og vónar at finna eina loysn komandi árini. MORTAN ØSTERØ S irið Stenberg sigur seg vera varuga við vant­ andi tilboðini til av- varð­andi at álvarsama sjúku­raktum, men vissar um, at Menn­ingarætlanin fyri sjúkra­ hús­verkið hevur nøkur tilmæli, ið koma at bøta um støðuna. – Vit hava havt ein fund áður við Ráðgevingina fyri føroyingar í Danmark um júst børn sum avvarðandi, og skulu á fund aftur í oktober, samstundis sum tað verður arbeitt við at gera batar, sigur landsstýriskvinnan. – Tað er sjálvandi ein styrki, at vit hava hesar tøttu relatiónirnar í Føroyum, men tað er ikki altíð eitt nøktandi trygdarnet, og júst her eru meskarnar kanska ov stórar, soleiðis, at fólk detta niður­ ímillum. Í øgiliga nógvum førum, eru tey nærmastu tann frægasta og besta loysnin, men onkuntíð er tey sjálvi hart rakt, og tískil er gott við skipaðum mannagongdum at lofta teimum. Harafturat verður rættartrygdin hjá borgaranum betri, eru tað fakfólk við tagnar­ skyldu, sum taka sær av viðkvæmu upplýsingunum frá eitt nú børn­ um, sigur Sirið Stenberg. Fara familjurnar til Danmarkar vegna sjúkulegu, eru eisini ávísar skipanir, sum partvíst taka fíggj­ arliga um endan. Í Heilsu og inn- lendismálaráðnum er eitt arbeiði sett í gongd fyri at eftirmeta áset­ ingina fyri fylgjarar, tá ið hesi eru børn. – Tá ið tað kemur til flog­ ferða­seðlar, kunnu tey søkja eftir forsorgarlógini og harafturat er eisini møguleiki fyri endurgjaldi til hjúnafelagan fyri inntøkumiss, sigur landsstýriskvinnan við heilsu­málum, sum tó ásannar, at tilboðini til børn at álvarsama sjúkum foreldrum kundu verið betri. – Vit hava almennar tænastur, sum eitt nú Gigni, ið stendur øllum børnum í boði. Her roynir man at fylgja upp við børnum, sum dragast við ymiskar trupulleikar. Tað arbeiði kundu vit styrkt. Somu­leiðis eru skúlar, dagstovnar og starvsfólk í sjúkrahúsverkinum dugnalig at lofta børnunum, sigur hon. – Á Sjúklingahotellinum og í Uttanlandstænastuni á Lands­ sjúkrahúsinum verður eisini eitt stórt arbeiði gjørt. Millum annað verður altíð miðað móti at familjurnar fáa eina íbúð ella hølisumstøður at búleikast undir meðan familjan er uttanlands í viðgerð. Hetta hevur høga rað- festing, tí familjurnar hava tørv á at kunna virka sum familja, hóast umstøðurnar eru sum tær eru. Somuleiðis verða børn í ávísum førum knýtt at dag- stovnum, frítíðartilboðum og undir­vísingarverkinum. Eisini vera trivnaðartilboð fyriskipaði sum til dømis túrar í Tivoli. Og børn undir 12 ár búgva ókeypis á Sjúklingahotellinum í Key­p­ mannahavn, legur landsstýris­ kvinnan afturat. Loysnir ávegis Einaferð vóru sosialráðgevar fastsettir í Landssjúkrahúsinum at taka sær av avvarðandi, men tað datt niðurfyri. Sambært Sirið Stenberg kunnu onnur alternativ til ta gomlu skipanina finnast. – Vit kunnu hyggja eftir at fáa eina skipa í lag í sam­starvi við Almannaverki um, at sosial­ ráðgevar frá Almanna­verk­inum verða knýttir at sjúkrahúsinum, soleiðis at børnini verða loftað og familjan kann fáa ráðgeving í sosialum viðurskiftum, sigur hon. Tó er longu eitt tilmæli í Menningarætlanini fyri sjúkra­ húsverkið um at hjálpa kreppu­ raktum, og sambært Sirið Stenberg, eru gróðrarlíkindini góð fyri, at tað verður veruleiki. – Ætlanin er at seta á stovn eina sálarfrøðiliga eind, ið kann hjálpa kreppuraktum. Í løtuni samráðast vit um hvørji av tilmælunum úr menningarætlanini skulu setast í verk beinanvegin, men tað tykist vera semja um, at ein sálarfrøðilig eind er neyðug. Hvørt tað verður komandi ár ella árið eftir, dugi eg ikki at siga fyrr enn vit hava funnið endaligu semjurnar. Hon vísir á, at tá havt verður í huga hvussu væl tyngri trupul­ leikarnir kunnu gerast, tá ið for­ eldur og børn skiljast vegna sjúku­ viðgerð í Danmark, er tað eisini eitt mál í sær sjálvum, at vit í Føroyum fáa bjóðað alsamt fleiri viðgerðir í Føroyum. – Fáa vit fleiri viðgerðar­møgu­ leikar til Føroyar, minimera vit somuleiðis trupulleikarnar, ið eru beinleiðis knýttir at frástøðuni millum avvarðandi og sjúk, umframt, at kostnaðirnir, sum eru tengdir at ferðing og uppihaldi, verða minni ella burtur fyri familj­ una. Á tann hátt kann man upp á longri sikt basa nøkrum av prakt­ isku trupulleikunum, sigur Sirið Stenberg, landsstýriskvinna við heilsumálum. MORTAN@SOSIALURIN.FO MORTAN ØSTERØ – Børn sum avvarðandi at sjúk­ um, er primert eitt mál fyri Heilsuverki, men vit royna at draga allar myndugleikarnar inn, soleiðis at tað vit fáa eitt meira samskipa tilboð. Við tíðini kemur vónandi meira synergi í millum heilsuverki, skúlan og Almannaverki, soleiðis, at samstarvið millum geirarnar verður smidligari, og børnini hava eitt samlað tilboð, sigur Eyðgunn Samuelsen. Kostnaðarligu avbjóð­ing­ arnar kunnu eisini gerast stór­ar fyri familjur við lang­ tíðar­sjúkulegu uttanlands, um børnini skulu ferðast í millum fleiri ferðir. Til tess at søkja um ískoyti til ferðaseðlarnar, er neyðugt at søkja eftir for­ sorgar-lógini, ið kann vera trupult hjá familjum, sum ikki standa á berum, men heldur ikki eru pen­ingasterk. – Ja. Tá ið søkt verður eft­ ir forsorgarlógini, skal man helst einki eiga á bók, til tess at fáa hjálp, umframt, at allir aðrir stuðulsmøguleikar skulu vera troyttir. Hetta er ein trupul­leiki, ið eg ætli mær at taka upp, og vita hvørt tað ber til at gera lagaligari treytir, soleiðis, at børn kunnu fáa endurgjald fyri ferðing, sigur landsstýriskvinnan við almannamálum, sum tó ikki kann seta ítøkiligar tíðarfreistir fyri nær broytingar verða framdar. Eyðgunn Samuelsen vísir tó á, at longu í vár eru ætlanir um at gera eina tænastulóg fyri allar tænasturnar undir Almannaverkinum, soleiðis, at tær í størri mun seta tørvin hjá teimum einstøku í miðdepilin. Har kundi saktans komið upp á tal, at knýta starvsfólk úr Almannaverkinum meira beinleiðis at Lands­sjúkra­hús­ inum, soleiðis, at børnini ikki eins lætt detta niðurímillum. – Eg haldi avgjørt, at tað kundi verið ein gongd leið, og tað hevur verið umrøtt millum Almannamálaráðið og Heilsu- og innlendismálaráðið fyrr. Fær man eina tílíka ráð­ gevingina upp at koyra á Landsjúkrahúsinum, hevði tað vónandi verður ein góður bati til familjur og avvarðandi, sum annars er í vanda fyri at detta niðurímillum, sigur Eyðgunn Samuelsen, landsstýriskvinna við Almannamálum. MORTAN@SOSIALURIN.FO Skal sam­ skipast betur Koma familjur í eina trongstøðu vegna sjúku, eru oftani fleiri stovnar sum varða av tilboðunum, ella eru fleiri lóggávur galdandi á økinum. Tað er nakað, sum Eyðgunn Samuelsen, landsstýriskvinna við almannamálum, ætlar samskipa betur Ein tænastulóg í vár skal gera tilboðini undir Almannaverkinum meira rættað móti tørvunum hjá teim einstaku Landsstýriskvinnan vil kanna møguleikarnar fyri at knýta starvsfólk at Landssjúkrahúsinum, ið millum annað skulu taka hond um avvarðandi