týsdagur 4. oktober 2016síða 18

Mikudagur 5. oktober 2016 · Nr. 114 18 Sosialurin ÍVERKSETAN Sólvit E. Nolsø Tórshavnar kommuna avgjørdi fyri nøkrum árum síðani at gera meira við íverksetan. Tey vildu hava eitt fjølbroyttari vinnulív og tey ynsktu sær eitt meira livandi og spírandi umhvørvið, har íverksetar kundi koma inn við hugskotum, fá ráðgeving og menna hugskotið víð­ ari. Úr tú koma íverksetarahúsið Hug­skotið. Húsið byrjaði at veita ráðgeving 01. apríl 2014 og hevur sostatt meir enn tvey ár á baki. Leiðari er Jónhild Rasmussen. Nógv hugskot komin inn – Tórshavnar kommuna veitt fígg­ ing til eina tvey ára royndartíð í 2014. Tá vt sóu, at tað gekk somikið væl, avgjørdi kommunan at leingja tíðina við tveimum árum, so at royndartíðin nú heldur fram til 2018, sigur Jónhild Rasmussen. Jónhild Rasmussen sigur, at síð­ an byrjan hava 205 hugskot verið inni í húsinum og nógv av teimum eru í dag blivin til fyritøkur, ið hava fing­ið fígging og viðskiftafólk. – Eg kann ikki nevna øll, men til dømis hava veita.fo, Gómagott og PADO, ið eru vælkendar fyritøkur, allar verið inni hjá okkum og fingið ráðgeving at byrja við. Tað eru ymiskar fyritøkur við ymiskum ar­ beiðsøkjum, men øll byrjan er eins og tað er har vit koma inn, sigur Jónhild Rasmussen. Veita ráðgeving frá byrja til enda Hugskotið hevur ymsar skipanir, alt eftir hvat passar til tey ymsu hug­skotini og hvat tey hava brúk fyri. – Vit veita ókeypis ráðgeving, ið umfatar alt frá hugskotinum sjálvum, til mennan av vøruni, til fígging. Eg veiti sjálv ráðgeving, men brúki eisini mítt egna net­ verk nógv. Tað inniber m.a. ann­að eina mentorskipan, har eg spyrji serfrøðingar av ymsum slag at koma inn og knýta teir at verk­ ætlanini sum ráðgevar. Alt er tó framvegis ókeypis fyri íverk­set­ aran, sigur Jónhild Ras­mussen. Hugskotið hevur eisini eina innivist skipan, har fólk kunnu koma inn og fáa eina skrivastovu í hús­inum. – Fyri kr. 1000,- um mánaðin kann ein leiga sær eina skrivstovu her. Eftir tríggjar mánaðir hava vit eina evaluering og eftirfylgjandi er møguleiki at leingja tíðina. Tey flestu fara víðari eftir einum ári ella so, tí tá eru tey ofta komin so­ mikið langt, at tey klára seg bet­ur einsamøll, sigur Jónhild Ras­mus­ sen. Jónhild Rasmussen sigur víðari, at tað at fleiri eru inni í senn er eisini gott hjá teimum. Tey kunnu hjálpa hvørjum øðrum og geva hvørj­um øðrum ráð. Ein, sum hev­ ur verið í gongd í eina tið kunnu væl hjálpa einum, sum nýliga er byrjaður, sigur Jónhild Rasmussen. Hevur gingið væl Jónhild Ramussen letur væl at gongd­ini í Hugskotinum og sigur, at hetta avgjørt hevur verið eina tørvur á tilboðnum í Havn, tí tað verður nógv brúkt. – Tað hevur gingið yvir allar vænt­anir. Tað koma fólk inn alla­ tíðina og fleiri detta inn á gólvið. Vanlig manngongd er, at tey við einum hugskoti ringja inn og biða um eina tíð. Tað er ikki neyðugt at hava nakað uttan eitt hugskot, so kunnu tey koma inn til okkum at tosa um restina, sigur Jónhild Rasmussen. solvit@sosialurin.fo Hugskotið roynst væl Tað manglar ein leinkja millum íverksetarar og íleggjarar, sigur Bjartur Nolsøe, stjóri fyri Íverksetarahúsið. Tí er stig nú tikið til eitt nýtt átak, ið skal knýta samband millum íverksetarar og íleggjarar