mánadagur 3. oktober 2016síða 22

Mánadagur 3. oktober 2016 · Nr. 113 22 Sosialurin Hugskot og viðmerkingar – send sms til 225000 Hey Hanus. Hvussu kennist tað at skora avgerandi málið í umráðandi sigrinum móti TB? Tað kennist sjálvandi gott at vera við til at ávirka úrslitið soleiðis at vit fingu 3 týdningarmikil stig á konto'ina. Tó skal ikki gloymast, at úrslitið eisini skyldast, at liðið megnar at halda nullið, og tað kunnu vit allir vera stoltir av. Hvussu kendist tað at vera á vøllinum áðrenn tit skoraðu, har tit vistu at AB var frammanfyri móti KÍ? Tað einu løtuna í fyrra hálvleiki, haldi eg at tað virkaði sum um at vit vildu ov nógv í senn, og blivu ótolnir at spæla bóltin runt fyri at skapa neyðugu støðurnar. Men so líðandi kom meira ró yvir spælið, og vit komu til fleiri góðar støður, serliga í seinna hálvleiki. Fyri tveimum vikum síðani tóktist FM dreymurin at vera brostin. Nú er hann brádliga har aftur. Hvussu er tað? Eftir tapið ímóti KÍ fyri tveimum vikum síðandi, meldaðu vit út, at vit fóru eftir at fáa tey seinastu 12 stigini. Nú hava vit so fingið tveir sigrar, og at stigatalvan nú hevur hætta seg sum hon hevur gjørt, ger sjálvandi endaspurtin meira spennandi. Hevði tú ynskt at komandi dystur kom um eina viku og sloppið undan landsliðssteðginum nú? Sum leikari gleðir tú teg altíð til dystirnar, so ongantíð betur, um stutt er millum dystirnar. Men at brúka tvær vikur at gleða seg heldur enn eina viku hesaferð, tað man vera í lagi. Hvussu sært tú uppá komandi tveir dystirnar? Nú taka vit komandi uppgávu ímóti B36 fyrst, og so taka vit tað harfrá. Tað er har alt fokus er á nú. Hetta verður ein sera torfør uppgáva. Mær vitandi hevur B36 ikki tapt ein dyst síðan á Ólavsøku, so hetta er eitt sera formsterkt lið vit møta um smáar tvær vikur. Men vit eru við gott mót. Vikan ið fór Víkingur er nýtt oddalið í Effodeildini, eftir at KÍ púra óvæntað tapur 3-1 ímóti AB, meðan Víkingur greiðir sína skyldu og vinnur 1-0 á heimavølli ímóti TB. Tað er einki óvæntað navn í hópinum, tá ið føroyski landsliðsvenjarin, Lars Olsen, úttekur hópin, sum skal spæla ímóti Lettlandi fríggjadagin og Portugal næsta mánadag. Teir seinastu átta minuttirnir í sokallaðu gúppi-gate ímillum Skála og ÍF í triðbestu deildini verða avgreiddir í ruskutum veðri hóskvøldið. Løtan endar 0-0, og dysturin 2-0 til Skála. Heri Ziska, venjari hjá Hvirluni, er í uppskoti um at gerast ársins leiðari hjá Dansk Atletik Forbund. Vinnarin verður avdúkaður 29. oktobur. Loyniligar upptøkur avdúka, at Sam Allardyce ikki sýtir fyri at ganga ímóti reglunum hjá FA, og eftir avdúkingina velur hann at siga seg úr starvi sum enskur landsliðsvenjari. Marna Egholm gerst danmarks­ meistari á marathon-teininum og setur í sannførandi stíli nýtt føroyskt met. ...við ítróttinum 5 SKJÓTIR Av tí, at yvirritaði hevur hildið við Arsenal so leingi sum meg minnist, so havi eg altíð hildið tvey ting um Arsène Wenger og Arsenal verið rættiliga stuttlig. Nummar eitt: At Arsenal skuldi finna sær ein venjara, sum eitur Arsène. Nummar tvey, sum eg nýliga havi funnið útav: Wenger varð settur í starvið í september 1996, og hansara fyrsti dystur sum Arsenal-venjari var á útivølli ímóti Blackburn 12. oktober 1996. Sjálvur eri eg føddur 9. oktober 1996. Við øðrum orðum, so hevur Wenger verið venjari hjá Arsenal líka leingi, sum eg havi livað. Tað loypti hvøkk á bretska fót­ bólts­heim­in, tá ið Arsenal kunn­ gjørdi nýggjan venjara fyri júst 20 árum síðani. Áðrenn hann kom til Arsenal var Arsène Wenger venjari hjá japanska Nagoya. Ein avísyvirskrift var soljóðandi: Arsène Who? Tað tók tó ikki langa tíð, so vistu øll, hvør hann var. Longu í sínum fyrsta heila kappingarári, í 1998, vann hann ensku greipuna. Síðani vann hann enska meistara­ heitið tvær ferðir afturat og FA Cup tríggjar ferðir afturat. Í 2005 var ongin ivi um, at hetta var besti venjarin í søguni hjá Arsenal. Men mangt broyttist í 2006, tá ið Arsenal skuldi fíggja sín nýggja leikvøll. Nú var Wenger ikki bara venjari – hann var eisini grann­ skoðari og skuldi syrgja, at felagið fekk inn­tøkur­nar frá Champions League hvørt einasta ár, sam­stundis sum hann skuldi klára seg við einum leikarahópi, ið var nógv bíligari og yngri enn tann hjá kappingar­ neytunum. Hóast Arsenal ikki vann eitt steyp aftur fyrr enn í 2014, so megnaði Arsenal at enda ímillum fýra tey fremstu hvørt einasta ár í hesi strævnu tíð. Enski blaðmaðurin, John Cross, ið hevur fylgt Arsenal øll hesi árini, hevur skrivað søguna um Wenger og Arsenal. Tú fært inn­lit í fram­ferðar­háttin hjá Wenger við leikarum, miðlum og starvs­rivalum – serliga Sir Alex Ferguson og José Mourinho. LES UM: Tú hevur á­huga fyri tí, sum fer fram handan leik­tjøldini í einum av størstu feløg­un­um í Onglandi. IKKI LES UM: Tú væntar, at Wenger avdúkar síni djúpastu loyndar­mál. Hetta er ikki hansara per­són­liga sjálvs­ævi­søga HVUSSU ER AT HYGGJA: Til tíðir eitt sindur langdrigið, men tú fært ymiskt at vita um Wenger, sum tú ikki visti áðrenn HVAT SIGUR TÚ: Spennandi og av­dúkandi bók, men eg eri eisini svorðin Arsenal-fjeppari. NELI HELDARSKARÐ Ummæli av ítróttar bókum, sendingum, dokumentarum og øðrum ítróttarligum hendingum… ★★★★★★ INFO: Arsène Wenger hevur nú verið venjari hjá Arsenal í heili 20 ár. Næstlongst sitandi venjarin í Premier League er Eddie Howe hjá Bournemouth, ið hevur verið í tí sessinum í 4 ár Sam Allardyce, eftir at verða trýstur úr starvinum sum enskur landsliðsvenjari Klæmint A. Olsen, sum er trý mál frá málmetinum í Effodeildini – Eg royndi at hjálpa einum, sum eg havi kent í 30 ár. Tíverri var hetta skeivt av mær at gera. Eg bleiv lumpaður í eina fellu – Eg vil heldur fáa seks stig og einki mál, enn at fáa fleiri mál og einki stig Fimm skjótir spurningar til føroysk ítróttarfólk... Navn: Hanus Jacobsen Aldur: 31 Starv: Fótbóltsleikari (Víkingur) Royn tína vitan um ítróttin her og nú! Svarini standa niðast til vinstru, men royn teg nú fyrst 1 Hvussu eitur venjarin, sum fyribils hevur tikið við sum enskur landsliðsvenjari? 2 Í næstum fer føroyskt U19-kvinnulandslið at luttaka í NEVZA-kapping. Hvørja ítróttargrein er talan um? 3 Hvussu eitur danska hondbóltsfelagið, sum Jóhan á Plógv Hansen spælir við? 4 Hvussu eitur føroyska dart-legendan, sum er greitt á odda í FM? 5 Hvussu eitur ÍF-málverjin, sum gjørdist miðpunkt í sokallaðu gúppi-gate? 6 Hvørjum bilmerki koyra formil 1-koyrararnir Lewis Hamilton og Nico Rosberg í? 7 Úr hvørjum landi kemur nýggi venjarin hjá venjarin hjá kyndilskvinnum? 8 Hvat eftirnavn stendur uppi yvir 8-talinum á myndini? 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Quizzin, svar: 1: Gareth Southgate 2: Flogbólt 3: Bjerringbro-Silkeborg 4: Remy G. Hansen 5: Ken Bærentsen 6: Mercedes 7: Spania 8: Bjartalíð ÍTRÓTTAR UMMÆLI BÓKIN: The inside story of Arsenal under Wenger