mánadagur 3. oktober 2016síða 23

23 Mánadagur 6. januar 2014 · Nr. 2 Sosialurin Mánadagur 3. oktober 2016 · Nr. 113 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen KLUMMAN Heri sigur sína hugsan... Tróndur Arge Í dag byrjaði ferðin hjá føroyska landsliðnum til Lettlands, har Føroyar skulu spæla fríggjakvøldið. Sama kvøldið skal Portugal spæla móti Andorra. Dagin eftir lenda tveir flúgvara vesturi á flogvøllinum. Fyr rum dagin kemur føroyska landsliðið aftur úr Lettlandi, meðan portugisiska landsliðið við Cristiano Ronaldo í hópinum lendir klokkan 19. Tað er ikki oftari enn so, at ein spælari, sum er kosin til heimsins besta fótbóltsspælara tríggjar ferðir, kemur til landið. Tí kann eisini roknast við, at tað verða nógvir fjepparar til staðar, tá hann tekur síni fyrstu fet í Føroyum. Góða tíð í Lettlandi Føroyska landsliðið er longu byrjað ferðina til Lettlands. Teir fóru í morgun við flogfarinum til Danmarkar, áðrenn farið verður víðari til Lettlands. Føroyska landsliðið hevur gjørt nógv burturúr, at fara í góðari tíð. Hetta er ein fyrimunur fyri spælararnar, ið tí fáa møguleikan at rista ferðina úr beinunum, og tillaga seg nýggja umhvørvið. Hetta gjørdu teir millm annað undan dystinum móti Grikkalandi í Pireus, tá vit vunnu 1-0. Nú er at vóna, at føroyska liðið aftur finnur seg til rættist í Lettlandi, tí møguleikin er fyri bæð javnleiki og sigri, men tað er skjótt at tapa ein landsdyst. Í Sosialinum í morgin verður upptak til sjálvan landsdystin. Róaldur ikki við Róaldur Jakobsen, mið­ vallarin hjá B36, hevur givið avboð vegna skúlagongd. Hann gav eisini avboð fyrr í ár somuleiðis vega skúlagongd. Í hansara stað er komin til Pól Jóhannus Justinussen, ið er úttikin til landsliðið aftur. Hann var ikki upp­runa­ liga úttikin, men hevur undan tí verið úttikin til allar lands­dystirnar undir Lars Olsen. Tó kundi ein spurt hví ein slík av­gerð ikki verður tikin áðrenn, so tað ikki er neyðugt at geva avboð. Rás2 sigur beinleiðis frá landsdystinum í Lettlandi. trondur@sosialurin.fo Um vikuskiftið var kappingarárið í 1. deild lokið. EB/Streymur og 07 Vestur vunnu sær trygt uppflyting upp í effodeildina. Og teimum skal verða ynskt hjartaliga til lukku við uppflytingini, sum var so ruddiliga uppiborin. B71 og AB flyta niður, og B36 og ÍF flyta upp úr 2. deild. Komandi ár verða tað bara fýra fyrstu lið í 1. deild. Tey verða Giza-Hoyvík, FC Suðuroy, B68 og AB. Heili seks eykalið verða í deildini. Talan er um eykaliðini hjá topp-6 liðunum í effodeildini, KÍ, Víkingur, NSÍ, B36, HB og ÍF. Tað er ikki so ræðuliga áhugavert at hava eina alilanga kapping við 27 umførum, har bert fýra lið hava møguleikan at flyta upp í bestu deildina. Tí er tíðin búgvin at umskipa næstbestu fótbóltsdeildina, og besti leisturin hevði verið íslendska modelið, har 12 lið eru í deildini, sum møtast heima og úti. Hetta hevði merkt, at kappingin í 1. deild hevði verið avgreidd longu aftaná 22 umfør, og ein hevði sloppið undan, at ein uppflytingarkandidatur skal spæla ímóti einum eykaliði heilar tríggjar ferðir í sama kappingarári. Við 12 liðum hevði B71 eisini verið verandi í deildini, og so høvdu, ið hvussu er fimm av teimum 12 liðunum í 1. deild verið fyrstu lið. Við 12 liðum høvdu allar Fótbólts-Føroyar eisini fingið staðfest hvussu leisturin við 12 liðum, sum møtast heima og úti í 22 umførum roynist, og so vóru vit øll tað klókari. Fólk hava tosað bæði harðliga ímóti, og brennandi fyri at hava 12 lið í effodeildini. Í skrivandi stund er so ikki meiriluti fyri 12 liðum í effodeildini, men hví ikki royna at hava 12 lið í næstbestu deildini, so vit síggja í verki hvussu tað roynist? Íslendingar fóru frá 10 liðum og til 12 lið fyri nøkrum árum síðani, og har verður staðfest, at tað riggar væl við 12 liðum. Higartil hava vit kolldømt leistin uttan at hava roynt hann. Til ber eisini at staðfesta, at tað "kostar" minni at royna leistin í næstbestu deildini, um tað í ringasta føri skuldi víst seg at verða ein ringur leistur, sum tað neyvan er. Ein framburður verður, ið hvussu er í 1. deild komandi kappingarár, og tað er, at Giza-Hoyvík loksins fær sín egna heimavøll uppi í Hoyvík. Hjá suðurstreymoyingum verður serliga spennandi í 1. deild komandi ár við fýra høvuðsstaðarliðum, har grannauppgerðir verða millum AB, Giza-Hoyvík, HB og B36. Fólkavøksturin er munandi størri í Hoyvík enn á Argjum, og tá Giza-Hoyvík hevur etablerað seg uppi í Hoyvík verður spennandi at síggja um tað verða hoyvíkingar ella argjamenn, sum verða tað "triðja liðið" í høvuðsstaðnum. Men lat tað endiliga verða í einari 1. deild har vit royna leistin við 12 liðum. Hesa komandi dagarnar halda vit tó øll við sama liðið. Vónandi megnar føroyska fótbóltslandsliðið at leggja enn eitt minniligt avrik fyri dagin á Skonto leikvøllinum í Riga í Lettlandi. Bert 16 pláss eru millum liðini á styrkislistanum hjá FIFA, men so mangan fyrr hevur júst tað verið stóri vandin hjá okkum, at vit hava hildið, at nú var møguleikin, og so glapp hann úr hondum okkara. Vit krossa fingrar fyri, at tað ikki hendir á hesum sinni. Føroyar Framá. 12 lið eiga at roynast í næst­bestu fótbóltsdeildini RONALDO Í FØROYUM LEYGARKVØLDIÐ Portugisiska landsliðið lendur í Føroyum leygarkvøldið klokkan 19. Við í ferðalagnum verður ongin minni enn Cristiano Ronaldo, maðurin sum tríggjar ferðir er kosin til heimsins besta fótbóltsspælara LANDSLIÐ S­ HÓPURIN: Málverjar: Gunnar Nielsen, FH (ÍS) Teitur M. Gestsson, HB Kristian Joensen, KÍ Verjuspælarar: Jónas Tór Næs, B36 Atli Gregersen, Víkingur Rógvi Baldvinsson, Vidar (NOR) Jóhan Troest Davidsen, HB Viljormur Davidsen, Vejle (DK) Sonni Ragnar Nattestad, Fylkir (ÍS) Gilli Rólantsson Sørensen, Brann (NOR) Bárður Jógvanson Hansen, Fremad Amager (DK) Miðvøllur: Kaj Leo í Bartalsstovu, FH (ÍS) Sølvi Vatnhamar, Víkingur Hallur Hansson, AC Horsens (DK) Brandur Hendriksson Olsen, Randers FC (DK) Heini Vatnsdal, Fremad Amager (DK) René Shaki Joensen, Vendsyssel (DK) Árni Frederiksberg, NSÍ Pól Jóhannus Justinussen, NSÍ Fróði Benjaminsen, HB Álop: Klæmint A. Olsen, NSÍ Jóan Símun Edmundsson, OB (DK) Páll A. Klettskarð, KÍ