mánadagur 3. oktober 2016síða 47

VIKA 40 • 3. OKTOBER 2015 23 ÓKEYPIS LÝSINGARBLAÐ TEMA Sandoy – Eg vil siga, at mín allarstørsti dagur lokalpolitiskt var, tá eg um ársskiftið 2014/2015 tók ímóti pró­ vnum um, at Sands kommuna tá var komin niður um eina álíkning í skuld. Tað fløvar enn meira, at netto­skuldin nú er komin niður um eina hálva álíkning. Borgarstjórin vísir á, at hetta er hent, samstundis sum kommunan hev­ur lækkað skattin í tveimum um­ førum. – Vit lækkaðu skattin í 2015 við 0,5 prosentum, og kortini vuksu skatta­ inntøkurnar við trimum prosentum hetta árið. Fyri árið í ár er skatturin aft­ur lækkaður við 0,5 prosentum, og kortini eru skattainntøkurnar higartil í ár øktar við heili fimm prosentum. Brandur Sandoy sigur, at hóast hesa góðu gongd, verður roynt at halda rakstrarútreiðslunum niðri og komm­unan hevur – hóast góðu gongd­ina bæði í ár og í fjør – ikki brúkt eina krónur meira til umsiting. – Vit brúka tað, sum vit noyðast at brúka til tað neyðuga, men málið er framvegis at gjalda niður skuld. Í ár hevur Sands kommuna brúkt stívliga fýra miljónir krónur upp á asfaltering, men vegirnir vóru niður­ slitnir, og her var stórur tørvur á nýggjum asfalti. – Tá eg tók við borgarstjóra­sess­ inum í oktober mánaði í 2009, var netto­skuldin hjá Sands kommunu 27 miljónir krónur, men á nýggjárinum í ár var skuldin komin niður á 6 miljónir krónur. So, vit kunnu ikki annað enn fegn­ast um góðu gongdina, sum hev­ ur verið í okkara kommunu hesi árini, sigur borgarstjórin. Friður hevur valdað Brandur Sandoy fegnast ikki minst um, at síðan borgarstjóraskiftið í Sands kommunu í oktober 2009, hev­ ur friður valdað í kommununi. – Ella sagt við øðrum orðum, at teir bardagar, sum hava verið, hava verið, har teir eiga at verða - og ikki í almenna rúminum. Eg vil í stutt­um siga, at kommunalpolitisku viður­ skiftini hesi árini hava verið stabil. Hann heldur, at útlitini hjá komm­ ununi eru rættiliga góð, og nú er ikki longur, eins og áður, neyðugt at fara niður á knøini yvirfyri fíggjar­mála­ ráðnum, um ein veit í bygdini skal gravast. – Áður vóru boðini, at vit fyrst skuldu gjalda so og so nógv niður á skuldina, áðrenn vit komu til rakstur og annað í kommununi. Men, hóast hesi strongu boð og hørðu krøv, eydn­ aðist tað okkum kortini at halda bygd­ ina koyrandi í einari rímiligari støðu. Brandur Sandoy vísir á, at tað eydn­aðist Sands kommunu hesi árini at byggja barnagarðin út yvir rakst­ urin, at fáa frítíðarskúla og ungdóms­ hús, og tað eydnaðist eisini at skipa fyri fleiri trivnaðartiltøkum. – Umframt afturvendandi og al­ mennu trivnaðartiltøkini, hava vit eisini lagt okkum eftir at skapa trivn­að innan starsfólkaøkið hjá komm­ununi. Vit hava soleiðis lagt dent á starvs­ fólkarøkt við tiltøkum og út­ferðum, sum kunnu samansjóða stabin hjá kommununi, leggur hann aftrat. Skattaprosentið niður Hóast Sands kommuna hevur lækkað skattin í tveimum umførum seinastu tvey árini, heldur borgarstjórin, at skatturin í kommununi framvegis er ov høgur. – Vit hava í dag eitt skattaprosent, sum er á 22,5, men sum var uppi á 24 prosentum, tá tað var hægst. Nú Sand­oyggin verður knýtt upp í megin­økið um fimm ár, verður neyðugt at lækka skattin enn meira, soleiðis at tað fíggjarliga eisini loysir seg at búgva í Sands kommunu. Sjálvur haldi eg, at málið eigur at verða at lækka skattin niður á 20 prosent tey næstu 4-5 árini - ella við umleið hálvum pro­senti um árið. Hetta er realistiskt, og hesum eiga vit eftir mínum tykki at stremba eftir. Spurdur, hvørjar íløgur liggja fremst­ar hjá einum nýggjum bygdar­ ráði eftir kommunuvalið komandi, sigur Brandur Sandoy, at eitt nú verður neyðugt við nýggjari brandstøð, eins og framhaldandi verður arbeitt við kloakk­unum. – Vit eru komin nakað ávegis við kloakkunum, men her verður neyðugt við nøkrum miljónum aftrat, áðrenn vit eru komin á mál. Í ár er so skarnið, sum rann út í Sandarfjørðuna, fingið burtur, sigur borgarstjórin. Spennandi aling Brandur Sandoy sigur seg vera sera spentan upp á alingina, sum Marine Harvest nú er í gongd við á Sandsvág. – Eftir tveir vetrar, har umstøðurnar eru royndar, er fiskur nú settur í ring­ ar­nar, og eg havi skilt, at alt hevur gingið væl higartil, eins og fiskurin veksur væl. Nú skulu vit bara vóna, at aliringarnir fara at klára harðbalna veturin, soleiðis at vit kunnu síggja fram ímóti einari størri alivinnu á Sandsvág. Borgarstjórin vísir á, at ali-felagið leigar lendið úti á bryggjuni til landstøð, og felagið leigar seg eis­ini inn í virkisbygningin hjá Sandoy Sea- food við fóðuri. – Vit síggja stórt í alivinnuni, og vit fegnast um tað samstarv, sum vit higartil hava havt við Marine Harvest, sigur Brandur Sandoy. – Vit síggja stórt í alivinnuni, og vit fegnast um tað samstarv, sum vit higartil hava havt við Marine Harvest, sigur Brandur Sandoy - Vit eru komin nakað ávegis við kloakkunum, men her verður neyðugt við nøkrum miljónum aftrat. Í ár er so skarnið, sum rann út í Sandarfjørðuna, fingið burtur, sigur borgarstjórin Mynd: Vilmund Jacobsen