mánadagur 10. oktober 2016síða 23

23 Mánadagur 6. januar 2014 · Nr. 2 Sosialurin Mánadagur 10. oktober 2016 · Nr. 116 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð Pætur E. Jensen KLUMMAN Hilmar Jan sigur sína hugsan... Tróndur Arge Síðani vit í 1992 fóru at spæla okkara heimadystir í Føroyum, so hava nógvar fót­bólts­stjørnur verið her. So seint sum í 2012 var Zlatan Ibrahimo­vic á Tórsvølli, men tað er ongin ivi um, at Cristiano Ronaldo er tann størsti av teimum øllum. Hann er tríggjar feðrir valdur til heimsins besta spæl­ara, hevur verið heimsins dýrasti fót­bólts­ spælari og hevur størsta brandið av øllum fót­bólts­ spælarunum í heiminum. Giggs, Hagi og Litmanen Tað kunnu nevnast nógvir spælarar, sum hava verið kendir, tá teir hava spælt í Føroyum. Longu í fyrstu HM undankappingini vóru fleiri stór nøvn at síggja á Svangaskarði. Føroyar komu í bólk við eitt nú Wales, Rumenia og Belgina. Hjá Wales var talan um spæl­ar­ar sum Ryan Giggs og Ian Rush við. Ryan Giggs var tá komandi stjørnan hjá Manchester United, meðan topp­skjúttin hjá Liverpool, Ian Rush, skoraði síni seinastu mál hesi árini. Við rumenska lands­ liðn­um kom ongin minni enn Gheorghe Hagi, sum í enda­spæl­in­um í 1994 vísti stór­spæl. Eina annar spæl­ arin, sum var stórur tá, var belgiski miðvallarin Enzo Scifo. Í EM 1996 undanspælinum kom Finnland hendan vegin. Við í flogfarinum var Jari Litmanen, sum tá var ein av stjørnunum hjá Ajax ið vann Champions League í 1995. Barcelona venjararnir Í HM 1998 undankappingini komu vit í bólk við Spania, sum hevði fleiri stórar stjørnur á liðnum. Millum annað vandu teir á niðara­ vølli, og tað var frítt hjá almenning­in­um at hyggja. Vit á tí liðnum vóru millm annað Josep Guardiola og Luis Enrique, ið báðir hava roynt leik­lutin sum venjari hjá Barcelona. Vieira útvístur Í 2004 kom franska lands­ liðið hendan vegin. Tá vóru spælarar sum Patrick Vieira og Thierry Henry í hæddini. Merkisvert tó, so bleiv Patrick Vieira útvístur í 2-0 sigrin­um á Tórsvølli. Undankappingina eftir komu vit í bólk við Italia, ið kom hendan vegin sum HM vinnar­ar. Har vóru spæl­ar­ ar sum Fabio Cannavaro, Alessandro Del Piero, Andrea Pirlo og Gianluigi Buffon. Týskland og Zlatan Seinnu árini hava spælarar sum Mesut Ozil, Thomas Muller og Zlatan Ibrahimovic verið á Tórsvølli. Her mundi Zlatan Ibrahimovic vera tann størsti av teimum. Tá vóru eisini fólk at síggja kring Hotel Føroyar, og fólk royndi sítt fyri at fáa eyga á hann. Ronaldo tann størsti nakrantíð Hóast talan er um nógvar stórar spælarar, so er ongin ivi um, at Cristiano Ronaldo tann størsti av teimum øllum. Tað sæst á miðla­ dekninginum, fjepparunum og rokinum rundan um heimsstjørnuna. Nú fáa vit so at síggja, um vit klára at knúgva evropameistaranum. trondur@sosialurin.fo Eingin ivi er um, at hesir síðstu dagarnir hava verið heilt serligir í føroyskum fótbóltshøpi. Fyri at byrja við fríggjakvøldinum, so var tað ein uppliving at síggja eitt føroyskt landslið, ið boblaði av stórum sjálvsáliti og hvíldi í sær sjálvum. Eitt er, at Føroyar megnaðu at vinna 2-0 á útivølli, sum í sjálvum sær er stórt, men ikki minni merkisvert var at síggja ímóti endanum á dystinum, hvussu føroyska liðið flutti bóltin skjótt millum spælararnar, so lettarnir sóu út sum keylir í eini kaldari mánakvøldsvenjing. Ikki bara hava vit eitt lið, ið dugir at skapa nøkur úrslit, ið vekja ans, men tað verður altso eisini gjørt við stíli! Síðani hava miðlarnir verið sera nógv upptiknir av, at portugisiska fótbóltslandsliðið er komið á vitjan, tí alt hevur verið á gosi. Orsøkin er sjálvandi fremst av øllum Cristiano Ronaldo, sum uttan síðustykki er størsta einstaka fótbóltsstjørnan, ið nakrantíð hevur vitjað á klettunum. Vit skilja væl, at børnini vilja tryggja sær ein autograf ella eina sjálvsmynd saman við »giraffinum«, men eitt sindur stuttligari verður tað altso, tá bæði mammur og pápar leggja nógv fyri, so tey eisini sleppa upp í part. Neyðars Ronaldo, ið bæði skal smílast og skriva autografar alla somlu tíðina, sjálvt um hann og hinir europameistararnir í veruleikanum er komnir til Føroya eitt sindur kroystir, tí Portugal í hesi HM- undankappingini upp á ein máta hevur fingið skeiva beinið upp úr songini. Sjálvandi eiga vit at sýna Ronaldo og hinum portugisisku stjørnunum gestablídni, men tað skal nú valdast! At trygdartiltøk skulu forða fyri, at óviðkomandi sleppa at renna bæði inni í og oman á hotellinum, meðan gestirnir eru her, er einki at siga til. Men at mannagongdir innanveggja verða broyttar, so gestirnir verða sum minst órógvaðir, er altso at toyggja tað í meira lagi. Og serliga, tá tað – sum líkt er til – noyðir okkara egnu landsliðsspælarar, ið eisini búgva har, at broyta sínar mannagongdir og rutinur, so líkist tað altso mest av øllum misskiltum gestablídni. Tí er bara at vóna, at júst tað kann vera við til at tendra okkara góðu landsliðsmanning eyka nógv, tá gestablídnið av álvara stendur sína roynd á Tórsvølli! HILMARJAN@SOSIALURIN.FO Misskilt gestablídni RONALDO ER TANN STØRSTI NAKRANTIÐ Vit hava spælt móti nógvum stórum fótbóltsstjørnum í Føroyum, men Cristiano Ronaldo er tann størsti av teimum øllum